1 Sam 11:1 - Kaqchiquel Bible

¹ Chirij ri', toq xik'o yan la'eq jun ik', jari' toq ri Nahas rey kichin ri amonita xuchop nuben labal kik'in ri aj-Jabés richin ri Galaad, y konojel ri aj-Jabés xkibij chire ri Nahas chi tijunamatej-kiwech kik'in y xke'ok rusamajela'.

1 Sam 11:1 ပူးပေါင်းရင်းမြစ်များ

1 Sam 12:12

Jak'a toq xitz'et chi ri Nahas ri rey kichin ri amonita xyakatej-pe richin nuben labal iwik'in, jari' toq xibij rix chi niwajo' jun i-rey richin nuq'et-tzij pan iwi', stape' ri rubanon-pe kan ja ri Jehová ri qa-Dios, jari' ri qa-rey roj.

Ez 17:13

Xeri' xpe chik jun bey ri rey richin Babilonia y xuchop jun chike ri rijatzul kan ri rey y xuben k'a jun jikibel-tzij rik'in, richin nuq'et-tzij ri chiri'. K'ari' rija' xeruk'uaj-el ri ch'aqa' chik winaqi' ri k'o más kejqalen,

1 Rey 20:34

Jari' toq ri Ben-hadad xubij chire ri Acab chi xkerutzolij ri tinamit ri e rumajon kan ri rutata' rija' chire ri rutata' ri Acab. Y ri Ben-hadad xuya' q'ij chire ri Acab chi kerubana' jay richin k'ayij pa tinamit Damasco achi'el xuben ri rutata' rija' ri chiri' pa Samaria. Y ri Acab xubij chire chi wi keri', rija' kan xtuya' k'a el q'ij chire richin nitzolej pa Damasco. Y keri' ri Acab xuben k'a jun jikibel-tzij rik'in ri Ben-hadad, y xuya-el q'ij chire richin xbe.

Wuj Kichin ri To'onela' 21:8

Y xkik'utuj k'a chi wi k'o jun tinamit chikikojol ri tzobaj richin Israel ri man xjote' ta q'anej chuwech ri Jehová chiri' pa Mispá toq xban ri nabey molojri'il. Y xkinabej k'a chi ri aj-Jabés richin Galaad man xe'apon ta chupan ri molojri'il ri',

Wuj Richin ri Rutikeribel 26:28

Y rije' xkibij: Xqatz'et yan chi ri Jehová kan k'o-wi awik'in y qach'obon-pe chi tijunamatej-qawech y tiqabana' jun jikibel-tzij.

Wuj Richin ri Achin Job 41:4

¿Xtubij kami chawe chi nuya' rutzij, chi rija' kan xkarusamajij chupan chijun ri ruk'aslen?

Ex 23:32

Man tiben chi nijunamatej-iwech kik'in ri winaqi', rik'in jikibel-tzij y man tik'en kiwech ri ki-dios.

Wuj Richin ri Isaías 36:16

Man tiwak'axaj ri Ezequías. Más utz tiwak'axaj ri nu-rey, y tijunamatej-iwech rik'in, y kan tijacha-iwi'. Y wi keri' xtiben, chi'ijujunal rix kan xtiqum ri vino ri nel-pe pan itiko'n rix; kan xtiwux ruwech ri iwíkix; y chuqa' kan xtiqum ri iya' chupan ri i-pozo,

Wuj Kichin ri To'onela' 10:7

Y xyakatej k'a janila royowal ri Jehová pa kiwi' ri israelita, y roma ri' xerujech pa kiq'a' ri aj-Filistea, y ri aj-Amón.

Deut 23:3

Ri e rijatzul ri Amón y ri e rijatzul ri Moab man jun bey tik'an kiwech chupan ri molojri'il richin ri Jehová, ni ta chirij ri lajuj sol winaqi' chike ri kijatzul;

1 Sam 14:47

Keri' ri Saúl xok kan chupan ri q'atbel-tzij chiri' pan Israel. Kan xuben k'a oyowal kik'in ri etzelanel richin ri ek'o chunaqaj: Ri aj-Moab, ri aj-Amón, ri aj-Edom, ri aj-Sobá y ri aj-Filistea. Y xabakuchi beneq-wi richin nuben oyowal kan nich'akon-wi.

2 Sam 10:1

Chirij k'a ronojel re' xken ri Nahas, ri ki-rey ri amonita y pa ruk'exel rija' xk'oje' kan ri ruk'ajol rubini'an Hanún.

2 Sam 10:2

K'ari' ri David xuch'ob chi xtujoyowaj ruwech ri Hanún, achi'el xuben rik'in ri rutata'. Y xeruteq k'a el ka'i-oxi' tata'al richin nibekikuquba' ruk'u'x roma xken ri rutata'. Jak'a toq xe'apon pa kiruwach'ulew ri amonita,

2 Sam 17:27

Y toq ri David xapon pa Mahanaim, xe'apon k'a rik'in e oxi' achi'a' ri e peteneq pa kitinamit. Ri jun rubini'an Sobí ruk'ajol ri Nahas, ri peteneq pa Rabá ri pa ruwach'ulew Amón. Ri jun chik rubini'an Maquir ruk'ajol ri Amiel, ri peteneq pa tinamit Lodebar. Y ri jun chik rubini'an Barzilai ri peteneq pa tinamit Roguelim ri k'o pa ruwach'ulew Galaad.

Wuj Richin ri Jeremías 40:11

Toq ri aj-Babilonia kichapon oyowal, jari' toq ch'aqa' chike ri winaqi' aj-Judá xe'animej-el. Jujun chike rije' xebe pa ruwach'ulew Moab, ri Amón y ri Edom. Y toq xkak'axaj chi ri rey richin Babilonia xeruya' kan jujun winaqi' pa Judá y ja ri Guedalías ri xk'oje' kan pa kiwi', jari' toq

Wuj Richin ri Jeremías 40:14

Y xkibij k'a chire: ¿Man awetaman ta k'a chi ri Baalís rey pa kiwi' ri aj-Amón xuteq-pe ri Ismael ruk'ajol ri Netanías richin yarukamisaj?, xecha'. Jak'a ri Guedalías man xerunimaj ta.

Wuj Kichin ri To'onela' 11:4

Y xapon k'a ri q'ij toq ri amonita xkichop oyowal kik'in ri israelita.

2 Sam 2:5

Y roma ri' ri David xeruteq-el ka'i-oxi' uk'uey rutzijol k'a kik'in ri achi'a' ri' y xuteq rubixik chike: Ja ri Jehová xtiya'on urtisanik pan iwi' rix, roma xiben ri jun nimalej utzil rik'in ri Saúl, ri qa-rey, richin ximuq toq xken.

1 Crón 10:11

Toq xkak'axaj ri aj-Jabés richin ri Galaad, ri xkiben ri aj-Filistea chire ri Saúl,

1 Crón 10:12

jari' xeyakatej-el konojel aj-labal, ri man jun xibinri'il chikiwech, xbekik'ama-pe ri ruch'akul ri Saúl y ri kich'akul ri e ruk'ajol, y xebekiya' kan chiri' pa Jabés. Xekimuq k'a kan chuxe' jun paten-che', y kan xemewayin k'a wuqu' q'ij.