1 Sam 11:4 - Kaqchiquel Bible

⁴ Xe'apon k'a ri achi'a' ri e uk'uey bey chiri' pa Guibeá, rutinamit ri Saúl. Xkibij k'a ronojel ri ch'abel ri bin chike, y jari' toq konojel winaqi' richin ri tinamit xkichop oq'ej.

1 Sam 11:4 ပူးပေါင်းရင်းမြစ်များ

Wuj Richin ri Rutikeribel 27:38

Y ri Esaú kan xutej ruq'ij chuk'utuxik chire ri rutata' y xubij chire: ¿Kan man jun chik urtisanik xk'oje' kan awik'in? ¡Taya' urtisanik chuqa' pa nuwi' yin!, xcha'. Y rija' xsik'in-q'anej chi oq'ej jun bey chik.

2 Sam 21:6

Jak'a re wakami wi rat qitzij chi nawajo' yojato', ke'ajacha' k'a pe chiqe e wuqu' chike ri e rijatzul kan ri Saúl, ri xcha'ox roma ri Jehová, richin xkeqatzeqeba' chuwech ri Jehová chiri' pa Guibeá ri rutinamit ri Saúl, xecha'. Y ri David xubij chi kan xkerujech k'a chike.

1 Crón 12:3

Ri k'o más ruq'ij ja ri Ahiézer; chirij rija' ja ri Joás, ruk'ajol ri Semaá aj-Guibeá; ri Jeziel, ruk'ajol ri Azmávet; ri Pélet, ruk'ajol chuqa' ri Azmávet; ri Beracá aj-Anatot; ri Jehú chuqa' aj-Anatot;

Romanos 12:15

Kixkikot kik'in ri yekikot, y kixoq' kik'in ri ye'oq'.

1 Corintios 12:26

Roma ri' wi k'o jun ri niq'axo, yixq'axon chi'iwonojel; y wi k'o jun ri ninimirisex ruq'ij, yixkikot chi'iwonojel.

Gálatas 6:2

Kan titola' k'a iwi' chiwech rix. Y rik'in ri', kan niben-wi k'a ri nubij ri pixa' richin ri Cristo.

Hebreos 13:3

Y man ke'imestaj ri ek'o pa taq cárcel. Tina' k'a ri q'axo'n pan iwánima, achi'el ta kan ja rix ri ix tz'apen. Y chuqa' man ke'imestaj ri ek'o pa tijoj-poqonal. Xa kan tina' chi achi'el kan ja rix ri ixk'o chupan ri q'axo'n ri'.

Wuj Kichin ri To'onela' 2:4

Toq ri ángel richin ri Jehová xubij ronojel re' chike ri e rijatzul ri Israel, jari' toq xesik'in-q'anej chi oq'ej.

Wuj Kichin ri To'onela' 20:23

roma rije' kan xejote' k'a q'anej pa rachoch ri Jehová ri jun q'ij kan y chijun q'ij xe'oq' chuwech k'a toq xok na pe ri aq'a'. Rije' xkik'utuj k'a chire ri Jehová wi utz yebe chik jun bey richin nibekibana' oyowal kik'in ri aj-Benjamín, ri e kach'alal. Y ri Jehová kan xubij k'a chi utz yeyakatej chik el chikij.

Wuj Kichin ri To'onela' 20:26

Y roma ri' konojel ri aj-labal israelita y konojel ri winaqi' xebe chik jun bey pa rachoch ri Jehová, y xetz'uye' y xe'oq' chuwech, y man xewa' ta ri jun q'ij ri' k'a toq xok na ri aq'a'; y xkisuj kamelabel ri niporox chijun y chuqa' xkisuj sipanik richin nikiq'alajirisaj chi junan kiwech rik'in rija'.

Wuj Kichin ri To'onela' 21:2

Chirij ri oyowal ri xbanatej, ri israelita xkimol k'a ki' chiri' akuchi k'o-wi ri rachoch ri Jehová y xek'oje' chiri' chuwech k'a toq xok na ri aq'a', y kan janila k'a xe'oq' y xkibij:

1 Sam 10:26

K'ari' xeruteq-el ri winaqi', y chikijujunal xebe pa taq kachoch. Y ri Saúl chuqa' xbe pa rachoch pa Guibeá e rachibilan-el ri aj-labal. Y ri achi'a' ri' kan ja ri Dios ri xsilon-el kánima richin xebe chirij ri Saúl.

1 Sam 14:2

Jak'a ri Saúl k'o chunaqaj ri tinamit Guibeá chuxe' jun che' granado, ri akuchi nich'ay-wi trigo, y e rachibilan ri e 600 achi'a'.

1 Sam 15:34

Chirij ri' ri Samuel xbe pa Ramá, y ri Saúl xtzolin-el pa rachoch chiri' pa Guibeá.

1 Sam 30:4

Ri David y konojel ri achi'a' ri e beneq rik'in, kan janila xesik'in y xe'oq' y kan xk'is k'a kuchuq'a' roma oq'ej.