1 Sam 17:12 - Kaqchiquel Bible

¹² Ri Isaí aj-Belén richin Judá, kan janila k'a ri'j chik toq niq'aton-tzij ri rey Saúl, y rija' ek'o e waqxaqi' ruk'ajol, y jun chike rije' ja ri David.

1 Sam 17:12 ပူးပေါင်းရင်းမြစ်များ

Wuj Richin ri Rutikeribel 35:19

Y keri' k'a toq ri Raquel xken y xkimuq kan ri chiri' toq kichapon-el bey pan Efrata, ri wakami jari' ri tinamit rubini'an Belén.

2 Sam 23:1

Jare' ri ruk'isibel taq ch'abel ri xubij ri David ri ruk'ajol kan ri Isaí: Ri qa-Dios y ri ru-Dios ri Jacob xirucha' richin xinok rey. Rija' xunimirisaj nuq'ij. Y toq xubij chuwe richin yich'on, jari' toq xinben re jun bix re'.

Wuj Richin Bix Chire ri Dios 132:6

Ri chiri' pa tinamit Efrata, yin y ri wachibil xqak'axaj k'a jun rutzijol pa ruwi' ri káxa, y xojbe chutz'etik chiri' pa juyu' richin Jáar.

Wuj Richin ri Miqueas 5:2

Jak'a xtipe pe jun q'atoy-tzij pa tinamit Belén ri chuqa' nibix Efrata chire. Stape' ri tinamit ri' maneq rejqalen chikiwech konojel ri tinamit richin Judá, kan kik'in rije' xtel-wi-pe re q'atoy-tzij re'. Y rija' kan samajineq-wi-pe pa nabey.

San Mateo 1:6

Y re Isaí re' xralk'ualaj ri rey David. Ri rey David xralk'ualaj ri Salomón rik'in ri Betsabé ri rixjayil. Ri Betsabé ri', ja ri rixjayil kan ri Urías.

San Mateo 2:1

Ri Jesús xalex k'a ri pa tinamit rubini'an Belén, ri k'o pa Judea, pa ruq'ijul ri Herodes ri Nim,*f3* ri rey pa ruwi' ri ruwach'ulew ri'. Y toq q'axineq chik juba' q'ij, jari' toq ka'i-oxi' achi'a' etamanela' chikij ri ch'umila', e peteneq pa relebel-q'ij xe'oqaqa pa Jerusalem.

San Mateo 2:6

Kan xtipe k'a jun q'atoy-tzij pa Belén richin ri Judá. Stape' ri tinamit ri' maneq ok rejqalen chikiwech konojel ri tinamit richin Judá, jak'a kan kik'in rije' xtel-wi-pe re q'atoy-tzij re'. Y ja rija' k'a xtiyuqen kichin ri nuwinaq judío, nicha'.

Wuj Richin ri Rut 1:2

Re achin re' rubini'an Elimélec, ri rixjayil rubini'an Noemí y ri e ka'i' ruk'ajol kibini'an Mahlón y Quilión. Rije' e riy-rumam kan ri achin ri xubini'aj Efrata, ri xtz'ukun kan ri tinamit Belén. Rije' xebek'oje' k'a pa ruwach'ulew Moab y xkibanala-qa kachoch chiri'.

Wuj Richin ri Rut 4:17

Y ri ixoqi' xkibij: Wakami ri Noemí kan k'o k'a jun ral ti ala', xecha'. Y kan ja rije' k'a xekanon rubi' ri ak'ual; y Obed ri rubi' ri xkiya'. Y ri Obed jari' ri rutata' ri Isaí y chuqa' rumama' ri rey David.

1 Sam 1:1

Chupan ri ruwach'ulew Israel, k'o k'a jun achin rubini'an Elcaná, aj-Ramá, chiri' chuwa taq juyu' richin ri Efraín. Ri Elcaná ruk'ajol ri Jeroham, rumam ri Elihú y ruxikin-rumam ri Tohu. Y ri Tohu ruk'ajol kan ri Suf aj-Efraín.

1 Sam 16:1

Chirij re' ri Jehová xubij k'a chire ri Samuel: ¿K'a jampe' k'a yatane' chi oq'ej chirij ri Saúl? Roma ja yin ri xibin chire chi man rey ta chik pa ruwi' ri Israel. Wakami tanojisaj k'a ri uk'a' rik'in aceite y xkabe rik'in ri Isaí aj-Belén, roma jun chike ri ruk'ajol rija' nucha'on richin nibe'ok rey, xcha'.

1 Sam 16:18

Y jun chike ri rusamajela' xubij-apo: Yin nutz'eton jun chike ri ruk'ajol ri Isaí aj-Belén. Rija' nitikir niq'ojoman, y kan k'o ruchuq'a', y maneq xibinri'il chuwech richin nibe pan oyowal. Chuqa' kan nino'on rik'in ri ruch'abel y ri nitzu'un kan jebel ok, y ri Jehová kan k'o-wi rik'in, xcha'.

1 Sam 17:11

K'ari' ri Saúl y konojel ri ruwinaq, toq xkak'axaj ri ch'abel ri', kan xmayamo-qa kánima y janila xkixibij-ki'.

1 Sam 17:58

Y xuk'utuj ri Saúl chire chi achoq k'ajol k'a rija'. Y ri David xubij chi rija' ruk'ajol ri Isaí aj-Belén.