1 Sam 12:4 - Kaqchiquel Bible

⁴ Jak'a konojel ri winaqi' xkibij chi man jun bey rubanon keri'.

1 Sam 12:4 ပူးပေါင်းရင်းမြစ်များ

Dn 6:4

Roma ri' konojel ri aj-raqen y ri e q'atoy taq tzij, kan nikikanoj k'a rubanik richin ta nikitzeq ri Daniel chire ri rusamaj ri ya'on pan ajawaren. Jak'a xa kan man jun ri achike ta nikil chirij, roma rija' kan nuben k'a ronojel ri bin chire, y man jun etzelal nuben.

Hebreos 11:33

Konojel rije' xkikuquba' kik'u'x rik'in ri Dios, roma ri' xech'akon chikij ch'aqa' chik ruwach'ulew, pa ruchojmilal xeq'aton-tzij, xkik'ul ri xesuj chike roma ri Dios, xetikir xekikamisaj koj,

3 Juan 1:12

Konojel k'a yebin chi ri ruk'aslen ri qach'alal Demetrio, kan utz wi y keri' niq'alajin. Roj chuqa' keri' niqabij, rix iwetaman chi man niqatz'uk ta tzij.

1 Sam 12:3

Wakami k'a jare' ink'o chiwech. Tiq'alajirisaj ronojel chuwij chuwech ri Jehová y chuwech ri rey. Wi jun chiwe rix ri weleq'an ri rubóyix o ri rubur, tubij. O wi k'o jun nutz'ukun-tzij chirij o nuyoq'on ta, o wi k'o jun ri in rupuaqin, tibij-pe; y xtintzolij chire, xcha' ri Samuel chike.

1 Sam 12:5

K'ari' ri Samuel xubij: Ri Jehová jari' ri xtz'eton ronojel ri xibij rix. Wakami k'a chuqa' ri rey xutz'et ronojel chuwij yin chi rix man jun itzel xiwil ta chuwij chupan re q'ij re', xcha'. Y konojel ri winaqi' xkibij chi kan keri' wi.