1 Sam 14:41 - Kaqchiquel Bible

⁴¹ K'ari' ri Saúl xubij chire ri Jehová: Tak'utu' chiqawech wakami achike ri makuwineq, xcha'. Xban k'a ri sakinik, y xqaqa k'a pa kiwi' ri Saúl y ri Jonatán, y ri tinamit xtotej kan.

1 Sam 14:41 ပူးပေါင်းရင်းမြစ်များ

Hechos 1:24

Xech'on k'a rik'in ri Dios y xkibij: Ajaw, rat ri natz'et ri qánima qonojel, tak'utu' k'a chiqawech achike k'a chike re ka'i' achi'a' re' ri acha'on,

Wuj Richin ri Jonás 1:7

Y ri Jonás kan xbejote' k'a pe kik'in, y konojel xkibila' k'a qa chikiwech chi achike roma nikik'uluwachij re jun ruk'ayewal re yakatajineq pa kiwi'. Y xkibij k'a chi nikisakij richin nikitz'et achoq pa ruwi' xtiqaqa-wi. Y keri' xkiben y xqaqa pa ruwi' ri Jonás.

Wuj Richin Etamabel-Tzij 16:33

Ri wineq xaxe k'a nuk'eq-apo ruwech chirij ri nurayij, xa achi'el rubanik jun sakinik; y ja ri Jehová ri xtibin wi nuya' o man nuya' ta ri nurayij.

Hechos 1:26

Rije' xkiya' pan etz'anen ri achin ri xk'oje' kan pa ruk'exel ri Judas richin nok kachibil ri e julajuj ri e taqon roma ri Cristo. Y ri xch'akon ja ri Matías, y rija' xjunamatej-ruwech kik'in ri e julajuj ri'.

1 Sam 14:40

Y k'ari' ri Saúl xubij chike konojel ri achi'a' chi kek'oje' la juk'an-apo, y ri Jonatán y rija' xkek'oje' ri chiri'. Y ri achi'a' xkibij chire ri Saúl chi tubana' ri niqa' chuwech.

1 Sam 14:42

Y ri Saúl xubij chik: Wakami tiban chik k'a ri sakinik chiqakojol roj oj ka'i', wi niqaqa pa nuwi' yin o pa ruwi' re nuk'ajol, xcha'. Y xqaqa k'a pa ruwi' ri Jonatán.

Wuj Richin Etamabel-Tzij 18:18

Ri sakinik ri niban toq k'o ch'ojinik chikikojol e ka'i', kan nuchojmirisaj-wi ri oyowal; keri' chi e ka'i' ch'ojinela' xa nik'is ri oyowalen chikikojol.