1 Sam 12:15 - Kaqchiquel Bible

¹⁵ Jak'a wi rix man xtiwak'axaj ta ri ruch'abel ri Jehová y kan man xkixniman ta chire, jari' k'a toq rija' kan xtuya' ri rutojbalil-mak pan iwi' rix y pa ruwi' ri i-rey.

1 Sam 12:15 ပူးပေါင်းရင်းမြစ်များ

Wuj Richin ri Josúe 24:20

Wi niya' kan ri Jehová y nisamajij jun chik dios ri man ja ta qa-Dios roj, rija' xtuya' ri ruk'ayewal pan iwi' y xkixruk'is, stape' kan jebel rubanon chiwe, xcha'.

Wuj Richin ri Isaías 1:20

Jak'a wi man xtiwajo' ta xtinimaj nutzij, xa xkixkamisex k'a chi espada, roma ja yin Jehová ri yibin.

Wuj Richin ri Isaías 3:11

Jak'a toq'ex kiwech ri winaqi' ri maneq Dios chikiwech, roma ronojel man utz ta xtel chikiwech; roma achi'el ri kibanobal, keri' ri rutojbalil ri xtikik'ul.

1 Sam 12:9

Jak'a rije' xa xkimestaj kan ri Jehová ri qa-Dios. Roma ri' rija' xerujech pa ruq'a' ri Sísara, jun aj-raqen kichin ri aj-labal richin ri Jabín, rey richin ri tinamit Hasor. Xerujech chuqa' pa kiq'a' ri aj-Filistea, y pa kiq'a' chuqa' ri moabita.

1 Sam 5:9

Y toq kiq'axan chik pe pa Gat, ri Jehová xuya' pa poqon ri tinamit ri'. Xuya' sipojik chike ri kan k'o rujeleb, richin nikiq'axaj ri ruk'ayewal. Y ri yabil ri' xeruchop chi ch'uti'q chi nima'q.

Wuj Richin ri K'uxla'anik 1:18

Rat Jehová kan pa ruchojmilal ri xaben. Roj kan xqapaba-qi' chuwech ri ach'abel. Y rix winaqi' tiwak'axaj k'a, chi qonojel roj niqatej poqon. Konojel k'a ri qalk'ual, chi xtani', chi alaboni' xe'uk'uex-el pa ximonri'il.

Deut 31:27

Roma yin kan wetaman chi kan ix jun tinamit ri man yixniman ta tzij y kan janila kow ri iwánima. Wakami xiben ronojel re' chuwech ri Jehová y xa k'a in k'es na iwik'in. ¿Achike ta k'a ri man ta xtiben toq in kamineq chik?

Wuj Kichin ri To'onela' 2:15

Y xabakuchi k'a yebe-wi pan oyowal, ri Jehová man xeruto' ta y kan xuben chike chi nikitej poqon; achi'el rubin rija' chike, y kan rujikiban chi keri' nuben; y kan janila k'a xepoqonatej.

2 Crón 15:2

y roma ri' xberuk'ulu' k'a el ri Asá, y xubij chire: Rey Asá, kinawak'axaj k'a rat, y konojel ri winaqi' ri ek'o chupan ri awajawaren: Ri Jehová kan k'o-wi iwik'in rix, wi rix ixk'o rik'in rija'; y wi rix nikanoj, kan xtiwil; jak'a wi rix xa xtimalij kan rija', rija' chuqa' kan xkixrumalij kan.