1 Sam 10:6 - Kaqchiquel Bible

⁶ Jari' toq ri Espíritu richin ri Jehová xtoqaqa pan awi' richin nuya' awuchuq'a'. Y xkatok jun q'alajirisey ruch'abel ri Dios, y kan achi'el nikiben rije' keri' xtaben rat y kan xkatok k'a jun k'ak'a' achin.

1 Sam 10:6 ပူးပေါင်းရင်းမြစ်များ

Wuj Richin ri Q'axanri'il 11:17

Yin xkiqaqa-pe y chiri' xkich'on awik'in y yin xtinwelesaj juba' chire ri ejqa'n ri nuya'on pan awi' rat y re' xtinya' pa kiwi' rije' richin yatkito' chuk'uaxik ri ralal ri samaj, y man ayon ta chik rat ri xkatuk'uan.

Wuj Richin ri Q'axanri'il 11:25

Y toq ri Jehová xqaqa-pe, kan chupan k'a ri sutz' peteneq-wi y xch'on rik'in ri Moisés. Xeri' ri Jehová xuya' chuqa' chike ri e oxk'al lajuj achi'a' ri Espíritu achi'el ri ruya'on chire ri Moisés. Jari' toq ri achi'a' ri' xebech'on-pe achi'el yech'on ri e q'alajirisey ruch'abel ri Dios. Jak'a xaxe jun bey ri keri' xkiben.

Wuj Richin ri Q'axanri'il 11:26

Y xbanatej k'a chi ek'o e ka'i' achi'a' ri kibini'an Eldad y Medad, ri xek'oje' kan ri akuchi ek'o-wi-qa y man xe'apon ta chupan ri molojri'il. Y rije' kan xqaqa chuqa' ri Espíritu pa kiwi' y xkichop k'a yech'on achi'el yech'on ri e oxk'al waqxaqi' achi'a'. Y rije' ek'o k'a chikikojol ri xecha'ox roma ri Moisés.

Wuj Richin ri Q'axanri'il 11:29

Jak'a ri Moisés xubij chire: ¿Achike roma niq'axon awánima roma re'? ¿Nach'ob rat chi xaxe yin ri yibanon re samaj re'? Jebel ta ri' wi ta ri Dios nuya' ta pe ri ru-Espíritu pa kiwi' konojel ri qawinaq chi nikiq'alajirisaj ri ruch'abel achi'el rije', xcha'.

San Mateo 7:22

Y chupan k'a ri q'ij toq xtiq'at-tzij pa kiwi' ri winaqi', e k'iy k'a ri xkebin chuwe: ¡Wajaw! Wajaw, roj kan pan abi' rat xqaq'alajirisaj ri ruch'abel ri Dios, pan abi' rat xeqakol k'iy winaqi' ri ek'o itzel taq espíritu kik'in y pan abi' chuqa' rat xeqabanala' janila k'iy meyel taq banobel, xkecha'.

Wuj Kichin ri To'onela' 14:6

Y jari' toq ri Espíritu richin ri Jehová xuya' ruchuq'a' ri Sansón, y rik'in k'a ri ruq'a' xukamisaj ri koj achi'el nikamisex jun ti tzuntzun; y man xuq'alajirisaj ta chikiwech ri rute-rutata' ri xuben.

Wuj Kichin ri To'onela' 15:14

Y toq ye'apon yan ri chiri' pa Lehi, ri aj-Filistea xe'el k'a pe richin xokik'ulu' y yesik'in, jari' toq ri Espíritu richin ri Jehová xuya' ruchuq'a' ri Sansón, y ri kolo' ri achoq ik'in ximon-wi ri ruq'a' xek'oqpitej achi'el xa ta jun kolo' k'atineq, y ri kolo' xetzaq-el chire ri ruq'a'.

Wuj Kichin ri To'onela' 3:10

Ri Espíritu richin ri Jehová xpe rik'in ri Otoniel richin nuya' ruchuq'a', y xuq'et-tzij pa kiwi' ri ruwinaq, y xbe pan oyowal, y xuchop oyowal rik'in ri Cusán-risataim rey richin Siria, y ri Jehová xujech pa ruq'a' ri Otoniel, re rey re'.

1 Sam 10:10

Toq rija' y ri rusamajel xe'apon pa Guibeá, kan xekik'ul k'a ri jun tzobaj q'alajirisey ruch'abel ri Dios. Y ri Espíritu richin ri Dios xpe rik'in ri Saúl, richin xuya' ruchuq'a'. Y kan xok chuqa' jun q'alajirisey ruch'abel ri Dios kik'in ri ch'aqa' chik.

1 Sam 10:9

Ri Saúl kan xaxe toq xujech kan ri' rik'in ri Samuel, jari' toq ri Dios xujel ri ránima y chupan k'a ri q'ij ri' xbanatej rik'in rija' ronojel ri nima'q taq banobel richin retal ri bin-pe chire.

1 Sam 11:6

Toq xrak'axaj ronojel re' ri Saúl, jari' toq ri Espíritu richin ri Dios xoqaqa rik'in richin nuya' ruchuq'a'. Y rija' kan janila xyakatej royowal chikij ri winaqi' ri'.

1 Sam 16:13

K'ari' ri Samuel xuchop ri uk'a' nojineq rik'in aceite y xuqasaj pa ruwi' ri David chiri' chikikojol ri rach'alal. Y chupan k'a ri q'ij ri' ri Espíritu richin ri Jehová xoqaqa pa ruwi' ri David. Y ri Samuel xtzolin-el pa tinamit Ramá.

1 Sam 19:20

Y xeri' ri Saúl xeruteq-el rusamajela' richin nibekik'ama-pe ri David. Y toq xe'apon xekitz'et jun tzobaj ri e q'alajirisey ruch'abel ri Dios, y ja ri Samuel ik'owineq-el chikiwech. Y ri ru-Espíritu ri Dios xoqaqa pa kiwi' ri rusamajela' ri Saúl, y rije' chuqa' xkiq'alajirisaj ri ruch'abel ri Dios.