1 Sam 15:6 - Kaqchiquel Bible

⁶ Y ri Saúl xuteq rubixik chike ri winaqi' quenita chi tikijech'ej-ki' kik'in ri amalecita richin chi man yek'is ta junan kik'in rije', roma ri quenita xkijoyowaj kiwech ri israelita toq e jotol-pe pan Egipto. Y ri winaqi' quenita xe'el k'a pe chikikojol ri amalecita.

1 Sam 15:6 ပူးပေါင်းရင်းမြစ်များ

Wuj Richin ri Rutikeribel 15:19

Jare' ri kiruwach'ulew ri kijatzul re achi'a' re'; ri Quen, ri Quenaz, ri Cádmon,

Wuj Richin ri Rutikeribel 18:25

Rat kan at choj-wi y man naben ta keri', chi xtak'is ta ruk'aslen ri utz rubanobal kik'in ri itzel taq kibanobal. Chi junan ta naben chike. Y roma rat kan at choj-wi, kan tabana' k'a ri ruk'amon, xcha' ri Abraham chire ri Dios.

1 Crón 2:55

y ri e aj pa kachoch ri e aj-tz'ib ri ek'o pa tinamit Jabés: Ri winaqi' tirateo, ri simateo y ri sucateo. Jere' ri e quenita ri e eleneq pa rijatzul kan ri Hamat, ri tata'aj pa kiwi' ri jay richin ri Recab.

Ex 18:19

Wakami kinawak'axaj k'a y xtinya' ri ruchojmilal chawech y wetaman chi ri Dios kan xkaruto-wi rik'in re'. Ja rat k'a ri katok q'axey kitzij ri e awinaq chuwech ri Dios, y ja rat ri xkaq'axan-q'anej chire rija', ronojel ri kich'ojinik.

Wuj Richin Etamabel-Tzij 9:6

Kan tiya' k'a kan ri ik'aslen ri akuchi xa maneq na'oj, y tiwila' ri k'aslen, y kan tichapa-el ri k'aslen ri akuchi kan k'o etamabel.

Wuj Richin ri Q'axanri'il 16:34

Y toq xerubeq' k'a ri ruwach'ulew kan xesik'in k'a; y konojel k'a ri winaqi' ri ek'o-apo chikinaqaj, chuqa' xesik'in, xe'animej y nikibila' k'a: Re ruwach'ulew xa xqojrubeq' chuqa' roj, xecha'.

Hechos 2:40

Ri Pedro k'o k'a ch'aqa' chik ch'abel ri xeruq'alajirisala' chike. Rija' xuya' k'a rubeyal chikiwech ri winaqi' kik'in ch'abel achi'el re': Kixel-pe chikikojol ri winaqi' ri' ri xaxe itzel ri yekibanala', richin keri' yixkolotej pe, nicha' k'a chike.

2 Corintios 6:17

Chuqa' rubin ri ajaw:*f5* Kixel-pe chikikojol ri man e wichin ta yin. Tich'ara-pe-iwi', y man tichop-apo ri xa tz'ilolej k'aslen, richin chi yin yixink'ul.

2 Timoteo 1:16

Ri ajaw xtujoyowaj ta kiwech ri e aj pa rachoch ri Onesíforo, roma rija' man xk'ix ta xiberutz'eta' pa cárcel. Xa k'iy bey xberuya' kan kikoten pa wánima.

Apocalipsis 18:14

Ri k'ayinela' nikibij chire ri tinamit: Ronojel ri xqa chiwech man xke'itz'et ta chik, xk'is chuqa' ri ibeyomel y ronojel ri niya'on ruwaq'ijaj chiwe, kan man jun bey chik xkebek'ulun-pe, yecha'.

Wuj Kichin ri To'onela' 1:16

Ri e rijatzul ri Jetro, rujinan ri Moisés, xe'el-el chupan ri Tinamit Richin Palmera ri chuqa' nibix Jericó chire, y xebe chikij ri e rijatzul ri Judá pa tz'iran ruwach'ulew ri k'o pa xokon, ri k'o chunaqaj ri tinamit Arad, y xebek'oje' k'a chiri' pan Arad, chikikojol ri aj chiri'.

Wuj Kichin ri To'onela' 4:11

Y k'o k'a jun achin rubini'an Héber, rija' jun achin quenita, y rijatzul kan ri Hobab jun ach'alalri'il richin kan ri Moisés. Rija' ruyon k'a k'o, ruch'aron-el-ri' chike ri ch'aqa' chik winaqi' quenita, y rupaban-q'anej rachoch ri banon rik'in tzieq, ri chiri' akuchi ek'o-wi ri paten-che' richin Saanaim, ri k'o chunaqaj ri Quedes.

Wuj Kichin ri To'onela' 5:24

Jebel ruwa-ruq'ij ri Jael chikikojol ri ixoqi', rija' rixjayil ri Héber quenita; chikiwech konojel ixoqi', ja rija' ri más utz ruwa-ruq'ij ri chiri' ri akuchi k'o-wi-qa.

1 Sam 15:5

K'ari' ri Saúl y ri achi'a' xenaqajub-apo chunaqaj ri ruk'u'x ri ruwach'ulew kichin ri amalecita, y xkewala-ki' kojol taq siwan, y xekiyala' pikbel pa kibey ri e etzelanel kichin.

1 Sam 27:10

Y ri rey Áquis nuk'utuj k'a chire: ¿Achike k'a tinamit xixok-wi wakami?, nicha'. Y ri David nubij chire: Xojok chupan ri tinamit ri k'o pa xokon chire ri tinamit Judá, o ri k'o pa xokon akuchi ek'o-wi e rijatzul ri Jerahmeel, o pa xokon chire ri kiruwach'ulew ri quenita, nicha'.

1 Sam 30:29

pa Racal, pa Jerahmeel, pa kitinamit ri quenita,