1 Sam 15:17 - Kaqchiquel Bible

¹⁷ K'ari' ri Samuel xubij: Stape' pa nabey, rat xana-awi' chi man jun awejqalen. ¿Man banon ta kami chawe chi at jun aj-raqen pa kiwi' ri israelita? Y ri Jehová xarukusaj kan rey pa ruwi' ri tinamit.

1 Sam 15:17 ပူးပေါင်းရင်းမြစ်များ

Os 13:1

Pa nabey kan, toq ri winaqi' richin ri tinamit Efraín yech'on, kan konojel k'a ri ch'aqa' chik tzobaj ye'ak'axan kichin, roma kan k'o kikiy. Kan xnimirisex k'a kiq'ij koma ri kach'alal. Jak'a toq xemakun roma xkiya' kiq'ij ri Baal, xa xek'is.

San Mateo 18:4

Xaxe k'a ri nuqasaj-ri' achi'el re jun ti ak'ual re', jari' ri más nim ruq'ij chupan ri aj-chikajil ajawaren.

Wuj Kichin ri To'onela' 6:15

Jak'a ri Gedeón xubij: Wajaw yin, ¿in achike ta k'a ok yin richin chi ja yin ri yikolon kichin ri nuwinaq? Roma yin xa yipe pa jun jay winaqi' ri maneq ok ruchuq'a', ri richin ri tzobaj richin kan ri Manasés, y chuqa' xa in ch'i'p chikikojol ri wach'alal, xcha'.

1 Sam 10:1

K'ari' ri Samuel xuchop jun k'ojelibel nojineq chi aceite y xuq'ej pa rujolon ri Saúl. K'ari' xutz'ubaj y xubij chire: Ja ri Jehová xturtisan awichin. Ja rija' ri xacha'on richin xatok rey pa ruwi' ri tinamit Israel. Ja retal re' chi ja rija' ri xcha'on awichin.

1 Sam 10:22

K'ari' ri Samuel xuk'utuj k'a jun bey chik chire ri Jehová, richin niketamaj wi ri Saúl k'o chiri' o ni. Y ri Jehová xubij chike chi ri Saúl kan k'o-wi chiri' y xa xrewaj-ri' chukojol ri ejqa'n.

1 Sam 15:16

Jari' toq ri Samuel xubij chire: Katane-qa chi ch'owen y taya' q'ij chuwe richin ninq'alajirisaj chawe ri achike xubij ri Jehová chuwe re jun aq'a' re', xcha'. Y ri Saúl xunimaj.

1 Sam 9:21

Y ri Saúl xubij: ¿Achike roma nabij chuwe yin re ch'abel re'? Roma yin xa in rijatzul kan ri Benjamín, jun tzobaj ri janila ko'ol ok chikikojol konojel tzobaj richin ri Israel. Pa ruwi' re', ri e aj pa wachoch yin xa kan maneq ok qejqalen chikiwech ri ch'aqa' chik jay winaqi' richin ri tzobaj richin ri Benjamín, xcha'.