1 Sam 12:17 - Kaqchiquel Bible

¹⁷ Wakami jare' ri q'ij richin nik'ol ri itiko'n richin ri trigo, jak'a yin xkich'on rik'in ri Jehová, richin nuteq-pe koqolajay y job richin xtinabej y xtitz'et chi kan janila nim ri imak ri xiben chuwech ri Jehová, chi xik'utuj jun rey, xcha' ri Samuel.

1 Sam 12:17 ပူးပေါင်းရင်းမြစ်များ

Wuj Richin Bix Chire ri Dios 99:6

Ri Moisés y ri Aarón kan jeri' ri xe'ok ru-sacerdote, Ri Samuel jari' ri nich'on pa kiwi' ri winaqi' rik'in rija'. Rije' kan xech'on k'a rik'in ri Jehová, y rija' kan xerak'axaj k'a pe.

Ex 32:30

Ri jun chik q'ij ri Moisés xubij chike ri ch'aqa' chik ruwinaq: Rix kan jun nimalej mak ri xiben. Wakami k'a xkijote-q'anej pa ruwi' ri juyu' rik'in ri Jehová y xtink'utuj utzil chire richin xtukuy ta ri imak, xcha' ri Moisés.

Wuj Richin Etamabel-Tzij 26:1

Kan man ruk'amon ta chi niqaqa pimilej-tew y xa man ruq'ijul ta, ni chuqa' chi nuben job toq nik'ol kiwech ri tiko'n; keri' jun wineq ri maneq runa'oj, kan man ruk'amon ta chi niya'ox ta ruq'ij koma ri winaqi'.

Wuj Richin ri Jeremías 15:1

Ri Jehová xubij chuwe: Stape' kan ja ta ri ánima Moisés y ri ánima Samuel xkepe wawe' richin nokik'utuj utzil chuwe richin chi xtinjoyowaj ta kiwech re winaqi' re', yin kan man xkento' ta. Tabij chike ri awinaq chi ke'el-el chinuwech yin y kan kebiyin nej.

Wuj Richin ri Josúe 10:12

Chupan k'a ri q'ij ri' ri Jehová xerujech ri amorreo pa kiq'a' ri israelita. Jari' toq ri Josué xch'on rik'in ri Jehová chikiwech ri ruwinaq, y xubij: Rat q'ij, kapa'e' pa ruwi' ri tinamit Gabaón y rat ik', kapa'e' pa ruwi' ri taq'aj kojol juyu' richin Aialón.

1 Sam 12:13

Wakami ja k'a i-rey re' ri xicha' rix. Ri Jehová kan xuya' k'a chiwe ri i-rey ri xik'utuj chuwe.

1 Sam 12:19

K'ari' konojel ri winaqi' xkibij chire ri Samuel: Tabana' utzil kach'on rik'in ri Jehová ri qa-Dios pa qawi' roj ri oj rusamajel richin chi man yojken ta, roma pa ruwi' ronojel ri mak ri qabanon kan xqaben chik re jun mak re', xecha'.

1 Sam 2:10

Ri Jehová xkeruk'is ri etzelanel richin, kan xtuteq-pe koqolajay pa kiwi'. Ja ri Jehová xtiq'aton-tzij pa ruwi' chijun ruwach'ulew y xtuya' uchuq'a' pa ruq'a' ri rey ri rucha'on y xtinimirisex ri ruq'ij, xcha'.

1 Sam 7:5

Y ri Samuel xuteq koyoxik konojel ri israelita richin tikimolo-ki' pa tinamit Mispá y rija' xkerujech pa ruq'a' ri Jehová.

1 Sam 8:6

Jak'a ri Samuel man xqa' ta chuwech toq xrak'axaj ri xkibij chire chi tukanoj jun ki-rey y roma ri' rija' xch'on rik'in ri Jehová.

1 Sam 8:7

Y ri Jehová xubij k'a chire: Tanimaj kitzij ri tinamit rik'in ronojel ri nikibij chawe, roma man ja ta rat ri yatkimalij kan, xa ja yin ri yinkimalij kan richin man ninq'et ta chik tzij pa kiwi'.