1 Sam 12:8 - Kaqchiquel Bible

⁸ Toqaqa k'a chi'ik'u'x toq ri Jacob y ri rijatzul xe'ok pan Egipto, y ri aj-Egipto xekiya' pa tijoj-poqonal ri qati't-qamama'. Rije' xesujun chuwech ri Jehová chire ri tijoj-poqonal ri nikiq'axaj, y roma ri' ri Jehová xuteq ri Moisés y ri Aarón richin xerelesaj-pe pan Egipto ri qati't-qamama', y xeruya' kan re wawe'.

1 Sam 12:8 ပူးပေါင်းရင်းမြစ်များ

Wuj Richin Bix Chire ri Dios 105:44

K'ari' xuya' k'a chike ri kiruwach'ulew ri ch'aqa' chik winaqi'. Ri kisamajin-qa ri winaqi' richin ch'aqa' chik tinamit jari' ri xkichinaj kan.

Ex 12:51

Keri' k'a ri rubanik toq ri Jehová xerelesaj-pe pa ruwach'ulew Egipto; kan konojel k'a ri tzobaj richin ri nimalej tinamit Israel xe'el-pe.

Ex 6:26

Jare' k'a ri Moisés y ri Aarón ri xch'on ri Dios kik'in y xubij chike chi tikelesaj ri tinamit Israel pan Egipto, y pa taq tzobaj k'a kekinuk'u' richin yekelesaj-el.

Wuj Richin ri Q'axanri'il 20:15

Rat awetaman chi ri qati't-qamama' xebe-qa k'a pan Egipto, y xojk'oje' chiri' janila k'iy juna'. Awetaman chuqa' chi ri winaqi' aj chiri' kan janila xojkiya' pa tijoj-poqonal roj, kan achi'el chuqa' xkiben-el kik'in ri qati't-qamama';

Hechos 7:15

Kere' k'a rubanik toq xxule-qa ri Jacob pan Egipto. Chiri' xken-wi rija' y ri e ruk'ajol ri e qati't-qamama' roj.

Wuj Richin ri Josúe 1:6

Kow k'a kak'oje' y man taxibij-awi', roma ja rat xkajachon ri ulew chike ri awinaq, ri ulew ri xtikichinaj kan, ri xinya' nutzij chire chi kan chike ri ite-itata' ninya-wi.

Wuj Richin ri Josúe 21:43

Kere' k'a xuben ri Jehová richin xuya' ronojel ri ruwach'ulew chike ri tinamit Israel, roma kan xuya' rutzij chike ri kite-kitata' chi kan xtuya-wi chike. Y rije' xkichinaj k'a y chiri' xek'oje-wi.

1 Sam 10:18

Y toq ek'o chik ri winaqi' chiri', xubij chike: Kere' rubin-pe ri Jehová ri qa-Dios: Yin xenwelesaj-pe ri ite-itata' chiri' pan Egipto. Xenkol-pe pa kiq'a' ri aj chiri' y pa kiq'a' konojel ri q'atbel taq tzij ri xeya'on pa tijoj-poqonal, nicha' ri qa-Dios.

1 Sam 12:6

K'ari' ri Samuel xubij chire ri tinamit: Ja ri Jehová, ri xerucha' ri Moisés y ri Aarón richin xerelesaj-pe ri qati't-qamama' pan Egipto. Y ja rija' ri xtz'eton ronojel ri xinben yin.