1 Sam 16:21 - Kaqchiquel Bible

²¹ Toq xapon k'a ri David rik'in ri Saúl y xbek'oje' kan rik'in, ri Saúl janila k'a xrajo' ri David y xukusaj richin nuchajij ri rukamisabal.

1 Sam 16:21 ပူးပေါင်းရင်းမြစ်များ

Wuj Richin Etamabel-Tzij 22:29

Wi rat awetaman ruwech jun wineq ri kan jebel nisamej pa rusamaj rija', ri wineq ri' kan tikirel chire chi nibesamej kik'in ri e rey, y man kik'in ta xabachike winaqi' nril-wi rusamaj.

Wuj Richin ri Rutikeribel 41:46

Ri José k'o k'a juwineq lajuj rujuna' toq xuchop nusamajij ri rey ri richin Egipto. Y xuchop k'a nel chubanik ri rusamaj y xretamaj chijun ri ruwach'ulew Egipto.

Wuj Richin Bix Chire ri Dios 146:3

Man tikuquba' ik'u'x kik'in ri e tata'al, man tikuquba' ik'u'x kik'in winaqi', ri xa man yetikir ta yixkikol.

Wuj Richin Bix Chire ri Dios 118:9

Más utz niqakuquba' qak'u'x rik'in ri Jehová, ke chuwech niqakuquba' qak'u'x kik'in ri e tata'al.

Wuj Richin Bix Chire ri Dios 62:9

Kan qitzij wi, chi ri wineq xa q'axel achi'el ri kaq'iq', Stape' beyom o k'o ta pa meba'il, xa kan maneq rejqalen. Wi ta ye'etex pa jun etabel konojel, kan yek'ulun chi xa man jun kejqalen.

1 Rey 10:8

Jebel ruwa-kiq'ij ri awinaq ri ek'o awik'in; jebel ruwa-kiq'ij ri asamajela' roma kan q'ij-q'ij nikak'axaj ri awetamabal.

Deut 10:8

Chupan ri q'ij ri' ri Jehová xucha' ri tzobaj richin kan ri Leví richin chi ja rije' ri ye'uk'uan ri káxa richin ri rujikibel-tzij, y richin nikisuj kamelabel y nikik'utuj urtisanik pa qawi', achi'el nikiben k'a re q'ij re'.

Deut 1:38

Chuqa' xubij: Jak'a ri ato'onel Josué, ri xtok-apo chupan ri ruwach'ulew ri' pan ak'exel rat. Tabij chire chi tutija' ruq'ij, roma ja rija' ri xtich'aron ri ruwach'ulew chikiwech ri ch'aqa' chik israelita.

Wuj Kichin ri To'onela' 9:54

Xeri' ri Abimélec xroyoj chi'anin ri chajinel richin y xubij chire: Chi'anin tawelesaj ri a-espada y kinakamisaj, richin chi man tibix chuwij: Xa jun ixoq xkamisan richin, xkecha', xcha' rija'. Ri chajinel richin, xrelesaj k'a ri ru-espada y xukamisaj.

1 Sam 16:22

Y ri Saúl xuteq chik rubixik chire ri Isaí: Yin nink'utuj utzil chawe richin nik'oje' ta ri David wik'in roma janila niqa' chinuwech, xcha'.

1 Sam 17:15

Y ri David nibe y nipe rik'in ri Saúl roma k'o chi nuyuq'uj ri rukarne'l ri rutata' chiri' pa Belén.

1 Sam 17:55

Y ri Saúl toq xutz'et chi ri David xberubana' oyowal rik'in ri Goliat, xuk'utuj chire ri Abner aj-raqen pa kiwi' ri aj-labal chi achoq k'ajol ri ala' ri'. Y ri Abner xubij chire ri rey chi man retaman ta ruwech.

1 Sam 19:7

Y ri Jonatán xroyoj ri David y xutzijoj ronojel chire ri xubij ri rutata', y kan ja rija' xuk'uan-el richin ri David pa rachoch ri Saúl, y xk'oje' rik'in achi'el rubanon kan.