1 Sam 13:7 - Kaqchiquel Bible

⁷ Y ek'o k'a chike rije' xkiq'axaj ri raqen-ya' Jordán, y xebe pa ruwach'ulew Gad, pa ruwach'ulew Galaad. Jak'a ri Saúl kan k'a k'o na kan chiri' pa Guilgal. Y konojel k'a ri aj-labal ri e beneq chirij, kan janila yebaybot roma xibinri'il.

1 Sam 13:7 ပူးပေါင်းရင်းမြစ်များ

Wuj Kichin ri To'onela' 7:3

Wakami k'a tataluj rutzijol chikikojol konojel ri awinaq y tabij chike: Achike k'a chiwe rix ri xa nuxibij-ri' y nibaybot, titzolin kan pa rachoch, xcha'. Y toq ri Gedeón xuk'utuj chike, xetzolej k'a kan e 22,000 achi'a' y k'a xek'oje' na kan e 10,000 rik'in.

Deut 28:25

Ri Jehová kan xtuben chi xkixrujech pa kiq'a' ri e etzelanel iwichin, y rix xkixanimej-el chikiwech. Xa kan itzel k'a xkixtz'et koma konojel ri winaqi' richin ri ruwach'ulew.

Deut 20:8

Chirij ri', chuqa' xtikibij: Wi k'o ta jun ri xa nuxibij-ri', más utz tibiyin kan pa rachoch, richin keri' man nuben ta chike ri rachibil chi nikixibij-ki', xkecha'.

Deut 3:12

Y ri Moisés xubij chike: Ri ruwach'ulew ri xok kan qichin chiri', k'o pa xaman chire ri tinamit Aroer, chuchi' ri raqen-ya' Arnón. Keri' chuqa' ri nik'aj chire ri chuwi' taq juyu' Galaad y ronojel ri rutinamit. Jare' k'a ri xinjech chike ri e rijatzul kan ri Rubén y ri e rijatzul kan ri Gad.

Wuj Richin ri Chojmirisabelri'il 26:17

Yin xkiyakatej k'a chiwij y kan xkixch'akatej k'a pa kiq'a' ri etzelanel iwichin y ja rije' ri xkek'oje' pan iwi'; y rix xkixanimej k'a, stape' man jun oqotayon iwichin.

1 Sam 13:8

Ri Saúl xroyobej ri wuqu' q'ij richin napon ri Samuel achi'el rubin kan chire, jak'a ri Samuel xa man jani tapon pa Guilgal. Y ri aj-labal ri ek'o rik'in xkichop nikitaluj-el-ki' pan ewel.

Wuj Richin ri Josúe 13:8

Ri tzobaj richin ri Rubén, ri Gad y ri nik'aj chik tzobaj richin ri Manasés, kan kik'ulun chik k'a kan ri kulew pa ruq'a' ri Moisés ri rusamajel ri Jehová. Y ri ruwach'ulew ri' k'o pa relebel-q'ij chire ri raqen-ya' Jordán.

Wuj Richin ri Josúe 13:11

Y chuqa' xkichinaj kan ri ruwach'ulew Galaad y chijun ri kiruwach'ulew ri guesureo y ri maacateo, chijun ri juyu' Hermón y chijun ri ruwach'ulew richin ri Basán y napon k'a pa tinamit Salcá.

1 Sam 17:11

K'ari' ri Saúl y konojel ri ruwinaq, toq xkak'axaj ri ch'abel ri', kan xmayamo-qa kánima y janila xkixibij-ki'.

1 Sam 31:7

Y toq ri ch'aqa' chik israelita ri ek'o juk'an chik chire ri taq'aj, y ri ek'o juk'an chik chire ri raqen-ya' Jordán, xkitz'et chi ri kiwinaq xe'animej, y chi ri Saúl y ri e ruk'ajol xeken kan, rije' chuqa' xe'animej y xkimalij kan ri tinamit ri akuchi ek'o-wi. K'ari' ri aj-Filistea xebek'oje' k'a chiri' chupan ri kitinamit kan rije'.