1 Sam 14:39 - Kaqchiquel Bible

³⁹ Roma ri Jehová ri nikolon ri qatinamit kan k'es-wi. Y yin kan nuya'on k'a nutzij chuwech rija' chi stape' kan ja ri nuk'ajol Jonatán xmakun, k'o chi niken, xcha'. Y man jun k'a chike ri achi'a' ri' ri k'o ta ri xubij-apo.

1 Sam 14:39 ပူးပေါင်းရင်းမြစ်များ

2 Sam 12:5

Toq ri David xrak'axaj ri', xyakatej janila royowal chirij ri xbanon keri', y xubij chire ri Natán: Ninya' nutzij chuwech ri Jehová, chi ri xbanon keri' kan ruk'amon richin nikamisex.

2 Sam 14:21

Chirij re' ri David xubij chire ri Joab chi rija' xuch'ob yan rij ri xubij chire, y roma ri' tiberuk'ama' k'a ri Absalón.

Wuj Richin ri Molojri'il 9:2

Y kan keri' chuqa' konojel: Ri choj ruk'aslen y ri man utz ta ruk'aslen, ri ch'ajch'oj y ri man ch'ajch'oj ta, ri nusuj kamelabel y ri man nusuj ta, ri kan nuben ri nubij y ri man nuben ta.

1 Sam 14:24

Ri Saúl ruya'on rutzij chike, y xubij: K'o chi yeqak'is ri e etzelanel qichin chupan re q'ij re', y kan itzel k'a ruwa-ruq'ij xabachike ri xtitijo ruway, xcha'. Y roma ri' konojel ri aj-labal kan man jun kitijon, y roma ri' maneq chik kuchuq'a'.

1 Sam 14:40

Y k'ari' ri Saúl xubij chike konojel ri achi'a' chi kek'oje' la juk'an-apo, y ri Jonatán y rija' xkek'oje' ri chiri'. Y ri achi'a' xkibij chire ri Saúl chi tubana' ri niqa' chuwech.

1 Sam 14:44

Y ri Saúl xubij: Kan ja ri Dios xtiya'on rutojbalil-mak pa nuwi' wi rat man xkaken ta, xcha'.

1 Sam 19:6

Ri Saúl xrak'axaj k'a ri ch'abel ri xubij ri ruk'ajol. K'ari' xuya' rutzij chuwech ri Jehová chi man nukamisaj ta ri David.

1 Sam 20:31

Rokik ri ruk'ajol ri Isaí k'es, rat man q'alaj ta xtaq'et kan tzij. Wakami k'a kabiyin, y tabek'ama-pe ri David, roma rija' ruk'amon nikamisex, xcha'.

1 Sam 22:16

Jari' toq ri rey xubij: Wakami k'a, kan xkaken rat y konojel ri aj pa rachoch kan ri atata', xcha'.

1 Sam 28:10

Jak'a ri Saúl xubij chire ri ixoq: Ninya' nutzij chuwech ri Jehová chi rat kan man jun xtabek'uluwachij roma re', xcha' ri Saúl.