1 Sam 13:5 - Kaqchiquel Bible

⁵ Jak'a ri aj-Filistea xkimol-ki' chuqa', richin nibekibana' oyowal kik'in ri israelita. Rije' e kik'uan e 30,000 carruaje richin oyowal,6,000 achi'a' ri e beneq chirij kiej y janila e k'iy aj-labal ri e beneq chikij: Kan man e ajlatel ta k'a. Xejote-q'anej y xek'oje-qa chiri' pa Micmás, ri k'o pa relebel-q'ij chire ri Bet-avén.

1 Sam 13:5 ပူးပေါင်းရင်းမြစ်များ

Wuj Richin ri Rutikeribel 22:17

Xkatinwurtisaj y xtik'iyer k'a ri awijatzul achi'el ruk'iyal ri ch'umila' ri ek'o chila' chikaj, y achi'el ruk'iyal ri sanayi' ri k'o chuchi' ri palou, y ri awijatzul xke'ichinan kan ri tinamit ri ye'etzelan kichin.

2 Sam 17:11

Ninbij k'a, chi konojel ri achi'a' aj-Israel tikimolo-pe-ki' awik'in, ri nitiker-pe pa Dan, ri k'o pa xaman, k'a pa Beerseba ri k'o pa xokon. Kan janila k'a chi achi'a' ri xtikimol-pe-ki' awik'in, ri kajlabal kan achi'el k'a ri sanayi' ri k'o chuchi' ri palou. Y kan ja rat ri xkatik'o-el chiqawech richin yojbe pan oyowal.

1 Rey 20:27

Keri' chuqa' ri aj-labal aj-Israel xkimol-ki', y xe'ajlex y xya'ox-el kiway. Man xkoyobej ta na chi ye'apon ri etzelanel kichin, jak'a xa xe'el-el chikik'ulik. Y toq xe'apon akuchi ek'o-wi-qa ri aj-Siria, xkitz'et chi ri aj-Israel xa e achi'el ok ka'i' tzobaj taq tzuntzun, jak'a ri aj-Siria kan kitz'apen ruwech ri ruwach'ulew roma janila e k'iy.

2 Crón 1:9

Wakami k'a, Jehová Dios tajikiba' k'a ri asujun chire ri nata', roma ja yin ri xinaya' kan rey pa ruwi' re jun tinamit re janila nim, ri kan man e ajlatel ta, achi'el ri poqolaj ri k'o chuwech re ruwach'ulew.

Wuj Richin ri Isaías 10:28

Ri aj-Asiria yepe kere' pa tinamit Aiat; yeq'ax-pe pa tinamit Migrón, chiri' pa tinamit Micmás nikiya-wi kan ronojel ri kik'uan.

Wuj Richin ri Isaías 48:19

Chuqa' ri iwijatzul xewinaqir ta pa ruk'iyal, achi'el rajlabal ri sanayi' ri ek'o chuchi' ri palou. Y yin kan man ta xixink'is.

Wuj Richin ri Jeremías 15:8

Xtinben k'a chi xkemalkanej kan janila chi ixoqi', kan más e k'iy chuwech ri sanayi' ri k'o chuchi' ri palou. Kan ja ri pa nik'aj-q'ij xtinteq k'a pe ri kamik pa kiwi' ri alk'ualaxela'. Chuqa' chaq k'ate' k'a xtinya-pe bis y nimalej xibinri'il pa kiwi'.

Os 10:5

Ri winaqi' aj-Samaria xa kan xtikixibij-ki', roma ri ruwachibel ri alaj achij wákix ri xk'oje' pa Bet-aven. Kan xkebison k'a roma xa xtuk'uex-el chikiwech. Ri winaqi' y ri sacerdote kan xke'oq' k'a, roma xa xtik'is-el ronojel ri ruwaq'ijaj ri xk'oje' kik'in.

Os 4:15

Wi rat Israel yamakun, kan tabana' k'a. Xa rik'in man ta nimakun ri Judá. Israel, man kixbe pa Guilgal, man kixjote-q'anej pa Bet-aven, y man tiya' itzij pan nubi' yin, Jehová.

Os 5:8

Tixupux k'a ri xupubel pa Guibeá, tixupux k'a ri trompeta retal labal pa Ramá. Kan tiya' k'a ri retal rik'in raqoj-chi'ij pa Bet-aven. Kan kak'ark'ot k'a roma xibinri'il rat ruwach'ulew Benjamín.

Romanos 9:27

Y chiqij roj judío, xch'on-wi ri Isaías ojer kan toq xubij:*f26* Stape' ri qawinaq judío janila e k'iy, achi'el ri rajlabal ri sanayi' ri k'o chuchi' ri palou, xa kan xaxe chik juba' chike rije' ri xkekolotej.

Wuj Richin ri Josúe 11:4

Rije' y konojel aj-labal kan janila k'a e k'iy, ri kan man e ajlatel ta achi'el ri sanayi' ri k'o chuchi' ri palou. Ri e rey y ri achi'a' ri' xebe richin xbekibana' oyowal e kachibilan-el janila e k'iy kiej y carruaje richin oyowal.

Wuj Richin ri Josúe 18:12

Ri k'ulba't ri' k'o pa xaman chire ri ruwach'ulew nitiker-el chuchi' ri raqen-ya' Jordán, y nuchojmij-el-ri' pa qajbel-q'ij y nijote-q'anej y niq'ax pa xaman chire ri tinamit Jericó; y chirij re' nijote-q'anej chuwi-juyu' y napon-q'anej pa tz'iran ruwach'ulew richin ri tinamit Bet-avén.

Wuj Richin ri Josúe 7:2

Xeri' ri Josué xeruteq-el achi'a' y xe'el-el pa Jericó y xebe k'a pa jun chik tinamit rubini'an Ai ri k'o chunaqaj ri Bet-avén ri k'o pa relebel-q'ij chire ri tinamit Betel y xubij-el chike: Kixbiyin y tibenik'oj kan jebel ri tinamit Ai, xcha'. Rije' xebe k'a y xbekinik'oj ri tinamit.

Wuj Kichin ri To'onela' 7:12

Ri aj-Madián, y ri winaqi' amalecita y ri winaqi' ri yepe pa relebel-q'ij kinojisan k'a chijun ri li'on ulew ri' y kan janila e k'iy, kan achi'el toq ye'ok'ulun ri sak' ri xa man e ajlatel ta; y ri ki-camello kan janila chuqa' e k'iy achi'el ri sanayi' ri k'o chuchi' ri palou.

1 Sam 13:11

Jak'a ri Samuel xuk'utuj chire ri achike roma keri' xuben. Y ri Saúl xubij: Toq yin xintz'et chi ri aj-labal xkichop nikitaluj-el-ki', y rat man xape ta chupan ri q'ij ri abin kan chuwe, y ri aj-Filistea kimolon chik ki' chiri' pa Micmás richin yeyakatej chuwij,

1 Sam 13:2

jari' toq xerucha' e 3,000 aj-labal chikikojol ri ruwinaq. Y e 2,000 achi'a' xek'oje' rik'in rija' chiri' pa Micmás, chiri' pa juyu' Betel. Y ri Saúl k'o k'a jun ruk'ajol rubini'an Jonatán, y ri ch'aqa' chik aj-labal xek'oje' kan rik'in rija' chiri' pa Guibeá. Y ri ch'aqa' chik achi'a' xeruteq-el pa taq kachoch.

1 Sam 14:23

Y xekitzeqelibej más kela' chire ri tinamit Bet-avén. Y keri' ri Jehová xerukol ri israelita chupan ri q'ij ri'.

1 Sam 14:52

Ri Saúl kan jantape' k'a nikiben labal kik'in ri aj-Filistea. Roma ri' toq nrak'axaj chi k'o jun achin ri maneq xibinri'il chuwech y kan utz richin labal, jari' ri nroyoj.

1 Sam 17:1

K'o k'a jun q'ij ri aj-labal aj-Filistea xkimol chik ki' richin nibekibana' labal kik'in ri aj-Israel. Y ri aj-Filistea xek'oje-qa pa Efes-damim chikikojol ri tinamit Socó y Azecá, pa ruwach'ulew Judá.

1 Sam 7:13

Xech'akatej k'a ri aj-Filistea koma ri aj-Israel y kan man jun bey chik xkimej ri kiruwach'ulew, rokik k'a k'es na ri Samuel, roma kan ja ri Jehová xbanon ri oyowal kik'in ri aj-Filistea.