1 Sam 14:3 - Kaqchiquel Bible

³ Y chikikojol k'a rije' k'o ri Ahías, ja rija' ri uk'uyon ri efod, ri tzieq banon rik'in lino. Ri Ahías ruk'ajol ri Ahitub, re Ahitub re' runimal ri Icabod ri e ruk'ajol kan ri Finees, y e rumam kan ri Elí. Y kan man jun k'a xnaben-el chi ri Jonatán xa xbe yan.

1 Sam 14:3 ပူးပေါင်းရင်းမြစ်များ

1 Sam 1:3

Y ronojel k'a juna' ri Elcaná nibe-q'anej pa tinamit Siló richin niberusuju' sipanik richin niberuya' ruq'ij ri Jehová k'iytisanel richin ronojel. Y chiri' k'o-wi ri sacerdote richin ri Jehová rubini'an Elí, chuqa' chiri' ek'o-wi ri e ruk'ajol kibini'an Hofní y Finees. Rije' chuqa' e sacerdote.

1 Sam 14:36

Y k'ari' ri Saúl xubij chike ri aj-labal: Qojqaqa-qa kik'in ri aj-Filistea re aq'a' re', y keqak'isa'. Richin keri' toq xtiseqer konojel xeken yan, xcha'. Y rije' xkibij chi tubana' achike ri niqa' chuwech rija'. Jak'a ri sacerdote xubij chi más utz tikik'utuj na chire ri Dios ri achike ruk'amon nikiben.

1 Sam 2:18

Ri ti ala' Samuel nuben k'a rusamaj ri Jehová y rukusan jun tzieq banon rik'in lino, retal ri rusamaj.

1 Sam 2:28

Chikikojol k'a konojel ri tzobaj richin ri Israel, yin xixincha' rix richin xixok nu-sacerdote richin nisuj kamelabel pa ruwi' porobel y niporoj pom chinuwech y richin nikusaj ri tzieq banon rik'in lino, retal ri isamaj. Y xinya' q'ij chike ri aj pa kachoch ri iwati't-imama' richin nikik'en kan juba' chire ronojel sipanik ri nikisuj ri nutinamit.

1 Sam 22:20

Y k'o k'a jun chike ri ruk'ajol ri Ahimélec rubini'an Abiatar. Rija' xkolotej kan chupan ri kamik ri', xanimej y xbe k'a akuchi k'o-wi ri David.

1 Sam 4:21

Y ri te'ej xuya' rubi' ri ti ral y xubij Icabod chire,*f3* roma xeleq'ex kan ri káxa richin ri jikibel-tzij, chuqa' roma xken ri ralnan y ri rachijil.

1 Sam 4:4

Y rije' xekiteq k'a el jun tzobaj achi'a' pa Siló richin xbekik'ama-pe ri káxa ri' ri akuchi niq'aton-wi-tzij ri Jehová k'iytisanel richin ronojel, ri k'o chiri' chikikojol ri ka'i' querubín. Y ri Hofní y ri Finees, ri e ka'i' ruk'ajol ri Elí, chuqa' xebe chirij ri káxa.