1 Sam 14:42 - Kaqchiquel Bible

⁴² Y ri Saúl xubij chik: Wakami tiban chik k'a ri sakinik chiqakojol roj oj ka'i', wi niqaqa pa nuwi' yin o pa ruwi' re nuk'ajol, xcha'. Y xqaqa k'a pa ruwi' ri Jonatán.

1 Sam 14:42 ပူးပေါင်းရင်းမြစ်များ

Wuj Richin Etamabel-Tzij 16:33

Ri wineq xaxe k'a nuk'eq-apo ruwech chirij ri nurayij, xa achi'el rubanik jun sakinik; y ja ri Jehová ri xtibin wi nuya' o man nuya' ta ri nurayij.

Wuj Richin Etamabel-Tzij 18:18

Ri sakinik ri niban toq k'o ch'ojinik chikikojol e ka'i', kan nuchojmirisaj-wi ri oyowal; keri' chi e ka'i' ch'ojinela' xa nik'is ri oyowalen chikikojol.

Wuj Richin ri Jonás 1:7

Y ri Jonás kan xbejote' k'a pe kik'in, y konojel xkibila' k'a qa chikiwech chi achike roma nikik'uluwachij re jun ruk'ayewal re yakatajineq pa kiwi'. Y xkibij k'a chi nikisakij richin nikitz'et achoq pa ruwi' xtiqaqa-wi. Y keri' xkiben y xqaqa pa ruwi' ri Jonás.

Wuj Richin ri Josúe 7:18

Y toq xban chi xejel-apo ri achi'a' ri ek'o chupan ri tzobaj richin ri aj pa rachoch ri Zabdí, jari' toq xcha'ox k'a kan ri Acán ruk'ajol ri Carmí, rumam ri Zabdí, ruxikin-rumam ri Zérah y rijatzul ri Judá.

1 Sam 14:41

K'ari' ri Saúl xubij chire ri Jehová: Tak'utu' chiqawech wakami achike ri makuwineq, xcha'. Xban k'a ri sakinik, y xqaqa k'a pa kiwi' ri Saúl y ri Jonatán, y ri tinamit xtotej kan.

1 Sam 14:43

K'ari' ri Saúl xuk'utuj chire ri Jonatán chi tuq'alajirisaj ri achike xuben. Y ri Jonatán xubij: Kan qitzij na wi yin xintej ti juba' kab ri xink'en-qa rik'in ri nuch'ame'y. ¿Kan roma kami ri' yiken?, xcha'.