1 Sam 15:3 - Kaqchiquel Bible

³ Kixbiyin k'a y tibebana' oyowal kik'in. Tik'isa' kan ronojel ri k'o kik'in, y man tijoyowaj kiwech. Ke'ikamisaj kan chi achi'a', chi ixoqi', chi ak'uala', y chuqa' ri ak'uala' ri k'a yetz'uman na, chuqa' ri kiwákix, ri kikarne'l, ri ki-camello, ri kibur y ronojel ri kawej, rubin ri Jehová, xcha'.

1 Sam 15:3 ပူးပေါင်းရင်းမြစ်များ

Wuj Richin ri Rutikeribel 36:12

Ri Elifaz xk'oje' jun chik ralk'ual ri xubini'aj Amalec rik'in ri jun chik rixjayil rubini'an Timná. Jare' ri e ral-riy ri Adá ri rixjayil ri Esaú.

2 Sam 1:8

Y rija' xuk'utuj chuwe in achike yin. Y yin xinbij chi in rijatzul kan ri Amalec.

Ex 17:14

Y ri Jehová xubij chire ri Moisés: Tatz'ibaj ronojel re' chupan jun wuj richin natabel y tabij chire ri Josué chi yin kan xkenk'is jumul ri rijatzul kan ri Amalec richin man jun bey chik xkenatex, xcha' ri Jehová.

Ex 20:5

Man k'a kixxuke' chikiwech rije', ni man tiya' kiq'ij, roma ja yin Jehová ri in i-Dios ri kan man niqa' ta chinuwech richin niya' ruq'ij jun chik. Jak'a wi yiniwetzelaj, ri woyowal yin xkeruq'i' ri iwalk'ual, k'a pa rox o pa rukaj sol.

Wuj Richin ri Q'axanri'il 24:20

Y k'ari' ri Balaam xtzu'un ri akuchi ek'o-wi ri ruwach'ulew richin ri Amalec y xuq'alajirisaj k'a ri ruch'abel y xubij: Ri pa nabey ja ri winaqi' amalecita ri k'o kejqalen, jak'a ri pa ruk'isibel xa xtipe wululen chikij y xkek'is,

Wuj Richin ri Q'axanri'il 31:17

Wakami k'a ke'ikamisaj konojel ri taq alaboni' chikikojol ri ak'uala'. Chuqa' ke'ikamisaj konojel ri ixoqi'.

Wuj Richin ri Josúe 10:39

Xkich'ek ri tinamit ri', y xekikamisaj chi espada ri ru-rey y konojel winaqi' ri ek'o pa Debir y chuqa' ri winaqi' ri ek'o pa taq kokoj tinamit, y kan man jun xkiya' kan rik'in ruk'aslen. Achi'el xkiben rik'in ri tinamit Hebrón, y rik'in ri tinamit Libná, keri' xkiben rik'in ri tinamit Debir y ri ru-rey.

1 Sam 14:48

Xerumol k'a jun tzobaj aj-labal, y xekich'ek k'a ri amalecita ri ye'eleq'an kik'in, y keri' xerukol ri ruwinaq pa kiq'a' ri winaqi' ri'.

1 Sam 15:18

Ri Jehová xaruteq richin naben re jun samaj re' y xubij chawe chi kabiyin, tabana' oyowal kik'in ri amalecita y ke'ak'isa' kan jumul, xcha' chawe.

1 Sam 15:9

Y ri Saúl y ri aj-labal xa xkijoyowaj ruwech ri Agag, y man xkikamisaj ta. Chuqa' man xekikamisaj ta ri jebelej, nima'q y kokoj taq awej. Chuqa' ronojel ri k'o kejqalen man xkineq ta, jak'a ri xa man yek'atzin ta y maneq rejqalen, jari' xekik'is kan jumul.

1 Sam 22:19

Chuqa' xbe pa Nob, ri kitinamit ri sacerdote, y xerukamisaj kan konojel ri winaqi' chi espada; chi achi'a', chi ixoqi', chi ak'uala', chuqa' ri bóyix, ri wákix, ri bur y ri taq karne'l.

1 Sam 27:9

Y xabakuchi k'a niberubana' oyowal ri David, kan chi achi'a' chi ixoqi' yerukamisaj kan. Man jun k'a nuya' kan ruk'aslen. Y chuqa' yeruk'uaj k'a el ri karne'l, ri wákix, ri bur, ri camello y ri kitziaq ri winaqi'. K'ari' nitzolin k'a rik'in ri rey Áquis.

1 Sam 30:17

Ri David xeruchop k'a chi oyowal ri nimaq'a' yan y xtane' k'a ri tiqaq'ij richin ri jun chik q'ij. Xaxe k'a e 400 alaboni' ri xech'oke-el chirij camello ri xe'animej.