1 Sam 11:7 - Kaqchiquel Bible

⁷ Y xeruchop e ka'i' bóyix y xeruk'ajij. K'ari' xeroyoj jujun chike ri e uk'uey bey richin xuya' jujun ch'ap chike. Y xubij-el chike chi keq'ax chijun ruwach'ulew Israel, y tikibij chi kere' xtiban chike ri kibóyix ri man xkekitzeqelibej ta el ri Saúl y ri Samuel. Toq xkak'axaj re', konojel k'a ri winaqi' xkik'en rukiy ri Jehová, y kan konojel k'a xebe chikij ri Saúl y ri Samuel, y xa jun xkiben-el konojel.

1 Sam 11:7 ပူးပေါင်းရင်းမြစ်များ

Wuj Kichin ri To'onela' 19:29

Y toq xapon chirachoch, xberuk'ama' k'a pe jun qupibel, y xuk'ajij ri ru-concubina y ja ri akuchi e rutunulun-wi-ri' ri rubaqil, chiri' xeruch'arala-wi richin xuben kablajuj peraj chire. Y xerutaqala' k'a jujun peraj chike ri ch'aqa' chik tzobaj chupan chijun tinamit Israel.

Wuj Kichin ri To'onela' 20:1

Jari' k'a xe'el-pe ri achi'a' ri e richin ri ch'aqa' chik tzobaj richin niban jun molojri'il pa tinamit Mispá chuwech ri Jehová. Xkimol k'a ki' y xa jun xkiben, xtiker-pe pa Dan ri k'o pa xaman, k'a pa Beerseba ri k'o pa xokon, y konojel ri achi'a' ri ek'o juk'an chik chire ri raqen-ya' Jordán.

2 Crón 17:10

Ri Jehová xuben k'a chi konojel ri q'atbel-tzij richin ri ruwach'ulew ri ek'o chunaqaj ri Judá xqaqa jun nimalej xibinri'il pa kiwi', y keri' kan man xetikir ta chik xkiben oyowal rik'in ri Josafat.

2 Crón 14:14

Chuqa' xekich'ek kan ri ch'aqa' chik tinamit ri ek'o chunaqaj ri Guerar, roma ri nimalej xibinri'il richin ri Jehová xqaqa pa kiwi'. Ri aj-Judá xekik'is k'a kan konojel winaqi' kichin ri tinamit ri', y xkik'en-pe ronojel ri k'o rejqalen ri k'o kik'in, roma chiri' janila beyomel k'o.

Wuj Richin ri Rutikeribel 35:5

Y rije' xe'el k'a el chiri', y ri Dios xuben chike ri winaqi' ri ek'o chiri' chi xqaqa jun nimalej xibinri'il pa kiwi', y jari' ri xbanon chike chi man xeyakatej ta el chikij.

2 Crón 19:7

Tik'oje' rukiy ri Jehová ri qa-Dios chiwech y titz'eta' jebel ri ye'iben, roma rija' man utz ta nutz'et ri man pa ruchojmilal ta ye'iben, chuqa' chi man junan ta niben kik'in ri winaqi' y toq yepuaqix ri q'atoy taq tzij.

Wuj Richin ri Isaías 8:13

Kan xaxe yin Jehová ri k'iytisanel richin ronojel, tabana' chuwe chi yin in loq'olej. Kan xaxe yin ri k'o nuq'ij y wejqalen, y kan chinuwech k'a yin taxibij-awi'.