1 Sam 14:49 - Kaqchiquel Bible

⁴⁹ Ja kibi' re' ri e ralk'ual ri Saúl: Ri Jonatán, ri Isví y ri Malquisúa. Y chuqa' ek'o e ka'i' rumi'al: Ri nimalaxel rubini'an Merab y ri chaq'laxel rubini'an Mical.

1 Sam 14:49 ပူးပေါင်းရင်းမြစ်များ

1 Crón 8:33

Ri Ner xralk'ualaj ri Cis, re Cis re' xralk'ualaj ri Saúl, re Saúl re' xeralk'ualaj ri Jonatán, ri Malquisúa, ri Abinadab y ri Es-baal.

1 Sam 31:2

Y ri aj-Filistea xekitzeqelibej-el ri Saúl y ri e ruk'ajol y xkikamisaj ri Jonatán, ri Abinadab y ri Malquisúa.

1 Crón 9:39

Ri Ner xralk'ualaj ri Cis, ri Cis xralk'ualaj ri Saúl, ri Saúl xeralk'ualaj ri Jonatán, ri Malquisúa, ri Abinadab y ri Es-baal.

1 Sam 25:44

Jak'a ri Saúl xa xujech chik el ri Mical ri rixjayil ri David chire ri Paltí ruk'ajol ri Lais aj-Galim.

1 Sam 18:27

ri David xbe kik'in ri aj-labal y xebekikamisaj kan e 200 achi'a' aj-Filistea. Rija' xuk'en k'a pe ri k'utun-el chire y xberujacha' chire ri rey. Xuben k'a ronojel re', richin chi nok ruji' rija'. K'ari' ri Saúl xujech-el ri Mical chire ri David richin nok rixjayil.

1 Sam 19:12

K'ari' ri Mical xuxim k'a jun kolo' pa ventana, y chiri' xutzeqeba-el-ri' ri David richin xanimej-el.

1 Crón 10:2

Y ri aj-Filistea xekitzeqelibej k'a el ri Saúl y ri e ruk'ajol, y kan xekikamisaj k'a kan ri Jonatán, ri Abinadab y ri Malquisúa.