1 Sam 14:1 - Kaqchiquel Bible

¹ Y ri Jonatán ri ruk'ajol ri Saúl xubij chire ri ruto'onel ri nuk'uan ri rukamisabal: Jo', y qojq'ax-apo la juk'an k'a akuchi ek'o-wi-qa la aj-Filistea, xcha'. Y rija' man xubij ta kan chire ri rutata'.

1 Sam 14:1 ပူးပေါင်းရင်းမြစ်များ

Wuj Richin ri Miqueas 7:5

Man tikuquba' ik'u'x kik'in ri iwachpochel ni ri iwachibil. Ni kik'in ri iwixjayilal man tikuquba' ik'u'x. Kan man jun titzijoj chike.

Wuj Kichin ri To'onela' 14:6

Y jari' toq ri Espíritu richin ri Jehová xuya' ruchuq'a' ri Sansón, y rik'in k'a ri ruq'a' xukamisaj ri koj achi'el nikamisex jun ti tzuntzun; y man xuq'alajirisaj ta chikiwech ri rute-rutata' ri xuben.

Wuj Kichin ri To'onela' 14:9

Y xrelesaj-el juba' chire ri kab ri' y jari' nutej beneq pa bey; y toq xeberuq'i' ri rute-rutata', xuya' chuqa' chike richin nikitej; y man xuq'alajirisaj ta k'a chikiwech chi ri kab ri' xa chupan ruch'akul jun kamineq koj relesan-wi.

Wuj Kichin ri To'onela' 6:27

Xeri' ri Gedeón xerucha' e lajuj achi'a' chike ri rusamajela' rija', y xuben k'a achi'el ri rubin kan ri Jehová chire. Xaxe man xuben ta paq'ij roma nuxibij-ri' chikiwech ri ach'alalri'il richin ri rutata' y chuqa' chikiwech ri winaqi' richin ri tinamit, roma ri' chaq'a' xuben ri bin kan chire.

1 Sam 13:2

jari' toq xerucha' e 3,000 aj-labal chikikojol ri ruwinaq. Y e 2,000 achi'a' xek'oje' rik'in rija' chiri' pa Micmás, chiri' pa juyu' Betel. Y ri Saúl k'o k'a jun ruk'ajol rubini'an Jonatán, y ri ch'aqa' chik aj-labal xek'oje' kan rik'in rija' chiri' pa Guibeá. Y ri ch'aqa' chik achi'a' xeruteq-el pa taq kachoch.

1 Sam 13:22

Keri' chupan ri q'ij toq xban oyowal chikikojol ri aj-labal xa kan xaxe k'a ri Saúl y ri Jonatán ri k'o ki-espada y kikum.

1 Sam 13:23

Y k'o k'a jun q'ij jun tzobaj chike ri aj-Filistea xe'el-el ri akuchi ek'o-wi-qa y xbekichajij ri bey ri niq'ax-el pa Micmás.

1 Sam 14:2

Jak'a ri Saúl k'o chunaqaj ri tinamit Guibeá chuxe' jun che' granado, ri akuchi nich'ay-wi trigo, y e rachibilan ri e 600 achi'a'.

1 Sam 25:19

K'ari' xubij chike ri rusamajela': Kixik'o-el chinuwech y yin xkixintzeqelibej-el, xcha'. Y kan man jun xubij kan chire ri rachijil.