1 Sam 15:28 - Kaqchiquel Bible

²⁸ K'ari' ri Samuel xubij: Ri Jehová xtrelesaj-el ri q'atbel-tzij pan aq'a' achi'el xretzetej ri nutziaq yin, y xtuya' k'a chire jun chik qawinaq ri más utz chawech rat.

1 Sam 15:28 ပူးပေါင်းရင်းမြစ်များ

2 Sam 3:10

Wakami yin xa xtinq'axaj k'a ri q'atbel-tzij richin kan ri Saúl pa ruq'a' ri David richin xtok pa ruq'a' rija' ri q'atbel-tzij richin chijun ri ruwach'ulew Israel y ri Judá, ri nitiker-pe pa Dan y napon k'a pa Beerseba, xcha'

2 Sam 3:18

Wakami k'a, kan keri' xtibanatej, roma ri Jehová xch'on yan rik'in ri David y xubij chire chi k'a ja rija' xtikolon ri tinamit Israel pa kiq'a' ri aj-Filistea y pa kiq'a' konojel ri e etzelanel qichin, xcha' chike.

2 Sam 3:9

Jak'a re wakami, yin kan ja ta k'a ri Jehová ri xtiya'on-pe ruk'ayewal pa nuwi' wi man xkiq'ax ta rik'in ri David, roma ri Jehová kan rik'in jikibel-tzij rusujun ri q'atbel-tzij pa ruq'a' rija'.

2 Sam 6:21

K'ari' ri David xubij chire: Kan qitzij na wi chi xitzopiyaj, jak'a kan chuwech ri Jehová, roma ja rija' xicha'on richin xinok tata'al richin ri tinamit. Rija' kan xirucha' richin xinok kan pa ruk'exel kan ri atata' y pa kik'exel kan ri axibal. Roma ri' wi yin ninwajo', kan k'a xkitzopiyaj na richin xtinya' ruq'ij ri Jehová.

1 Rey 11:11

Roma ri' ri Jehová xubij chire: Roma kere' ri abanobal y xaxolq'otij ri jikibel-tzij, y man xataqej ta ri xinbij chawe, wakami k'a kan xtinwelesaj chawe ri q'atbel-tzij y ninya' chire jun asamajel.

1 Crón 10:14

y man ja ta ri Jehová ri xuk'ulubej. Y roma ri' ri Jehová xrelesaj-el ri ruk'aslen, y ri ruq'atbal-tzij xuq'axaj pa ruq'a' ri David ruk'ajol ri Isaí.

Wuj Richin ri Achin Job 34:24

Rija' kan man nuk'utuj ta na achike kibanik ri achi'a' ri k'o uchuq'a' pa kiq'a', rija' k'a yerumututej y yerelesaj-el y yeruch'okoba' chik kan ch'aqa' pa kik'exel.

Dn 4:17

Re ruk'ayewal re' jare' ri xuq'et kan ri ángel y kere' xtibanatej, richin konojel winaqi' tiketamaj chi kan xaxe wi ri nimalej Dios ri niq'aton-tzij pa kiwi' ri q'atoy taq tzij. Rija' kan nuya' k'a ri ajawaren pa ruq'a' ri achike nrajo' rija', y kan nuben chire jun wineq ri kan man jun ok ruq'ij, chi nok aj-raqen pa ruwi' jun ruwach'ulew, xcha' ri ángel.

Dn 4:32

Wakami xa xkatelesex k'a el chikikojol ri winaqi', y xa chikikojol k'a ri aj pa q'ayis taq chikopi' ri xkabek'ase-wi. Kan xtatej k'a ri q'ayis achi'el ri kiwaybal ri wákix. Y wuqu' k'a juna' keri' xtaben, k'a toq xtawetamaj chi kan xaxe ri nimalej Dios ri k'o pa ruwi' ronojel y nuya' ri ajawaren chire ri achike nrajo' rija', xcha' chuwe.

San Juan 19:11

Y ri Jesús xubij: Man jun ta aq'atbel-tzij pa nuwi', wi man ta roma ri Dios. Roma k'a kan ja rija' yoyon-pe q'atbel-tzij pan aq'a', roma ri' k'o aq'a' chuwe. Y wi xkinateq pa kamik, kan k'o k'a amak, jak'a ri más nim kimak ja ri xijacho pan aq'a', xcha' ri Jesús.

Hechos 13:22

Toq ri Dios xrajo' chi ri Saúl xel chupan ri q'atbel-tzij, xuya' ri David richin chi xok rey. Ri Dios kan xubij k'a chirij ri rey David: Kan k'o-wi jun ri xtuben ri nurayibel y kan niqa' chinuwech. Yin kan nintz'et k'a chi ri xtibanon keri' ja ri David ri ruk'ajol ri Isaí. Keri' xubij ri Dios.

Romanos 13:1

Kan nik'atzin k'a chi qonojel yeqanimaj ri q'atoy taq tzij, roma konojel q'atoy taq tzij, roma ri Dios ek'o y ja rija' ri yoyon ri q'atbel-tzij pa kiq'a'.

1 Sam 13:14

Jak'a re wakami ri aq'atbal-tzij xa man xtiyaloj ta. Roma ri Jehová xukanoj yan jun achin ri kan niqa' chuwech Rija'. Y kan xucha' richin xtok tata'al pa ruwi' ri rutinamit, roma rat xa man xaben ta ri xubij ri Jehová chawe, xcha'.

1 Sam 16:12

K'ari' ri Isaí xuteq k'a royoxik, y toq xapon xukusaj-apo. Y ri David kan kaqkoj ri ruwi' y ri runaq'-ruwech kan janila jebel ok y kan jebel ok ri nitzu'un. Y ri Jehová xubij chire ri Samuel: Kayakatej y taqasaj ri aceite pa ruwi', roma ja rija' ri nucha'on richin nok kan rey, xcha'.

1 Sam 18:8

Ri Saúl kan man utz ta xrak'axaj ri xkibij ri ixoqi', roma ri' kan xyakatej janila royowal y xubij-qa pa ránima: Ri ixoqi' xkibij chi ri David xerukamisaj e 10,000, y jak'a yin xaxe ok 1,000 ri nikibij. Wakami xaxe chik k'a juba' nrajo' richin nikikusaj kan rey, xcha-qa.

1 Sam 25:30

Y keri' toq ri Jehová xtuben awik'in ronojel ri utz ri rusujun chawe, toq xkarujikiba' richin yatok tata'al pa ruwi' ri qaruwach'ulew Israel.