1 Sam 16:11 - Kaqchiquel Bible

¹¹ ¿Ja konojel ak'ajol re'?, xcha'. Y ri Isaí xubij: K'a k'o na kan jun nuk'ajol ri ti ch'i'p, ri niyuq'un kichin ri nukarne'l, xcha'. Y ri Samuel xubij chire ri Isaí: Tataqa' royoxik, roma kan man xqojtz'uye' ta qa richin ri wa'in k'a toq xtipe na rija', xcha'.

1 Sam 16:11 ပူးပေါင်းရင်းမြစ်များ

2 Sam 13:3

Ri Amnón k'o k'a jun rachibil rubini'an Jonadab, ri kan janila nowineq. Y rija' ruk'ajol ri Simá ri rach'alal ri David.

2 Sam 7:8

Wakami, yin Jehová k'iytisanel richin ronojel, ninbij k'a chawe rat David chi ja yin ri xinelesan-pe awichin chikikojol ri karne'l richin xatok tata'al pa ruwi' ri nutinamit Israel.

1 Crón 17:7

Keri' tabij chire ri David ri nusamajel, chi yin Jehová ri k'iytisanel richin ronojel ninbij chi xatinwelesaj-pe chikikojol ri karne'l richin man ye'ayuq'uj ta chik, richin keri' xatok jun tata'al pa ruwi' ri nutinamit Israel.

Ex 3:1

Toq ri Moisés yeruyuq'uj ri karne'l e richin ri Jetro, ri rujinan, ri sacerdote chuqa' richin Madián, k'o k'a jun q'ij xeruk'uaj-el ri karne'l k'a pa tz'iran ruwach'ulew y xapon k'a chunaqaj ri juyu' richin ri Dios ri rubini'an Horeb.*f2*

1 Sam 16:10

Keri' ri Isaí xeruq'axaj-apo wuqu' chike ri ruk'ajol chuwech ri Samuel, jak'a ri Samuel xubij chire: Ri Jehová man jun chike rije' rucha'on richin ye'ok kan rey.

1 Sam 17:28

Jak'a ri Eliab ri nimalaxel runimal ri David xyakatej royowal toq xrak'axaj chi ri David nitzijon kik'in ri achi'a' ri' y xubij chire: ¿Achike roma xape wawe'? ¿Achoq ik'in xe'aya-wi kan ri ka'i' oxi' taq qakarne'l ri ek'o pa tz'iran ruwach'ulew? Yin wetaman chi roma ri retzelal ri awánima y ri animirisanen at peteneq wawe', xaxe richin nawajo' natz'et ri oyowal, xcha'.