1 Sam 14:46 - Kaqchiquel Bible

⁴⁶ Y ri Saúl man xerutzeqelibej ta chik ri aj-Filistea; y rije' xetzolej pa kiruwach'ulew.

1 Sam 14:46 ပူးပေါင်းရင်းမြစ်များ

1 Sam 14:45

K'ari' ri aj-labal xkibij chire ri Saúl: Roj kan man xtiqaya' ta q'ij chi niken ri Jonatán roma ja rija' ri xkolon qichin roj ri oj israelita. Chuwech ri Jehová niqabij, chi ri Jonatán kan man jun rusumal-ruwi' ri xtitzaq ta pan ulew, roma ri xuben kan xuben rik'in ri ruto'onik ri Dios, xecha'. Y keri' toq ri achi'a' ri' xkikol ri Jonatán chuwech ri kamik.

1 Sam 14:47

Keri' ri Saúl xok kan chupan ri q'atbel-tzij chiri' pan Israel. Kan xuben k'a oyowal kik'in ri etzelanel richin ri ek'o chunaqaj: Ri aj-Moab, ri aj-Amón, ri aj-Edom, ri aj-Sobá y ri aj-Filistea. Y xabakuchi beneq-wi richin nuben oyowal kan nich'akon-wi.

1 Sam 17:1

K'o k'a jun q'ij ri aj-labal aj-Filistea xkimol chik ki' richin nibekibana' labal kik'in ri aj-Israel. Y ri aj-Filistea xek'oje-qa pa Efes-damim chikikojol ri tinamit Socó y Azecá, pa ruwach'ulew Judá.