1 Sam 14:38 - Kaqchiquel Bible

³⁸ K'ari' ri Saúl xubij chike ri rijita'q taq achi'a' ri k'o kiq'ij: Kixjel-pe, y titz'eta' ri achike xmakun chuwech ri Dios.

1 Sam 14:38 ပူးပေါင်းရင်းမြစ်များ

Wuj Richin ri Zacarías 10:4

Chikikojol k'a rije' xke'el-pe e k'iy aj-raqen, ri xke'ok achi'el abej ri achoq pa ruwi' banon qa jun jay, o achi'el simej che' ri nichapo richin ri jay ri banon rik'in tzieq, o achi'el jun rute-ch'ab ri k'o ruchuq'a' ri nikusex pa labal.

Wuj Richin Bix Chire ri Dios 47:9

Ri aj-raqen kichin ri ruwach'ulew kan nikimol k'a ki', kan achi'el nikimol-ki' ri rutinamit ri ru-Dios ri Abraham, roma kan pa ruq'a' ri Dios ek'o-wi konojel ri q'atoy taq tzij. Rija' kan k'o k'a pa ruwi' ronojel.

2 Sam 18:3

Jak'a ri aj-labal xkibij chire chi más utz nik'oje' kan chiri' pa Mahanaim, roma wi rije' k'o chi ye'animej, ri e etzelanel kichin man xkekitzeqelibej ta. Chuqa' chike ri e etzelanel kichin xa man jun, stape' ta wi yeken nik'aj chike rije', roma ri David xa kan rejqalen jun e 10,000 aj-labal. Roma ri' xkibij chik chi más utz tik'oje' kan pa tinamit, y kan k'a chiri' yeruto-wi-el.

Wuj Kichin ri To'onela' 20:2

Konojel k'a ri xe'apon chupan ri molojri'il ri', jari' ri e aj-raqen chikikojol, y pa ruwi' ri' xe'apon e 400,000 aj-labal ri e beneq chikaqen.

Wuj Richin ri Josúe 7:11

Ri e rijatzul ri Israel xemakun; xkiq'ej ruwi' ri nujikibel-tzij ri xinya' chike, roma xkichop ri banon chire chi nik'is jumul. Kan xe'eleq' k'a, kan xkitz'uk-tzij y kan xkewaj chukojol ri iwichin rix ri xa banon chire chi nik'is jumul.

Wuj Richin ri Q'axanri'il 24:17

Yin xintz'et pa wachik', jak'a man jani tik'uluwachitej. Xtik'uluwachitej k'a, jak'a man jani. Chupan-apo ri q'ij ri' xtibek'oje' jun rey chikikojol ri israelita. Xkeruk'is k'a ri aj-Moab, y xkeruk'is ri e rijatzul kan ri Set ri ek'o pa tz'iran ruwach'ulew.

Efesios 2:20

Rix chuqa' ix achi'el jun jay ri paban-q'anej pa ruwi' ri ruxe' ri k'iya'on kan ri e taqon roma ri Cristo, y ri e q'alajirisey ruch'abel ri Dios. Y ri abej ri niya'on ruchuq'a' ri jay ri' ja ri Jesucristo.

San Mateo 21:42

K'ari' ri Jesús xubij chik chike: ¿Kan man jun bey k'a itz'eton ri jun tzij tz'ibatel kan chupan ri ruch'abel ri Dios? Toq nubij:*f32* K'o k'a jun abej ri man xqa' ta chikiwech ri banoy taq jay. Jak'a re wakami kan más k'atzinel chire ri jay richin chi kow xpa'e' kan. Ronojel re' kan ja ri Dios xbanon, y chiqawech roj kan jun k'a nimalej banobel. Keri' nubij ri ruch'abel ri Dios.

Wuj Richin ri Josúe 7:12

Roma ri' rix man chik xkixtikir ta xkixch'akon chikij ri e etzelanel iwichin. Xa xkixanimej k'a pe chikiwech rije', roma rix chuqa' ruk'amon richin yixk'is jumul. Yin man xkik'oje' ta chik iwik'in, wi man xtik'is ta el chi'ikojol ri ruk'amon richin nik'is jumul.