1 Sam 12:19 - Kaqchiquel Bible

¹⁹ K'ari' konojel ri winaqi' xkibij chire ri Samuel: Tabana' utzil kach'on rik'in ri Jehová ri qa-Dios pa qawi' roj ri oj rusamajel richin chi man yojken ta, roma pa ruwi' ronojel ri mak ri qabanon kan xqaben chik re jun mak re', xecha'.

1 Sam 12:19 ပူးပေါင်းရင်းမြစ်များ

Ex 9:28

Kixch'on k'a rik'in ri Jehová pa qawi' roj, roma xa man niqajo' ta chik koqolajay ni saqboch. Yin xa man ninwajo' ta chik yixk'oje-qa wawe', xcha' ri rey chike.

1 Juan 5:16

Wi xitz'et chi k'o jun qach'alal nimakun, y rija' man ruk'amon ta chi niken, tik'utuj k'a chire ri Dios chi nukol chuwech ri kamik. Jak'a wi nuben jun mak ri kan ruk'amon chi niken, rix man tik'utuj chire ri Dios chi man nrelesaj ta ri ruk'aslen.

1 Sam 12:23

Roma ri', kan nej ta k'a k'o chuwe yin chi xkimakun chuwech ri Jehová, richin man yich'on ta pan iwi' rix rik'in ri Jehová. Yin xa kan xkixintijoj k'a chupan ri choj laj bey.

Ex 10:17

Xa rik'in ta chik re jun bey re' nikuy ta numak, y tik'utuj chire ri Jehová ri i-Dios chi trelesaj pa nuwi' re jun nima-ruk'ayewal re', roma re' xa kan richin kamik, xcha'.

Santiago 5:15

Y rik'in ronojel kik'u'x yech'on rik'in ri Dios, richin nik'achoj ri yawa'. Y wi k'o mak rubanon ri yawa' ri', man xaxe ta k'a nik'achoj, xa kan nikuyutej chuqa' ri rumak.

Hechos 8:24

Jak'a ri Simón xubij k'a chike ri Pedro y ri Juan: Kixch'on rik'in ri Dios woma yin, y tik'utuj chire richin man k'a tink'uluwachij ri achi'el ri xibij-qa chuwij, xcha'.

Wuj Richin ri Malaquías 1:9

Tik'utuj k'a utzil chuwe yin Jehová ri in k'iytisanel richin ronojel chi tinjoyowaj iwech. Jak'a wi rix ye'isuj ri chikopi' ri' chinuwech yin, man tiwoyobej chi yin nink'ul chiwech rik'in kikoten.

Wuj Richin ri Jeremías 15:1

Ri Jehová xubij chuwe: Stape' kan ja ta ri ánima Moisés y ri ánima Samuel xkepe wawe' richin nokik'utuj utzil chuwe richin chi xtinjoyowaj ta kiwech re winaqi' re', yin kan man xkento' ta. Tabij chike ri awinaq chi ke'el-el chinuwech yin y kan kebiyin nej.

Wuj Richin ri Isaías 26:16

Toq xe'aya' ri qawinaq pa tijoj-poqonal, xatkikanoj k'a, y xech'on k'a awik'in

Wuj Richin ri Achin Job 42:8

Roma ri' wakami, rix tik'uaj k'a wuqu' nima-alaj achija' taq wákix y wuqu' achija' taq karne'l y kixbiyin k'a rik'in ri nusamajel Job, y tibesuju' poron chikopi' roma ri imak. K'ari' ri nusamajel Job xtich'on wik'in yin pan iwi' rix; y yin kan xtinwak'axaj k'a ri ruch'abel rija'. Richin keri' man jun ruk'ayewal xtinya' pan iwi', stape' kan ruk'amon ta ninya' rutojbalil ri imak, roma man qitzij ta ri xibij chuwij yin, rix kan man xiben ta achi'el xuben ri Job, ri nusamajel.

1 Sam 7:8

Jari' toq xkibij chire ri Samuel: Tabana' utzil, man katane' chuk'utuxik chire ri Jehová ri qa-Dios richin yojrukol pa kiq'a' ri aj-Filistea, xecha'.

1 Sam 7:5

Y ri Samuel xuteq koyoxik konojel ri israelita richin tikimolo-ki' pa tinamit Mispá y rija' xkerujech pa ruq'a' ri Jehová.

Wuj Richin ri Rutikeribel 20:7

Wakami k'a tatzolij-el ri ixoq chire ri Abraham, ri rachijil y roma rija' jun q'alajirisey ri nuch'abel yin, kan xtuk'utuj chuwe yin pan awi' rat. Jak'a wi man xtatzolij ta xkaken rat y konojel ri winaqi' ri ek'o chupan ri aruwach'ulew, xcha'.

Wuj Richin ri Q'axanri'il 21:7

Roma ri' ri winaqi' xebe k'a rik'in ri Moisés y xkibij k'a chire: Roj kan xojmakun-wi k'a, roma itzel xojch'on chirij ri Jehová y chawij rat. Tabana' utzil kach'on rik'in ri Jehová y tak'utuj utzil chi kerelesaj-el re kumatzi' chiqakojol, xecha'. Y ri Moisés kan xch'on-wi k'a rik'in ri Dios pa kiwi' rije'.

1 Sam 12:13

Wakami ja k'a i-rey re' ri xicha' rix. Ri Jehová kan xuya' k'a chiwe ri i-rey ri xik'utuj chuwe.

1 Sam 12:17

Wakami jare' ri q'ij richin nik'ol ri itiko'n richin ri trigo, jak'a yin xkich'on rik'in ri Jehová, richin nuteq-pe koqolajay y job richin xtinabej y xtitz'et chi kan janila nim ri imak ri xiben chuwech ri Jehová, chi xik'utuj jun rey, xcha' ri Samuel.

1 Sam 12:20

Ri Samuel xubij chike: Man tixibij-iwi', kan qitzij wi chi rix xiben re mak re', xaxe k'a ninbij chiwe chi man k'a timalij kan ri Jehová, xa kan tisamajij k'a rik'in ronojel iwánima.

Wuj Richin ri Achin Job 37:13

K'o jujun bey ri Dios nuk'en-pe ri sutz' ri ruk'amon-pe job, richin nuya' ruk'ayewal pa kiwi' ri winaqi', k'o bey richin nuya'aj re ruwach'ulew, richin nuk'ut ajowabel chikiwech ri winaqi'.

Wuj Richin ri Jeremías 27:18

Wi rije' kan e q'alajirisey ruch'abel ri Jehová y wi kan qitzij chi ja ri Jehová biyon chike, k'o chi nikik'utuj utzil chire ri Jehová ri k'o ronojel uchuq'a' pa ruq'a', richin chi man nuya' ta q'ij richin ye'uk'uex-el pa Babilonia ri ch'aqa' chik samajibel ri k'a ek'o na kan pa rachoch y ri ek'o na kan pa rachoch ri rey.

Wuj Richin ri Jeremías 42:2

wik'in yin Jeremías y xkibij chuwe: Niqak'utuj utzil chawe, kach'on rik'in ri Jehová ri qa-Dios pa qavi' roj, ri xojkolotej kan, roma re wakami xa oj ka'i-oxi' chik ok, y ri rubanon-pe janila oj k'iy.

Ex 32:30

Ri jun chik q'ij ri Moisés xubij chike ri ch'aqa' chik ruwinaq: Rix kan jun nimalej mak ri xiben. Wakami k'a xkijote-q'anej pa ruwi' ri juyu' rik'in ri Jehová y xtink'utuj utzil chire richin xtukuy ta ri imak, xcha' ri Moisés.

1 Sam 8:6

Jak'a ri Samuel man xqa' ta chuwech toq xrak'axaj ri xkibij chire chi tukanoj jun ki-rey y roma ri' rija' xch'on rik'in ri Jehová.

Wuj Richin ri Jeremías 37:3

Y ri rey Sedequías xuteq-el ri Jucal ruk'ajol ri Selemías y ri sacerdote Sofonías ruk'ajol ri Maaseías, richin chi nikibij chuwe chi tinbana' utzil richin yich'on rik'in ri Jehová ri qa-Dios koma rije'.