1 Sam 10:20 - Kaqchiquel Bible

²⁰ K'ari' ri Samuel xuben chi xejel-apo konojel ri tzobaj richin ri Israel y xchatej kan ri tzobaj richin ri Benjamín.

1 Sam 10:20 ပူးပေါင်းရင်းမြစ်များ

2 Sam 3:19

Chuqa' xch'on kik'in konojel ri winaqi' aj-Benjamín. Y k'ari' xbe pan Hebrón rik'in ri David richin xberubij chire ri achike nikich'ob ri benjamita y ri ch'aqa' chik israelita.

Wuj Richin ri Jonás 1:7

Y ri Jonás kan xbejote' k'a pe kik'in, y konojel xkibila' k'a qa chikiwech chi achike roma nikik'uluwachij re jun ruk'ayewal re yakatajineq pa kiwi'. Y xkibij k'a chi nikisakij richin nikitz'et achoq pa ruwi' xtiqaqa-wi. Y keri' xkiben y xqaqa pa ruwi' ri Jonás.

Deut 33:12

Rix ri tzobaj richin Benjamín: Rix ri janila yixajowex roma ri Jehová y roma ri' kan ikuquban ik'u'x. Ri nimalej Dios xkixchajin ronojel q'ij; y kan xkixk'oje' chuxe' ri ruq'a' rija'.

1 Sam 10:19

Jak'a re wakami, rix xa xiwetzelaj kan ri qa-Dios ri xkolon kichin ri ite-itata' chuwech ronojel ri tijoj-poqonal y q'axo'n. Y chuqa' xibij chi niwajo' chi nuya' jun rey pan iwi'. Wakami k'a, kixjel-pe chuwech ri Jehová pa taq itzobaj, chi te'ej, chi tata'aj, chi alk'ualaxela' y chi iy-mam, xcha' ri Samuel.

1 Sam 10:21

K'ari' xubij chi kejel-apo ri tzobaj richin ri Benjamín y chukojol ri' xchatej kan jun jay winaqi' richin ri Matrí y chupan ri' xchatej kan ri Saúl, ruk'ajol ri Cis. Y xkikanoj k'a ri Saúl chikikojol y man xkil ta.

1 Sam 14:38

K'ari' ri Saúl xubij chike ri rijita'q taq achi'a' ri k'o kiq'ij: Kixjel-pe, y titz'eta' ri achike xmakun chuwech ri Dios.

1 Sam 14:41

K'ari' ri Saúl xubij chire ri Jehová: Tak'utu' chiqawech wakami achike ri makuwineq, xcha'. Xban k'a ri sakinik, y xqaqa k'a pa kiwi' ri Saúl y ri Jonatán, y ri tinamit xtotej kan.