1 Sam 15:33 - Kaqchiquel Bible

³³ Y ri Samuel xubij: Rik'in ri a-espada xe'akamisaj k'iy kal ri qate'. Keri' chuqa' xtuk'uluwachij ri ate' rat, xcha'. Jari' toq ri Samuel xuqupij y xuk'ajij ri Agag chuwech ri Jehová chiri' pa Guilgal.

1 Sam 15:33 ပူးပေါင်းရင်းမြစ်များ

Wuj Kichin ri To'onela' 1:7

Y ri Adonisédec xubij: Nabey yin xintzak'ij ri nima'q rupan ruwi-kiq'a' y ri nima'q rupan ruwi-kaqen ri oxk'al lajuj rey, y k'ari' xinqasaj kiq'ij y xinben chike chi xkimol ri ruk'aj kaxlan-wey chuxe' ri nu-mesa. Jak'a re wakami, kan achi'el k'a ri xinben yin, keri' xuben chuwe ri i-Dios, xcha'. Y rija' chiri' k'a pa Jerusalem xuk'uex-wi y chiri' xken-wi.

Wuj Richin ri Rutikeribel 9:6

Jun wineq kan achi'el nubanik yin, y wi k'o ta jun xtikamisan jun wineq, ri xtibanon xa kan xtiqaqa chuqa' pa ruq'a' jun chik wineq.

San Mateo 7:2

Kan achi'el wi k'a rubanik ri niben rix chike ri winaqi', keri' chuqa' xtiban chiwe rix. Janipe' chi ch'owen ri xtiben chikij, ja chuqa' ri' ri xtiban chiwij rix.

Apocalipsis 18:6

Jak'a rix*f6* kan tibana' k'a ruk'exel chire achi'el xuben rija' chike ch'aqa' chik. Ka'i' k'a bey más k'ayew tibana' chire, ke chuwech ri xuben rija' chike ri ch'aqa'. Rija' xa jun qumbel chire ri retzelal ri xuya', jak'a rix ka'i' qumbel tiya' chire richin niben ruk'exel chire.

Apocalipsis 16:6

Roma kan naya' rutojbalil chike ri xekamisan kichin ri awalk'ual y ri e asamajela' ri xeq'alajirisan ri ach'abel. Y kan utz rubanik naben chike chi tikiqumu' kik', roma jari' ri ruk'amon chi nikik'ul, xcha'.

Santiago 2:13

Roma wi man xtijoyowaj ta kiwech ri ch'aqa' chik winaqi', ri Dios man xtujoyowaj ta chuqa' iwech rix chupan ri q'ij toq xtuq'et-tzij. Jak'a wi xtijoyowaj kiwech ri ch'aqa' chik, xkixch'akon, roma ri Dios chuqa' xtujoyowaj iwech rix chupan ri q'ij ri'.

Wuj Richin ri Jeremías 48:10

Itzel ruwa-kiq'ij ri man xkixkik'is ta rix achi'el xinbij yin. Itzel ruwa-kiq'ij wi man xtikajo' ta xtikiyoj-ki' richin xkixkikamisaj.

Wuj Richin ri Isaías 34:6

Jari' toq ri ru-espada ri Jehová kan xtinoj rik'in kik' y q'en kichin ri winaqi', achi'el toq yekamisex ri karne'l y tzuntzun pa taq kamelabel. Roma ri Jehová kan xtuben jun kamelabel ri chiri' pa Bosrá, chuqa' xtiberubana' jun nimalej kamik pa ch'aqa' chik tinamit richin ri Edom.

1 Rey 18:40

K'ari' ri Elías xubij chike: Ke'ichapa' ri achi'a' ri yesamajin kichin ri Baal, y man jun chike rije' tanimej chiwech. Y ri winaqi' xekichop k'a ri achi'a' ri', y xkitzeqelibej ri Elías k'a chuchi' ri ch'uti'n raqen-ya' Quisón, y chiri' xuqupij ri kiqul y xeken.

Wuj Richin ri Q'axanri'il 14:45

Jak'a ri amalecita y ri cananeo xebeqaqa-pe chikij ri winaqi' israelita richin xekich'ek. Y e koqotan-pe k'a toq xe'oqaqa k'a chiri' pa tinamit Hormá.

Ex 17:11

Y xk'uluwachitej k'a, chi toq ri Moisés yeruyek ri ruq'a' chikaj, ri israelita yebe k'a chikij y yekich'ek, jak'a toq ri Moisés xa nuqasaj-qa ri ruq'a', ri e rijatzul ri Amalec yepe chikij y yekich'ek.

1 Sam 15:32

Chirij ri' ri Samuel xuteq rubixik chi tik'amer-pe chuwech ri Agag rey kichin ri amalecita. Y ri Agag rik'in k'a kikoten xapon rik'in ri Samuel, roma xuch'ob-qa chi xq'ax yan ri ruk'ayewal richin ri kamik.

Wuj Richin ri Jeremías 18:21

Jak'a re wakami nink'utuj utzil chawe richin xtaben ta chi xkeken ri kalk'ual roma wayjal y roma ri espada. Ri ixoqi' kan xkemalkanej ta kan y xkek'is ta el konojel kal. Ja ta ri nima-yabil xtikamisan kichin ri achi'a', y ri alaboni' xkeken ta pa taq labal.

Os 6:5

Roma ri' yin kan nuq'alajirisan chik chiwech ri xtinbenbana' iwik'in koma ri q'alajirisanela' richin ri nuch'abel. Rik'in k'a ri nuch'abel xixink'is-el, ri ruchojmilal ri ninben yin kan niq'alajin k'a achi'el ri saqil.

Ex 21:24

roma ri nelesan runaq'-ruwech jun wineq xtelesex chuqa' runaq'-ruwech ri xbanon, ri nelesan rey jun wineq xtelesex chuqa' rey rija', ri nelesan ruq'a' jun wineq xtelesex chuqa' ruq'a' rija', ri xtelesan raqen jun wineq xtelesex chuqa' raqen rija',

1 Sam 10:8

K'ari' xkabe pa tinamit Guilgal. Y yin chuqa' xkixule-pe awik'in richin xtinsuj chikop richin niporox y sipanik richin nuq'alajirisaj chi junan qawech rik'in ri Dios. Xtawoyobej k'a wuqu' q'ij, k'a toq xkinapon na yin y chirij ri' k'ari' xtink'ut chawech ri achike ruk'amon richin naben, xcha' ri Samuel chire ri Saúl.