1 Sam 14:22 - Kaqchiquel Bible

²² Keri' chuqa' ri ch'aqa' chik israelita ri kewan kan ki' chuwi' taq juyu' richin ri Efraín, toq xkak'axaj chi ri aj-Filistea xe'animej, chuqa' rije' chi'anin xekitzeqelibej richin yekichop chi oyowal.

1 Sam 14:22 ပူးပေါင်းရင်းမြစ်များ

1 Sam 13:6

Toq ri israelita xkina' chi kan yech'akatej yan koma ri aj-Filistea, xa xe'animej y xkewaj-ki' pa taq jul, chuxe' taq ulew, kojol taq abej y chupan ri nima'q taq jul ri e k'oton.

1 Sam 31:7

Y toq ri ch'aqa' chik israelita ri ek'o juk'an chik chire ri taq'aj, y ri ek'o juk'an chik chire ri raqen-ya' Jordán, xkitz'et chi ri kiwinaq xe'animej, y chi ri Saúl y ri e ruk'ajol xeken kan, rije' chuqa' xe'animej y xkimalij kan ri tinamit ri akuchi ek'o-wi. K'ari' ri aj-Filistea xebek'oje' k'a chiri' chupan ri kitinamit kan rije'.

1 Sam 14:11

Y kan keri' k'a xkiben. Xkik'ut k'a ki' chikiwech ri aj-Filistea richin xetz'etetej. Y toq rije' xekitz'et-pe, xkibij: ¡Ke'itz'eta' la taq hebreo, xe'el-pe pa jul ri akuchi kewan-wi-ki'!, xecha'.

Wuj Kichin ri To'onela' 7:23

Y ri tzobaj richin ri Neftalí, Aser, y Manasés, xkimol-ki' richin xekoqotaj-el ri aj-Madián.