1 Sam 16:14 - Kaqchiquel Bible

¹⁴ Ri Espíritu richin ri Jehová xel k'a el rik'in ri Saúl, y ri Jehová xuteq chik k'a pe jun itzel espíritu rik'in, y jari' ri nich'ujirisan richin.

1 Sam 16:14 ပူးပေါင်းရင်းမြစ်များ

Wuj Richin Bix Chire ri Dios 51:11

Man tawelesaj-el ri Loq'olej Espíritu wik'in. Chuqa' man yinaya' kan nej.

1 Sam 18:12

Ri Saúl kan k'o-wi rukiy ri David chuwech, roma ri Jehová kan k'o-wi rik'in ri David, y maneq chik rik'in rija'.

1 Sam 28:15

K'ari' ri Samuel xuk'utuj chire ri Saúl: ¿Achike roma xaben chuwe richin chi yin xipe?, xcha'. Y ri Saúl xubij chire: Yin janila sachineq nuk'u'x, roma ri aj-labal aj-Filistea nokibana' oyowal qik'in, y ri Dios kan ruch'aron-el-ri' wik'in. Kan man nuk'uluba' ta chik pe ri nuch'abel, ni kik'in ri q'alajirisey ri ruch'abel, ni ta pa wachik'. Roma ri' xatinwoyoj, richin naq'alajirisaj chinuwech achike nik'atzin richin ninben, xcha'.

Wuj Kichin ri To'onela' 16:20

Y xubij chire: ¡Sansón, ri aj-Filistea xepe richin yatkichop!, xcha'. Y toq xuna' ruwech, xubij-qa: Wakami xa xkinanimej chik el jun bey achi'el nubanon-pe ronojel mul, xcha-qa. Y kan man retaman ta chi xa malin chik kan roma ri Jehová.

Wuj Kichin ri To'onela' 9:23

ri Dios xuben k'a chi xech'aratej ri Abimélec y ri achi'a' aj-Siquem; y ri achi'a' ri' xeyakatej k'a chirij ri Abimélec.

1 Sam 18:10

Ri jun chik q'ij ri Jehová xuteq chik k'a pe ri itzel espíritu rik'in ri Saúl, y kan sachineq ruk'u'x k'o pa rachoch. Y ri David niq'ojoman k'a achi'el nuben ri ch'aqa' chik q'ij. Y ri Saúl kan ruk'uan k'a ri rukum.

Os 9:12

Wi k'o ta kalk'ual xkenimer-q'anej, xa kan xkenwelesaj k'a el chikikojol. Kan toq'ex k'a kiwech rije' toq yin xkenmalij kan, nicha' ri Jehová.

1 Rey 22:22

Y ri espíritu ri' xubij: Yin xkibe y xkinok jun espíritu richin tz'ukuj-tzij, y xtinben chike ri achi'a' ri e q'alajirisanela' richin xtikitz'uk-tzij. Y ri Jehová xubij chire chi tibe y tiberubana' roma kan nitikir nuben chire ri Acab chi nibe y niken kan.

1 Sam 11:6

Toq xrak'axaj ronojel re' ri Saúl, jari' toq ri Espíritu richin ri Dios xoqaqa rik'in richin nuya' ruchuq'a'. Y rija' kan janila xyakatej royowal chikij ri winaqi' ri'.

Wuj Kichin ri To'onela' 16:29

Y k'ari' xuchop k'a ri ka'i' pilar ri temeyon ri jay ri', jun pilar pa rijkiq'a' y ri jun chik pa rajxokon.

1 Sam 16:15

Y ri rusamajela' ri Saúl xkibij chire: Ri Dios xuteq-pe jun itzel espíritu awik'in, y jari' ri yach'ujirisan.

1 Sam 16:16

Ajaw, taya' q'ij chiqe richin chi nibeqakanoj jun ri nitikir nuq'ojomaj arpa, richin toq xtipe ri itzel espíritu awik'in, rija' xtuq'ojomaj ri arpa y jari' toq rat xkach'uch'u' kan, xecha'.

1 Sam 16:23

Y ronojel k'a mul toq nipe ri itzel espíritu rik'in ri Saúl, jari' toq ri David nuchop nuq'ojomaj ri arpa. Y ri Saúl kan nich'uch'u' kan ri ránima roma ri itzel espíritu kan nel-el rik'in.

2 Sam 7:15

Jak'a ri nujoyowanik man xtinwelesaj ta pa ruwi' rija', achi'el xinben rik'in ri Saúl, ri xinwelesaj richin chi xatinya' kan rat pa ruk'exel.

1 Rey 22:19

Y ri Micaías xch'on chik y xubij: Wakami k'a, tawak'axaj k'a ri nubij ri Jehová. Yin kan xintz'et ri Jehová tz'uyul pa rutz'uyubal richin q'atbel-tzij, y ek'o-apo ri ángel rik'in y kan man e ajlatel ta; ek'o pa rijkiq'a' y pa rajxokon.