1 Sam 16:16 - Kaqchiquel Bible

¹⁶ Ajaw, taya' q'ij chiqe richin chi nibeqakanoj jun ri nitikir nuq'ojomaj arpa, richin toq xtipe ri itzel espíritu awik'in, rija' xtuq'ojomaj ri arpa y jari' toq rat xkach'uch'u' kan, xecha'.

1 Sam 16:16 ပူးပေါင်းရင်းမြစ်များ

2 Rey 3:15

Wakami k'a tak'ama-pe jun achin ri niq'ojoman, xcha' chire. Y toq k'o chik chiri' ri achin y xuchop niq'ojoman, jari' toq ri uchuq'a' richin ri Jehová xuteq-pe pa ruwi' ri Eliseo.

1 Rey 10:8

Jebel ruwa-kiq'ij ri awinaq ri ek'o awik'in; jebel ruwa-kiq'ij ri asamajela' roma kan q'ij-q'ij nikak'axaj ri awetamabal.

1 Sam 19:9

Chupan k'a jun aq'a', ri Saúl tz'uyul pa rachoch y ruchapon ri rukum, rokik ri David niq'ojoman. Y jari' toq ri Jehová xuteq chik pe ri itzel espíritu rik'in ri Saúl, y roma ri' xuk'eq ri rukamisabal richin nuch'ik ta ri David chuwech ri jay. Jak'a ri David xtikir xujel y ri kum xch'ike' chuwech ri jay. Y chupan k'a ri aq'a' ri' ri David xrewaj-el-ri' y xbe chirachoch.

1 Sam 18:10

Ri jun chik q'ij ri Jehová xuteq chik k'a pe ri itzel espíritu rik'in ri Saúl, y kan sachineq ruk'u'x k'o pa rachoch. Y ri David niq'ojoman k'a achi'el nuben ri ch'aqa' chik q'ij. Y ri Saúl kan ruk'uan k'a ri rukum.

1 Sam 10:5

Chirij ri', xkatapon pa tinamit Guibeá, akuchi ek'o-wi jun tzobaj aj-Filistea. Y toq xkatok chupan ri tinamit ri', xke'ak'ul jun tzobaj e q'alajirisey ruch'abel ri Dios ri e tzolejineq-pe richin xbekiya' ruq'ij ri Dios y nikiq'alajirisaj ri ruch'abel. Y chikiwech rije' e ik'owineq-pe q'ojomanela' kik'amon-pe ri kiq'ojom: Ri salterio, ri pandero, ri xul y ri arpa.

Wuj Richin ri Rutikeribel 41:46

Ri José k'o k'a juwineq lajuj rujuna' toq xuchop nusamajij ri rey ri richin Egipto. Y xuchop k'a nel chubanik ri rusamaj y xretamaj chijun ri ruwach'ulew Egipto.

1 Sam 16:14

Ri Espíritu richin ri Jehová xel k'a el rik'in ri Saúl, y ri Jehová xuteq chik k'a pe jun itzel espíritu rik'in, y jari' ri nich'ujirisan richin.

1 Sam 16:15

Y ri rusamajela' ri Saúl xkibij chire: Ri Dios xuteq-pe jun itzel espíritu awik'in, y jari' ri yach'ujirisan.

1 Sam 16:17

Y ri Saúl xubij chike chi keri' tikibana'.