5 K'ari' ri Saúl y ri achi'a' xenaqajub-apo chunaqaj ri ruk'u'x ri ruwach'ulew kichin ri amalecita, y xkewala-ki' kojol taq siwan, y xekiyala' pikbel pa kibey ri e etzelanel kichin.
Kere' k'a xubij-el chike: Tiwak'axaj, xtiya' k'a jun pikbel ri chirij-el ri tinamit. Man yixjel ta k'a el nej chire ri tinamit, tinaba' k'a iwi' y kan k'ula' k'a xkixtzu'un-wi.
Y ri Saúl xuteq koyoxik konojel ri aj-labal, y k'ari' xusik'ij kibi' chiri' pa tinamit Telaím. Xutz'et k'a chi ek'o e 200,000 aj-labal ri yebe chikaqen; y e 10,000 ri e rijatzul kan ri Judá.
Y ri Saúl xuteq rubixik chike ri winaqi' quenita chi tikijech'ej-ki' kik'in ri amalecita richin chi man yek'is ta junan kik'in rije', roma ri quenita xkijoyowaj kiwech ri israelita toq e jotol-pe pan Egipto. Y ri winaqi' quenita xe'el k'a pe chikikojol ri amalecita.