1 Sam 16:19 - Kaqchiquel Bible

¹⁹ K'ari' ri Saúl xeruteq k'a el ri rusamajela' rik'in ri Isaí y xubij-el: Tataqa-pe wik'in ri ak'ajol David ri yuq'unel kichin karne'l, xcha-el ri Saúl.

1 Sam 16:19 ပူးပေါင်းရင်းမြစ်များ

1 Sam 17:15

Y ri David nibe y nipe rik'in ri Saúl roma k'o chi nuyuq'uj ri rukarne'l ri rutata' chiri' pa Belén.

1 Sam 16:11

¿Ja konojel ak'ajol re'?, xcha'. Y ri Isaí xubij: K'a k'o na kan jun nuk'ajol ri ti ch'i'p, ri niyuq'un kichin ri nukarne'l, xcha'. Y ri Samuel xubij chire ri Isaí: Tataqa' royoxik, roma kan man xqojtz'uye' ta qa richin ri wa'in k'a toq xtipe na rija', xcha'.

Am 1:1

Yin nubini'an Amós, jun chike ri yuq'unela' ri ek'o pa tinamit Tecoa. Ri Jehová xch'on k'a wik'in pa ruwi' ri xtuk'uluwachij ri ruwach'ulew Israel ri k'o pa xaman. Re ch'abel re' xbix chuwe toq niq'aton-tzij ri Ozías pa ruwi' ri ruwach'ulew Judá, y toq ri Jeroboam ruk'ajol ri Joás niq'aton-tzij pa ruwi' ri ruwach'ulew Israel. K'o yan k'a ka'i' juna' tibix chuwe toq xuben ri nimalej silonel. Y kere' k'a ri rutzijol ri xuya' ri Dios chuwe:

Wuj Richin Bix Chire ri Dios 113:8

K'ari' nuben chike chi yetz'uye' chikikojol ri achi'a' ri k'o kiq'ij, y chikikojol ri e tata'al richin ri tinamit.

1 Rey 19:19

Toq ri Elías tzolejineq-pe chiri', jari' toq xberila-el ri Eliseo ruk'ajol ri Safat ri nisamej pa jun ulew. Chuwech rija' e ik'owineq-el kablajuj k'ulaj bóyix, y ja rija' uk'uayon ri ruk'isibel k'ulaj bóyix. Y ri Elías kan choj xbe k'a rik'in richin xuya' ri ko'ol raqen rutziaq chirij.

1 Sam 16:18

Y jun chike ri rusamajela' xubij-apo: Yin nutz'eton jun chike ri ruk'ajol ri Isaí aj-Belén. Rija' nitikir niq'ojoman, y kan k'o ruchuq'a', y maneq xibinri'il chuwech richin nibe pan oyowal. Chuqa' kan nino'on rik'in ri ruch'abel y ri nitzu'un kan jebel ok, y ri Jehová kan k'o-wi rik'in, xcha'.

1 Sam 16:20

Y ri Isaí xuteq k'a el ri David, xuya-el kaxlan-wey, jun tz'um yakbel vino ri nojineq-el, jun ti alaj tzuntzun, y xuya-el chirij ri rubur richin xuk'uaj chire ri Saúl, k'ari' xbe.