1 Sam 14:37 - Kaqchiquel Bible

³⁷ Y ri Saúl xuk'ulubej k'a ri Dios y xubij: ¿K'atzinel ninben oyowal kik'in ri aj-Filistea? ¿Xke'ajech kami pa qaq'a'?, Xcha'. Jak'a ri Jehová man jun xubij chire chupan ri aq'a' ri'.

1 Sam 14:37 ပူးပေါင်းရင်းမြစ်များ

1 Sam 28:6

K'ari' xberuk'ulubej ri Jehová, jak'a man xk'ulubex ta ri ruch'abel; ni pa rachik', ni koma ri sacerdote, ni koma ri q'alajirisey ruch'abel ri Dios.

1 Rey 22:15

Ri Micaías kan xbe k'a, y toq xapon rik'in ri Acab, rija' xuk'utuj chire ri Micaías chi wi utz nuchop oyowal pa ruwi' ri Ramot, o xa numalij-qa. Y ri Micaías xubij chire: Kabiyin; tabebana' oyowal, roma kan jujik-wi chi kan ja rat ri xkach'akon, roma ri Jehová kan xtujech pan aq'a' rat, xcha'.

1 Rey 22:5

Chuqa' xubij: Tiqak'ulubej na ri Jehová achike nubij rija' chiqe, xcha'.

2 Sam 5:23

Y ri David xuk'ulubej chik jun bey ri Jehová. Y rija' xubij chire chi man tijote-el chikiwech, xa tibekisutij-pe-kij y kekichapa' chi oyowal akuchi ek'o-wi ri che' bálsamo.

2 Sam 5:19

K'ari' ri David xuk'ulubej ri Jehová richin nretamaj wi ruk'amon niyakatej-el chikij richin niberubana' oyowal kik'in. Y xuk'utuj chuqa' wi yerujech pa ruq'a'. Y ri Jehová xubij chire chi kan xkerujech-wi pa ruq'a'.

1 Sam 23:4

Y k'ari' ri David xuk'ulubej chik jun bey ri Jehová ri achike k'atzinel chi nuben, y ri Jehová xubij chire: Kixyakatej y kixbiyin-qa pa tinamit Queilá, roma yin kan xkenjech pan iq'a' ri aj-Filistea, xcha' ri Jehová.

Ez 20:3

Rat Ezequiel, kach'on kik'in ri achi'a' ri xepe awik'in y tak'utuj chike wi e peteneq richin yinkik'ulubej. Roma yin kan ninjikiba-nutzij pa nubi-qa yin chi man xtinya' ta q'ij chi yech'on wik'in.

1 Sam 10:22

K'ari' ri Samuel xuk'utuj k'a jun bey chik chire ri Jehová, richin niketamaj wi ri Saúl k'o chiri' o ni. Y ri Jehová xubij chike chi ri Saúl kan k'o-wi chiri' y xa xrewaj-ri' chukojol ri ejqa'n.

Wuj Kichin ri To'onela' 20:18

Ri ch'aqa' chik israelita xebe k'a q'anej pa rachoch ri Jehová richin xbekik'ulubej y xkibij chire: ¿Achike tzobaj ri xtik'o-el chiqawech richin nibekibana' oyowal kik'in ri aj-Benjamín?, xecha'. Y ri Jehová xubij chike chi ja ri tzobaj richin Judá ri xtik'o-el chikiwech.

Wuj Kichin ri To'onela' 1:1

Chirij ri rukamik ri Josué, ri e rijatzul kan ri Israel xkik'ulubej ri Jehová y xkik'utuj k'a chire achike xkeyakatej-el nabey richin nibekibana' oyowal kik'in ri aj-Canaán.

1 Sam 23:2

K'ari' rija' xuk'ulubej ri Jehová richin nretamaj wi nibe pan oyowal kik'in ri aj-Filistea, o ni. Y ri Jehová xubij chire chi tibiyin y tuberukolo' ri tinamit ri'.