1 Sam 15:20 - Kaqchiquel Bible

²⁰ Y ri Saúl xubij chire ri Samuel: Yin xinimaj rutzij ri Jehová, y xibe akuchi xiruteq-wi, y xenkamisaj kan konojel ri amalecita y xaxe ri Agag ri xinya' kan ruk'aslen y xink'en-pe.

1 Sam 15:20 ပူးပေါင်းရင်းမြစ်များ

1 Sam 15:13

Toq ri Samuel xapon rik'in ri Saúl, ri Saúl xubij chire: Ja ri Jehová xturtisan awichin. Yin xinben yan ri xubij ri Jehová chuwe, xcha'.

Romanos 10:3

Rije' man ketaman ta k'a ri rubanik chi ja ri Dios nibanon choj chike ri winaqi'. Rije' xa kiyon nikiben-qa chi choj ri kik'aslen, y keri' xa man kiya'on ta ki' pa ruq'a' ri Dios.

San Lucas 18:11

Ri fariseo pa'el, ruyon nich'on rik'in ri Dios, y nubij k'a chupan ri ruch'owen: Dios, matiox ninya' chawe roma yin man in junan ta kik'in ri ch'aqa' chik winaqi'. Roma rije' xa e eleq'oma', e kanoy kichin ch'aqa' chik ixoqi', y man e choj ta chupan ri kik'aslen. Ni man in junan ta k'a chuqa' rik'in la jun achin moloy méro la'.

San Lucas 10:29

Jak'a re etamanel re' kan xrajo' chi tiq'alajin chi kan k'o-wi etamabel rik'in. Roma ri' xuben chi achi'el man q'axineq ta chuwech ri achike k'a ri' ri ruwinaq, ri ruk'amon chi nrajo' achi'el nrajo-qa-ri' rija'.

San Mateo 19:20

Ri ala' ri' xubij chi kan k'a ko'ol toq rubanon-pe ronojel ri', y achike ta k'a ri k'o chi nuben.

Wuj Richin ri Achin Job 40:8

¿Achike roma toq rat nabij chi ri nuq'atbel-tzij yin xa man utz ta ri nuk'en-pe, y xaxe richin chi niq'alajin chi rat xa man at aj-mak ta?

Wuj Richin ri Achin Job 35:2

¿Nach'ob rat chi kan utz ri xabij chi rat más at choj chuwech ri Dios?

Wuj Richin ri Achin Job 34:5

Roma ri Job kan rubin k'a: Yin kan man jun mak nubanon, ri Dios kan relesan k'a chuwe ri chojmilal.

Wuj Richin ri Achin Job 33:9

Yin kan ch'ajch'oj wi ri nuk'aslen y maneq mak ri e nubanalon; yin kan ch'ajch'oj ri nuk'aslen y kan man jun etzelal wik'in.

1 Sam 15:8

Y xkichop k'a el ri Agag rey kichin ri amalecita, jak'a konojel winaqi' richin ri tinamit ri' xekikamisaj kan chi espada.

1 Sam 15:3

Kixbiyin k'a y tibebana' oyowal kik'in. Tik'isa' kan ronojel ri k'o kik'in, y man tijoyowaj kiwech. Ke'ikamisaj kan chi achi'a', chi ixoqi', chi ak'uala', y chuqa' ri ak'uala' ri k'a yetz'uman na, chuqa' ri kiwákix, ri kikarne'l, ri ki-camello, ri kibur y ronojel ri kawej, rubin ri Jehová, xcha'.

1 Sam 28:18

Roma man xanimaj ta rutzij ri Jehová y man xaben ta ri xubij chawe toq yakatajineq janila royowal chikij ri amalecita, y xubij chawe chi ke'ak'isa' kan jumul. Roma ri' kere' xuben chawe wakami.