1 Sam 11:11 - Kaqchiquel Bible

¹¹ Ri jun chik q'ij, ri Saúl xeruch'er ri ruwinaq pan oxi' tzobaj. Nimaq'a' yan xe'ok pa runik'ajal ri akuchi ek'o-wi-qa ri e etzelanel kichin, y chiri' xkiben-wi labal. Y toq xmeq'e-pe ri q'ij, ri amonita xech'akatej yan. Y ri xekolotej kan xa xkitaluj k'a el ki', y kan man jun chik k'a xk'oje' kan chiri'.

1 Sam 11:11 ပူးပေါင်းရင်းမြစ်များ

Wuj Kichin ri To'onela' 7:16

Y kan xeruch'er ri ruwinaq pan oxi' tzobaj, e wok'al winaqi' pa jujun tzobaj, y chike chikijujunal xuya' jujun xupubel banon rik'in uk'a' y jujun antorcha ri kitz'apelon-el ruwi' kik'in bojo'y.

Santiago 2:13

Roma wi man xtijoyowaj ta kiwech ri ch'aqa' chik winaqi', ri Dios man xtujoyowaj ta chuqa' iwech rix chupan ri q'ij toq xtuq'et-tzij. Jak'a wi xtijoyowaj kiwech ri ch'aqa' chik, xkixch'akon, roma ri Dios chuqa' xtujoyowaj iwech rix chupan ri q'ij ri'.

San Mateo 7:2

Kan achi'el wi k'a rubanik ri niben rix chike ri winaqi', keri' chuqa' xtiban chiwe rix. Janipe' chi ch'owen ri xtiben chikij, ja chuqa' ri' ri xtiban chiwij rix.

Wuj Richin Bix Chire ri Dios 46:1

Ri Dios jari' ri quchuq'a' y rik'in rija' niqato-wi-qi'. Toq k'o ruk'ayewal kan chi'anin k'a yojruto'.

1 Sam 11:2

Y ri Nahas xubij: Kan xtijunamatej k'a qawech wi xtiben ri xtinbij chiwe yin, chi chi'iwonojel ninwelesaj-el ri runaq' taq iwech ri k'o pan iwijkiq'a' y keri' xkenk'ixbisaj ri iwinaq, xcha'.

Wuj Kichin ri To'onela' 9:43

y rija' xerumol k'a ri ruwinaq y xeruch'er pa oxi' tzobaj, y xuya' k'a pikbel pa taq juyu'. Y toq xekitz'et chi ri aj-Siquem xebe'el-pe pa tinamit, jari' toq xebe'el-pe akuchi kewan-wi-ki' y xekichop k'a chi oyowal.

Wuj Kichin ri To'onela' 4:16

Y ri aj-labal y ri achi'a' ri e beneq pa carruaje xe'animej k'a, y ri Barac y ri achi'a' ri e rachibilan-el xekitzeqelibej-el k'a pa Haróset-goím. Konojel aj-labal richin ri Sísara xekamisex chi espada, y kan man jun k'a ri xkolotej kan.

Wuj Kichin ri To'onela' 1:7

Y ri Adonisédec xubij: Nabey yin xintzak'ij ri nima'q rupan ruwi-kiq'a' y ri nima'q rupan ruwi-kaqen ri oxk'al lajuj rey, y k'ari' xinqasaj kiq'ij y xinben chike chi xkimol ri ruk'aj kaxlan-wey chuxe' ri nu-mesa. Jak'a re wakami, kan achi'el k'a ri xinben yin, keri' xuben chuwe ri i-Dios, xcha'. Y rija' chiri' k'a pa Jerusalem xuk'uex-wi y chiri' xken-wi.

Ex 14:24

Y xk'uluwachitej k'a, chi toq k'a jukumaj na chire ri q'ij ri', ri Jehová xerutzu-pe ri aj-labal richin Egipto y xuben chike chi xsach kik'u'x. Ri Jehová kan chupan k'a ri sutz' y ri q'aq' ri' beneq-wi.

Wuj Richin ri Rutikeribel 22:14

Y ri Abraham xuya' k'a kan rubi' ri juyu' ri' y xubini'aj: Ja ri Jehová Niya'on ri Nik'atzin. Y xa roma ri' ri winaqi' nikibij: Pa ruwi' ri juyu' ri rubini'an Jehová Niya'on ri K'atzinel.

Wuj Kichin ri To'onela' 7:20

Y ri ch'aqa' chik kan nikixupuj chuqa' ri xupubel y xkipaxij ri bojo'y rokik kichapon ri antorcha rik'in ri kajxokon y ri xupubel ri kik'uan pa kijkiq'a', nikireq kichi' y nikibij: ¡Ri Jehová k'o qik'in! ¡Ri Gedeón k'o qik'in!, xecha'.

2 Sam 18:2

Jun tzobaj xk'oje' pa ruq'a' ri Joab. Jun chik tzobaj xk'oje' pa ruq'a' ri Abisai ri rach'alal. Y ri jun chik tzobaj xuya' pa ruq'a' ri Itai aj-Gat. Y k'ari' ri rey xubij chike ri winaqi' chi rija' chuqa' nibe kik'in pan oyowal.

1 Sam 14:47

Keri' ri Saúl xok kan chupan ri q'atbel-tzij chiri' pan Israel. Kan xuben k'a oyowal kik'in ri etzelanel richin ri ek'o chunaqaj: Ri aj-Moab, ri aj-Amón, ri aj-Edom, ri aj-Sobá y ri aj-Filistea. Y xabakuchi beneq-wi richin nuben oyowal kan nich'akon-wi.