1 Sam 12:9 - Kaqchiquel Bible

⁹ Jak'a rije' xa xkimestaj kan ri Jehová ri qa-Dios. Roma ri' rija' xerujech pa ruq'a' ri Sísara, jun aj-raqen kichin ri aj-labal richin ri Jabín, rey richin ri tinamit Hasor. Xerujech chuqa' pa kiq'a' ri aj-Filistea, y pa kiq'a' chuqa' ri moabita.

1 Sam 12:9 ပူးပေါင်းရင်းမြစ်များ

2 Sam 7:11

toq xenya' ri to'onela' pa kiwi'. Jak'a re wakami xtinya' uxlanen chawe chikiwech konojel ri e etzelanel awichin. Keri' chuqa' yin ninjikiba-nutzij chi ri awijatzul man xtichup ta qa.

Wuj Richin Bix Chire ri Dios 106:21

Xkimestaj k'a kan ri Dios ri nikolon kichin, ri xbanon nima'q taq banobel pan Egipto,

Wuj Richin ri Isaías 63:10

Jak'a rije' xa xkipaba-ki' chuwech, y xa xkiya' pa bis ri Loq'olej Espíritu richin rija'. Roma ri' xok kik'ulel, y kan ja rija' ri xbanon labal kik'in rije'.

Wuj Richin ri Jeremías 2:32

¿Kan numestaj kami jun xten, ri ruwi' ruxikin, ri retz'aba'l ruwi-ruq'a', ri richinaj y ronojel ri nukusaj? o ri xten ri nibek'ule' yan ¿Numestaj kami ri ruwiqobal richin ri ruk'ulubik? Jak'a rix ri nutinamit, kan k'o yan chik k'iy q'ij ri in imestan kan.

Deut 32:18

Rix winaqi' israelita xa xiya' kan ri nimalej abej ri akuchi xiwil-wi to'onik, y ja nimalej abej ri', ri xixkolon. Rix xa ximestaj kan ri Jehová ri xya'on ik'aslen.

Deut 32:30

¿Tikirel kami chi e 1,000 achi'a' chiwe rix ye'animej chuwech jun chike ri e etzelanel iwichin, o e 10,000 achi'a' chiwe rix ye'animej chikiwech e ka'i' chike rije'? Ri' xbanatej xaxe roma ri Jehová, ri abej ri itobal man xixruto' ta chik. Xa xixrujech pa kiq'a' ri e etzelanel iwichin.

Wuj Kichin ri To'onela' 10:7

Y xyakatej k'a janila royowal ri Jehová pa kiwi' ri israelita, y roma ri' xerujech pa kiq'a' ri aj-Filistea, y ri aj-Amón.

Wuj Kichin ri To'onela' 13:1

Ri israelita xa kan xkichop chik k'a rubanik ri itzel taq banobel chuwech ri Jehová; y roma ri' xek'oje' pa kiq'a' ri aj-Filistea kawineq juna'.

Wuj Kichin ri To'onela' 2:14

Roma ri' ri Jehová xpe janila royowal chikij ri e rijatzul kan ri Israel, y xerujech kan pa kiq'a' eleq'oma' ri kan xe'eleq' kik'in. Xerujech kan pa kiq'a' ri e etzelanel kichin ri ek'o chikinaqaj; y rije' man xetikir ta chik xkipaba-ki' chikiwech.

Wuj Kichin ri To'onela' 3:12

Ri israelita xkichop chik rubanik ri itzel taq banobel chuwech ri Jehová; y ri Jehová xuya' ruchuq'a' ri jun achin rubini'an Eglón rey richin Moab richin xerutz'ila' roma ri itzel taq kibanobal.

Wuj Kichin ri To'onela' 3:31

Chirij ri Ehud xyakatej chik k'a pe jun ri xerukol ri ruwinaq pa kiq'a' ri aj-Filistea; ri' ja ri Samgar, ri ruk'ajol ri Anat. Rija' xerukamisaj k'a e 600 achi'a', xaxe rik'in jun che' ri k'o ch'ich' chutza'n ri samajibel ri nukusex richin yech'ay ri wákix.

Wuj Kichin ri To'onela' 4:2

Xa roma ri' toq ri Jehová xerujech pa ruq'a' ri Jabín rey richin Canaán, ri niq'aton-tzij pa tinamit Hasor; y ri aj-raqen kichin ri aj-labal ja ri Sísara, y rija' aj pa Haróset-goím.

1 Sam 12:15

Jak'a wi rix man xtiwak'axaj ta ri ruch'abel ri Jehová y kan man xkixniman ta chire, jari' k'a toq rija' kan xtuya' ri rutojbalil-mak pan iwi' rix y pa ruwi' ri i-rey.