1 Sam 13:6 - Kaqchiquel Bible

⁶ Toq ri israelita xkina' chi kan yech'akatej yan koma ri aj-Filistea, xa xe'animej y xkewaj-ki' pa taq jul, chuxe' taq ulew, kojol taq abej y chupan ri nima'q taq jul ri e k'oton.

1 Sam 13:6 ပူးပေါင်းရင်းမြစ်များ

2 Sam 24:14

K'ari' ri David xubij chire: Wakami xik'oje' pa latz'. Xa kan más k'a utz chi yojqaqa pa ruq'a' ri Jehová, roma rija' kan joyowanel-wi, ke chuwech yojqaqa pa kiq'a' ri e yakatajineq chiqij, xcha'.

Wuj Richin ri Isaías 42:22

Jak'a ronojel ri k'o rejqalen iwik'in rix xa xuk'uex yan el koma ri e etzelanel iwichin. Chi'iwonojel rix xa xixkichop y xixkiya' pa taq jul, y kan iwewan-iwi' pa taq cárcel. Rix xixuk'uex-el achi'el niban rik'in ri k'o rejqalen, y kan man jun xto'on iwichin, y kan man jun xixkolon.

Wuj Richin ri Jeremías 41:9

Y ri jul ri akuchi xeruya-wi ri kich'akul ri kaminaqi' ri xerukamisaj ri Ismael, ja jul ri' ri xuben ri rey Asá ojer kan, richin xuto-ri' chuwech ri Baasá, rey richin ri tinamit Israel. Jak'a ri Ismael kan xnojisaj chi kaminaqi'.

Ez 33:27

Taya' k'a re rutzijol re' chike: Chi'iwonojel rix ri ixk'o kan pa taq tinamit ri e wulatejineq, kan xkixkamisex. Y rix ri ixk'o pa taq juyu', xtinben chiwe chi xkixtij koma ri k'uxunela' taq chikopi'. Y rix ri iwewan-iwi' kojol taq jul xkixken k'a roma yabil.

Filipenses 1:23

Kan man ninwil ta k'a achike ninben, roma pa nik'aj ink'o-wi, roma chuqa' ninch'ob chi wi ninya' kan re ruwach'ulew y yibek'oje' rik'in ri Cristo, ri' kan más utz chuwe yin.

Hebreos 11:38

Ri winaqi' ri' kan k'owineq k'a ruwi' e utz richin xek'oje' chikikojol ri man ketaman ta ruwech ri Dios, k'o chi xebe-kela' xebe-kela' xkiben, ri pa taq tz'iran ruwach'ulew, xkewaj-ki' pa taq juyu', pa taq jul, roma ri ruk'ayewal ri xkil.

Wuj Richin ri Josúe 8:20

Y ri achi'a' aj-Ai xetzu'un kan chikij, y xkitz'et chi janila sib nel chupan ri kitinamit, jari' toq rije' man jun akuchi xe'animej-wi roma ri achi'a' ri ek'o rik'in ri Josué ri e animajineq pa tz'iran ruwach'ulew xa xetzolin-pe chikij.

Wuj Kichin ri To'onela' 10:9

Y ri amonita chuqa' xkiq'axaj-apo ri raqen-ya' Jordán richin nibekibana' oyowal kik'in ri tzobaj richin Judá, ri Benjamín y ri Efraín. Kan janila k'a xekiya' pa tijoj-poqonal ri tinamit Israel.

Wuj Kichin ri To'onela' 20:41

Jari' toq ri israelita xkipaba-ki', y ri aj-Benjamín kan xkik'en janila rukiy, roma ri ruk'ayewal xa pa kiwi' chik rije' k'o-wi.

Wuj Kichin ri To'onela' 6:2

Y rije' kan xkiben k'a chike ri israelita chi xkitej poqon, y roma ri' xkikanola' ri akuchi xkewala-wi-ki': Ek'o xkewala-ki' kojol taq juyu', pa ruwi' taq juyu' y pa taq jul ri ek'o chiri'. Chiri' xek'oje-wi richin xkito-ki'.

1 Sam 13:15

K'ari' ri Samuel xel-el chiri' pa Guilgal y xuchop chik el rubey. Y ri Saúl xerajlaj k'a konojel ri aj-labal ri ek'o rik'in, y xaxe chik la'eq e 600 achi'a' ri ek'o kan.

1 Sam 14:11

Y kan keri' k'a xkiben. Xkik'ut k'a ki' chikiwech ri aj-Filistea richin xetz'etetej. Y toq rije' xekitz'et-pe, xkibij: ¡Ke'itz'eta' la taq hebreo, xe'el-pe pa jul ri akuchi kewan-wi-ki'!, xecha'.

1 Sam 14:22

Keri' chuqa' ri ch'aqa' chik israelita ri kewan kan ki' chuwi' taq juyu' richin ri Efraín, toq xkak'axaj chi ri aj-Filistea xe'animej, chuqa' rije' chi'anin xekitzeqelibej richin yekichop chi oyowal.

1 Sam 23:19

K'ari' ri winaqi' richin Zif xebe rik'in ri Saúl pa Guibeá richin xbekibij kan chire: Ri David rewan-ri' re wawe' pa k'echelaj, pa taq jul chiri' chuwa taq juyu', ri richin Haquilá, pa xokon chire ri tz'iran ruwach'ulew.

1 Sam 24:3

Y toq ri Saúl xapon akuchi yek'oje-wi ri tzobaj karne'l ri chuchi' bey, chiri' k'o k'a jun nimalej jul. Y rija' xok k'a apo chiri' richin xbechulun kan. Jak'a ri David y ri aj-labal xa kan k'a chupan apo ri jul ri' ek'o-wi.

1 Sam 31:7

Y toq ri ch'aqa' chik israelita ri ek'o juk'an chik chire ri taq'aj, y ri ek'o juk'an chik chire ri raqen-ya' Jordán, xkitz'et chi ri kiwinaq xe'animej, y chi ri Saúl y ri e ruk'ajol xeken kan, rije' chuqa' xe'animej y xkimalij kan ri tinamit ri akuchi ek'o-wi. K'ari' ri aj-Filistea xebek'oje' k'a chiri' chupan ri kitinamit kan rije'.

1 Sam 7:7

Toq xkak'axaj ri aj-Filistea chi ri israelita kimolon-ki' pa Mispá, jari' toq xejote-q'anej ri aj-labal, richin nibekibana' labal kik'in. Toq ri israelita xkak'axaj chi ri aj-Filistea e peteneq, rije' janila xkik'en rukiy.