1 Sam 16:5 - Kaqchiquel Bible

⁵ Y ri Samuel xubij: Ja', richin uxlanibel-k'u'x roma yin in peteneq richin nonsuju' sipanik chire ri Jehová. Tich'ajch'ojirisaj-iwi' y kixanpe wik'in richin niqasuj ri kamelabel, xcha'. K'ari' xroyoj ri Isaí y ri e ruk'ajol y xeruch'ajch'ojirisaj achi'el nubij ri pixa', y xek'oje' rik'in richin xusuj ri sipanik.

1 Sam 16:5 ပူးပေါင်းရင်းမြစ်များ

Wuj Richin ri Josúe 3:5

K'ari' ri Josué xubij chire ri tinamit: Tich'ajch'ojirisaj-iwi', roma chua'q ri Jehová xtuben meyel taq banobel chiqakojol roj, xcha'.

Ex 19:10

Y k'ari' ri Jehová xubij chik k'a chire ri Moisés: Kabiyin kik'in ri awinaq y tabana' k'a chike chi kan tikijacha-ki' chuwe yin chupan re q'ij re' y ri q'ij chua'q. Chuqa' kan tikich'aja' ri kitziaq.

1 Corintios 11:28

Roma ri', tina-qa-iwi', y k'ari' titija' ri kaxlan-wey y tiqumu' ri vino.

Wuj Richin ri Josúe 7:13

Kayakatej k'a, y tabij chire ri atinamit: Tich'ajch'ojirisaj k'a ri ik'aslen, richin chua'q ix ch'ajch'oj chik, roma ri Jehová ri qa-Dios kere' nubij. Pa inik'ajal rix Israel k'o-wi ri mak. Man xkixtikir ta xtipaba-iwi' chikiwech ri e etzelanel iwichin, k'a toq xiwelesaj yan chi'ikojol ri nubin chi nik'is jumul.

Joel 2:16

Kan tikich'ajch'ojirisaj-ki' richin ri molojri'il. Ke'imolo' ri e rijita'q taq achi'a' ri k'o kiq'ij; chuqa' ri ak'uala' y ri k'a yetz'uman. Chuqa' ke'el-pe pa kachoch ri k'a juba' kek'ule'.

Wuj Richin ri Achin Job 1:5

Y toq chikijujunal rije' kibanon chik k'a ri kinimaq'ij, ri Job yeroyoj k'a ri ralk'ual richin nusuj kamelabel chuwech ri Dios koma chikijujunal rije', richin yech'ajch'ojir. Y kan nimaq'a' yan k'a niyakatej richin nusuj ri kamelabel ri', richin nuk'utuj rukuyubel kimak ri ralk'ual, roma rija' kan nuch'ob chi rik'in juba' xemakun rik'in ri kich'obonik o rik'in juba' e ch'owineq itzel pa taq kánima chirij ri Dios.

Wuj Richin ri Q'axanri'il 11:8

Y ri aj-chikajil-wey niqaqa k'a pe ri chaq'a' toq ri raxq'ab niqaqa-pe pa ruwi' ri akuchi ek'o-wi-qa. Y ri winaqi' ye'el k'a chumolik. K'ari' nikike'ej o nikiweq-ruwi'. Xeri' nikipon o nikiroqowisaj pa jun bojo'y; y ri ruki'il achi'el ri wotz'otz' banon rik'in ri aceite k'ak'a'.

Wuj Richin ri Rutikeribel 35:2

Y roma ri' ri Jacob xubij chike ri rixjayilal, ri ruk'ajol y chike konojel ri ek'o pa rachoch: Ke'iwelesaj-el jumul chi'ikojol ri kiwachibel ri i-dios. Tich'ajch'ojirisaj-iwi' y tijala' ri itziaq.

1 Sam 20:26

Y ri Saúl chupan k'a ri q'ij ri' man jun xubij, roma xa xuch'ob-qa: Rik'in juba' k'o jun xuk'uluwachij, y man ruch'ajch'ojirisan ta ri', achi'el nubij ri pixa'; y roma ri' man k'o ta pe re wawe', xcha-qa.

Wuj Richin ri Sofonías 1:7

Kan man jun k'a tiq'ajan chinuwech yin Jehová, roma ri q'ij richin woyowal kan naqaj chik k'o-wi. Yin kan e nuch'aron chik ri winaqi' aj-Judá ri e jampe' xkeken achi'el ri awej ri yeken richin kamelabel; y kan e nuchojmirisan chik ri xkebanon ri eleq' kik'in.

1 Rey 2:13

Chirij k'a ronojel re' ri Adonías ral ri Haguit xapon rik'in ri Betsabé, ri rute' ri Salomón. Y ri Betsabé xubij chire: ¿At peteneq rik'in uxlanibel-k'u'x?, xcha' chire. Y ri Adonías xubij chi keri'.

1 Crón 12:18

Y k'o k'a jun achin rubini'an Amasai, aj-raqen pa kiwi' jun tzobaj achi'a' ri k'o janila kuchuq'a'. Y ri Espíritu richin ri Dios xqaqa-pe pa ruwi' rija' richin xubij chire ri David: Ojk'o awik'in David; Ojk'o awik'in, ruk'ajol ri Isaí; Man oj peteneq ta richin niqaben oyowal awik'in; Y man oj peteneq ta richin niqaben oyowal kik'in ri yeto'on awichin; Roma ri qa-Dios kan at ruto'on, xcha' ri Amasai. Y ri David xeruk'ul k'a chi utzil, y xeruya' aj-raqen pa kiwi' ri aj-labal.