1 Sam 13:3 - Kaqchiquel Bible

³ K'ari' ri Jonatán xeruchop chi oyowal ri aj-Filistea ri akuchi ek'o-wi-qa ri k'o pa tinamit Guibeá, y xketamaj k'a ri ch'aqa' chik aj-Filistea. K'ari' ri Saúl xuteq rubixik chi tixupux ri trompeta chupan chijun ri ruwach'ulew, richin xeroyoj konojel ri ruwinaq richin nikiben oyowal.

1 Sam 13:3 ပူးပေါင်းရင်းမြစ်များ

2 Sam 2:28

K'ari' ri Joab xuxupuj ri uk'a' richin xtane' ri oyowal. Y jari' toq konojel ri aj-labal ri ek'o rik'in rija' xetane' chikoqotaxik ri aj-Israel.

2 Sam 20:1

Xk'oje' k'a jun achin ri janila banoy etzelal ri rubini'an Sebá, ruk'ajol ri Bicrí aj-Benjamín. Rija' nuxupuj k'a trompeta y nubila': Roj man jun achike ta niqoyobej chi nuya' ri David chiqe. Man jun niqach'ek chi niqatzeqelibej re ruk'ajol kan ri Isaí. Qonojel roj israelita qojtzolej pa qachoch, nicha'.

2 Sam 23:14

y ri ch'aqa' chik ek'o-qa pa Belén. Jak'a ri David k'o chiri' akuchi nikito-wi-ki' ri aj-labal.

Wuj Richin ri Isaías 10:29

Nikiq'axaj-el ri ti raqen-ya', chiri' pa tinamit Gueba yek'oje-wi-qa. Ri winaqi' aj-Ramá yebaybot roma xibinri'il, y ri aj-Guibeá, akuchi xk'oje-wi ri Saúl, xa ye'animej-el.

Wuj Richin ri Zacarías 14:10

Chijun ri ruwach'ulew ri' xtok taq'aj, nuchop-pe pa Geba y napon k'a pa Rimón ri k'o pa xokon chire ri Jerusalem. Jak'a ri Jerusalem xtik'oje' pa jotol y kan xkek'oje' chik winaqi' chuwech, nitiker-pe ri akuchi k'o-wi ri okinen richin Benjamín ri k'o pa relebel-q'ij, napon k'a akuchi k'o-wi ri okinen richin ri tz'aq ri nusutij-ri', ri k'o pa qajbel-q'ij. Nuchop chik ri akuchi k'o-wi ri okinen rik'in ri torre richin Hananel ri k'o pa xaman, y napon k'a akuchi nipitz'-wi ri uva ri richin ri rey, ri k'o pa xokon.

Wuj Richin ri Josúe 18:24

Quefar-haamoní, Ofní y Gueba; ronojel re' e kablajuj tinamit rik'in kokoj kitinamit.

Wuj Richin ri Josúe 21:17

Ri tzobaj richin ri Benjamín xkiya' kan ri tinamit Gabaón, Gueba,

Wuj Kichin ri To'onela' 3:27

Y xaxe toq xapon, xutaqala' rubixik chi kexupux ri uk'a'; y ri achi'a' israelita ri ek'o chuwi' taq juyu' richin ri Efraín, xkimol k'a ki' rik'in, y konojel kan jari' xebeqaqa-pe, y ja rija' ri beneq chikiwech.

Wuj Kichin ri To'onela' 6:34

Jari' ri Espíritu richin ri Jehová xpe rik'in ri Gedeón richin nuya' ruchuq'a', k'ari' rija' xuxupuj ri uk'a'. Y kan jari' toq xkimol k'a ki' ri e rijatzul ri Abiézer rik'in.

1 Sam 10:5

Chirij ri', xkatapon pa tinamit Guibeá, akuchi ek'o-wi jun tzobaj aj-Filistea. Y toq xkatok chupan ri tinamit ri', xke'ak'ul jun tzobaj e q'alajirisey ruch'abel ri Dios ri e tzolejineq-pe richin xbekiya' ruq'ij ri Dios y nikiq'alajirisaj ri ruch'abel. Y chikiwech rije' e ik'owineq-pe q'ojomanela' kik'amon-pe ri kiq'ojom: Ri salterio, ri pandero, ri xul y ri arpa.

1 Sam 13:16

Ri Saúl, ri Jonatán y ri aj-labal ri ek'o kik'in, xkichop kibey y xe'apon-q'anej pa tinamit Guibeá ri k'o pa ruwach'ulew Benjamín. Jak'a ri aj-Filistea ek'o-qa chiri' pa Micmás.