1 Sam 14:27 - Kaqchiquel Bible

²⁷ Jak'a ri Jonatán man xrak'axaj ta chi ri rutata' ruya'on ri rutzij pa kiwi' ri achi'a', y roma ri' rija' xuya-qa ri ruch'ame'y chupan ri kab, y xuju-apo pa ruchi'. Y xaxe toq xutej xk'oje' chik el ruchuq'a'.

1 Sam 14:27 ပူးပေါင်းရင်းမြစ်များ

Wuj Richin Etamabel-Tzij 24:13

Rat, nuk'ajol yin, kan tatija' k'a ri kab ri kan utz-wi, kan tatija' k'a ri kab ri nikiya' ri taq chikopi', roma kan ki' xtuna-qa ri aqul.

Wuj Richin Etamabel-Tzij 25:26

Kan achi'el chuqa' jun ralaxbal-ya', ri nitukuk ruwech o ralaxbal-ya', ri xa ya' chuw ri k'o chupan; keri' k'a ri chojmilej wineq, ri xa man kow ta k'o ri ruk'aslen chikiwech ri aj-maki'.

1 Sam 14:28

K'ari' xch'on-apo jun chike ri achi'a' y xubij chire chi ri rutata' rubin chi itzel ruwa-ruq'ij ri achike xtiwa'. Y roma ri' konojel rije' man jun chik kuchuq'a' roma man jun kitijon.

1 Sam 14:29

Jak'a ri Jonatán xubij: Ri nata' xa xuk'en-pe ruk'ayewal pa ruwi' ri qatinamit roma re ya'on-tzij re'. Kinitz'eta', wakami k'o chik jun bey wuchuq'a' roma xintej juba' kab.

1 Sam 14:43

K'ari' ri Saúl xuk'utuj chire ri Jonatán chi tuq'alajirisaj ri achike xuben. Y ri Jonatán xubij: Kan qitzij na wi yin xintej ti juba' kab ri xink'en-qa rik'in ri nuch'ame'y. ¿Kan roma kami ri' yiken?, xcha'.

1 Sam 30:12

Chuqa' xkiya' ka'i' peraj ponon wíkix chire y uva ri e chaqirisan chik. Toq rutijon chik qa re' xk'oje' chik el ruchuq'a', roma man jun rutijon ni man jun ruqumun oxi' q'ij y oxi' aq'a'.