1 Sam 12:14 - Kaqchiquel Bible

¹⁴ Kan iwik'in k'a rix y ri rey nik'oje-wi kan: Wi nik'oje' rukiy ri Jehová chiwech, wi xtisamajij, wi xtiwak'axaj ri ruch'abel y wi kan xkixok nimey-tzij richin ri ruch'abel ri Jehová.

1 Sam 12:14 ပူးပေါင်းရင်းမြစ်များ

2 Crón 15:2

y roma ri' xberuk'ulu' k'a el ri Asá, y xubij chire: Rey Asá, kinawak'axaj k'a rat, y konojel ri winaqi' ri ek'o chupan ri awajawaren: Ri Jehová kan k'o-wi iwik'in rix, wi rix ixk'o rik'in rija'; y wi rix nikanoj, kan xtiwil; jak'a wi rix xa xtimalij kan rija', rija' chuqa' kan xkixrumalij kan.

Wuj Richin Bix Chire ri Dios 105:28

Xuteq k'a pe jun nimalej q'equ'm pa ruwi' chijun ri ruwach'ulew, jak'a ri aj chiri' xa kan man xkinimaj ta rutzij ri Jehová.

Wuj Richin ri Isaías 3:10

Tibij k'a chike ri choj kik'aslen chi kan utz xkebe, roma kan xtikitej ruwech ri kitiko'n.

Wuj Richin ri K'uxla'anik 1:18

Rat Jehová kan pa ruchojmilal ri xaben. Roj kan xqapaba-qi' chuwech ri ach'abel. Y rix winaqi' tiwak'axaj k'a, chi qonojel roj niqatej poqon. Konojel k'a ri qalk'ual, chi xtani', chi alaboni' xe'uk'uex-el pa ximonri'il.

Romanos 2:7

Jak'a kan ek'o winaqi' ri man yetane' ta richin nikiben ri utz. Rije' nikajo' chi ri Dios nuben chike chi nik'oje' kiq'ij y kik'aslen ri man k'isel ta. Y chike rije' ri Dios kan xtuya' ri k'aslen richin tibe-q'ij tibe-seq.

Deut 13:5

Jak'a ri wineq ri nubij chi q'alajirisey ruch'abel ri Dios o k'o ri yerachik'ala' y xa man keri' ta, kan k'o chi nikamisaj, roma xa yixrutaqchi'ij richin nipaba-iwi' chuwech ri Jehová ri qa-Dios ri xojelesan-pe pan Egipto ri akuchi xixxime' pa samaj. Rija' xaxe k'a nrajo' yixruch'er kan chire ri bey ri rubin ri Jehová ri qa-Dios chi nitzeqelibej. Jun wineq keri' kan tikamisex richin tik'is-el ri etzelal chi'ikojol.

Wuj Richin ri Josúe 24:14

Wakami k'a kan tiqasaj-iwi' chuwech ri Jehová y kan xaxe rija' tisamajij rik'in ch'ajch'ojil y tz'aqetri'il; tiwelesaj chi'ikojol ri ch'aqa' chik dios, ri xkisamajij ojer kan ri qate-qatata' ri juk'an chik chire ri raqen-ya' Éufrates y ri chiri' pan Egipto. Kan ja k'a ri Jehová tisamajij.

Wuj Richin ri Josúe 24:20

Wi niya' kan ri Jehová y nisamajij jun chik dios ri man ja ta qa-Dios roj, rija' xtuya' ri ruk'ayewal pan iwi' y xkixruk'is, stape' kan jebel rubanon chiwe, xcha'.