1 Sam 16:1 - Kaqchiquel Bible

¹ Chirij re' ri Jehová xubij k'a chire ri Samuel: ¿K'a jampe' k'a yatane' chi oq'ej chirij ri Saúl? Roma ja yin ri xibin chire chi man rey ta chik pa ruwi' ri Israel. Wakami tanojisaj k'a ri uk'a' rik'in aceite y xkabe rik'in ri Isaí aj-Belén, roma jun chike ri ruk'ajol rija' nucha'on richin nibe'ok rey, xcha'.

1 Sam 16:1 ပူးပေါင်းရင်းမြစ်များ

1 Rey 8:16

Toq yin xenwelesaj-pe pan Egipto ri nutinamit Israel, kan k'a chupan k'a pe ri q'ij ri' y k'a re wakami, kan man jun k'a tinamit ri nucha'on ta chupan ri tzobaj ri akuchi ta nipabex-wi-q'anej jun wachoch richin niya'ox nuq'ij re wawe' pa ruwach'ulew Israel, xaxe k'a rat David ri xatincha', richin chi ja rat yayuqen richin ri nutinamit, xcha' ri Dios chire ri nata'.

2 Rey 9:1

Rokik ri Joram nraq'omaj-ri', ri Eliseo q'alajirisey ruch'abel ri Dios xroyoj jun chike ri rutijoxel, q'alajirisey ruch'abel ri Dios, y xubij chire: Tabana' achojmil richin yabe pa tinamit Ramot richin Galaad, y tak'uaj-el jun ti bojo'y nojineq chi aceite.

2 Rey 9:3

K'ari' tachapa' ri ti bojo'y, y taq'eja' ri aceite pa rujolon ri Jehú, y tabij chire chi kere' nubij ri Jehová: Yin xatincha' y ninqasaj aceite pan awi' richin yatok rey pa ruwi' ri ruwach'ulew Israel, nicha' ri Jehová, tabij. Chirij ri' tajaqa' ri ruchi' ri jay, katanimej-pe y man kapa'e-qa k'a xkatoqaqa na re wawe', xcha-el ri Eliseo chire.

2 Rey 9:6

Y ri Jehú xel-pe chikikojol ri rachibil y xok-apo pa jun chik jay. Y ri tijoxel, q'alajirisey ruch'abel ri Dios, xuq'ej ri aceite pa rujolon y xubij chire: Kere' nubij ri Jehová ri qa-Dios richin Israel: Yin xatincha' y ninqasaj aceite pan awi' richin yatok rey pa ruwi' ri nutinamit Israel.

1 Crón 11:3

Toq konojel k'a ri achi'a' ri k'o kiq'ij richin ri tinamit Israel xebe y xech'on rik'in ri David pan Hebrón, jari' toq rija' kan xuben jun jikibel-tzij kik'in, y kan chuwech ri Dios xuben-wi. K'ari' rije' xkiqasaj aceite pa ruwi' ri David richin xok kan rey pa ruwi' ri Israel, achi'el ri ch'abel ri rubin kan ri Dios chire ri Samuel.

1 Crón 28:4

Jak'a man rik'in ri' ri Jehová ri qa-Dios xirucha' yin chikikojol ri ek'o pa rachoch ri nata' richin xirukusaj kan rey, y ri wijatzul richin jantape'. Rija' xucha' ri qatzobaj Judá richin ja tzobaj ri' ri xtiq'aton-tzij; y chukojol ri qatzobaj xucha' ri aj pa rachoch ri nata'; y chikikojol ri wach'alal xirucha' yin, richin chi xinok rey pa ruwi' chijun re ruwach'ulew Israel.

Wuj Richin ri Isaías 11:1

Ri rijatzul kan ri Isaí achi'el jun che' toq choyon chik el. Achi'el ri k'ak'a' taq ruq'a' ri nibejotayin chik pe chire jun kuta'm, keri' chuqa' xtibek'ulun chik pe jun rey chikikojol ri e rijatzul kan ri David.

Wuj Richin ri Isaías 11:10

Toq ri rijatzul kan ri Isaí xtipe, re' jare' jun retal kichin ri tinamit richin xtitzolin-pe kik'u'x rik'in. Y ri akuchi xtik'oje-wi, kan janila nim ruq'ij-ruk'ojlen.

Wuj Richin ri Isaías 55:4

Roma yin kan xinya' ri David pa kiwi' ri tinamit richin ja rija' ri xok aj-raqen y tijonel pa kiwi' winaqi' richin ri ruwach'ulew, richin ja rija' ri xq'alajirisan chikiwech rije' ri nubanobal yin.

Wuj Richin ri Jeremías 11:14

Roma ri', rat Jeremías, man kach'on-pe wik'in pa kik'exel re awinaq. Man kakamela'an-pe chinuwech koma rije' toq xtikik'utuj-pe to'onik chuwe toq ek'o chupan re ruk'ayewal, roma yin kan man xkenwak'axaj ta, xcha' chuwe.

Wuj Richin ri Jeremías 15:1

Ri Jehová xubij chuwe: Stape' kan ja ta ri ánima Moisés y ri ánima Samuel xkepe wawe' richin nokik'utuj utzil chuwe richin chi xtinjoyowaj ta kiwech re winaqi' re', yin kan man xkento' ta. Tabij chike ri awinaq chi ke'el-el chinuwech yin y kan kebiyin nej.

Wuj Richin ri Jeremías 6:30

Roma ri' ninbij chi rije' e achi'el ri saqipueq ri man nik'atzin ta chik, roma rat Jehová kan xe'awetzelaj.

Wuj Richin ri Jeremías 7:16

Rat Jeremías man kach'on wik'in pa ruwi' re tinamit re'. Man k'a kakamela'an y man tak'utuj utzil chuwe koma rije', roma yin kan man xkatinwak'axaj ta.

Romanos 15:12

Y ri Isaías rutz'iban kan chuqa':*f55* K'o jun riy-rumam ri Isaí xtik'oje', y xtok q'atoy-tzij pa kiwi' ri man e judío ta, y ri winaqi' ri' kan xtikoyobej k'a chi nikil utzil rik'in, nicha'.

Hebreos 11:32

¿Yitikir kami yennataj konojel ri winaqi' ri xek'oje' ojer, ri kan xkikuquba' kik'u'x rik'in ri Dios? Xa man xkitikir ta k'a xtinchol ronojel chikij, achi'el chirij ri Gedeón, ri Barac, ri Sansón, ri Jefté, ri David, ri Samuel y ri ch'aqa' chik ri xeq'alajirisan ruch'abel ri Dios.

1 Juan 5:16

Wi xitz'et chi k'o jun qach'alal nimakun, y rija' man ruk'amon ta chi niken, tik'utuj k'a chire ri Dios chi nukol chuwech ri kamik. Jak'a wi nuben jun mak ri kan ruk'amon chi niken, rix man tik'utuj chire ri Dios chi man nrelesaj ta ri ruk'aslen.

1 Sam 10:1

K'ari' ri Samuel xuchop jun k'ojelibel nojineq chi aceite y xuq'ej pa rujolon ri Saúl. K'ari' xutz'ubaj y xubij chire: Ja ri Jehová xturtisan awichin. Ja rija' ri xacha'on richin xatok rey pa ruwi' ri tinamit Israel. Ja retal re' chi ja rija' ri xcha'on awichin.

1 Sam 15:11

Kan niq'axon ri wánima roma xinya' kan rey ri Saúl, y wakami xa xiruya' kan, y man xuben ta ri xinbij chire, xcha'. Y ri Samuel kan janila itzel xuna' toq xrak'axaj keri' y chijun ri aq'a' ri' xoq' chuwech ri Jehová.

1 Sam 15:23

Roma ri mak richin ri yakatajinenri'il junan rik'in ri rumak ri nubananej chi niq'alajirisan. Ri nunimirisaj-ri' junan rik'in ri nuya' ruq'ij wachibel. Y roma rat xa man xanimaj ta rutzij ri Jehová, ri Jehová kan xaretzelaj yan. Rija' wakami kan man utz ta chik yarutz'et chi at rey, xcha'.

1 Sam 15:26

Jak'a ri Samuel xubij chire: Man xkitzolin ta awik'in, roma rat man xanimaj ta rutzij ri Jehová; rija' chuqa' man utz ta chik yarutz'et chi at rey pa ruwi' re ruwach'ulew Israel, xcha'.

1 Sam 15:35

Y ri Samuel kan man jun bey chik k'a xberutz'eta' ri Saúl; stape' kan janila nibison roma rija'. Y ri Jehová kan xq'axon k'a rik'in, chi ja ri Saúl ri xukusaj kan rey pa ruwi' ri tinamit Israel.

1 Sam 16:15

Y ri rusamajela' ri Saúl xkibij chire: Ri Dios xuteq-pe jun itzel espíritu awik'in, y jari' ri yach'ujirisan.

1 Sam 16:23

Y ronojel k'a mul toq nipe ri itzel espíritu rik'in ri Saúl, jari' toq ri David nuchop nuq'ojomaj ri arpa. Y ri Saúl kan nich'uch'u' kan ri ránima roma ri itzel espíritu kan nel-el rik'in.

1 Sam 17:12

Ri Isaí aj-Belén richin Judá, kan janila k'a ri'j chik toq niq'aton-tzij ri rey Saúl, y rija' ek'o e waqxaqi' ruk'ajol, y jun chike rije' ja ri David.

1 Sam 9:16

Ke taq wa' chua'q yin xtinteq-pe awik'in jun achin richin ri tzobaj richin Benjamín y rat xtaqasaj aceite pa ruwi' richin xtok rey pa ruwi' ri nutinamit Israel. Y ja rija' xtikolon ri nutinamit pa kiq'a' ri aj-Filistea, roma nutz'eton ri tijoj-poqonal ri nikik'owisaj y ri kich'abel kan oqawineq k'a wik'in yin, xcha' ri Jehová.