1 Sam 10:19 - Kaqchiquel Bible

¹⁹ Jak'a re wakami, rix xa xiwetzelaj kan ri qa-Dios ri xkolon kichin ri ite-itata' chuwech ronojel ri tijoj-poqonal y q'axo'n. Y chuqa' xibij chi niwajo' chi nuya' jun rey pan iwi'. Wakami k'a, kixjel-pe chuwech ri Jehová pa taq itzobaj, chi te'ej, chi tata'aj, chi alk'ualaxela' y chi iy-mam, xcha' ri Samuel.

1 Sam 10:19 ပူးပေါင်းရင်းမြစ်များ

Wuj Richin Etamabel-Tzij 16:33

Ri wineq xaxe k'a nuk'eq-apo ruwech chirij ri nurayij, xa achi'el rubanik jun sakinik; y ja ri Jehová ri xtibin wi nuya' o man nuya' ta ri nurayij.

Wuj Richin ri Miqueas 5:2

Jak'a xtipe pe jun q'atoy-tzij pa tinamit Belén ri chuqa' nibix Efrata chire. Stape' ri tinamit ri' maneq rejqalen chikiwech konojel ri tinamit richin Judá, kan kik'in rije' xtel-wi-pe re q'atoy-tzij re'. Y rija' kan samajineq-wi-pe pa nabey.

Wuj Richin ri Q'axanri'il 11:20

xa kan richin jun ik', kan xtikitej k'a ti'ij k'a toq xtikiben na xib y kan jumul k'a xtikixowaj, roma man xkiya' ta wejqalen yin Jehová ri ink'o chi'ikojol, y xa xe'oq' janila chinuwech y xkibij chi achike roma xe'el-pe pa ruwach'ulew Egipto. Keri' tabij chike, xcha' ri Jehová.

Wuj Richin ri Q'axanri'il 17:2

Kach'on kik'in ri awinaq y tabij chike chi ri e kablajuj aj-raqen pa kiwi' ri kablajuj tzobaj winaqi' nikik'en-pe jujun kich'ame'y. K'ari' tatz'ibaj kan ri kibi' ri aj-raqen ri' chirij ri kich'ame'y.

Deut 17:14

Toq xixok yan chupan ri ruwach'ulew ri xtiberuya' ri Jehová ri qa-Dios chiwe, y xixok yan kan chuwech ri iwulew y chupan ri iwachoch, jari' toq xtibij chi niwajo' jun i-rey richin nuq'et-tzij pan iwi', achi'el ri kibanon ri ch'aqa' chik ruwach'ulew ri ek'o chi'inaqaj.

Wuj Richin ri Josúe 24:1

K'ari' ri Josué xerumol chik k'a jun bey ri achi'a' ri k'o kiq'ij, ri e tata'al richin ri tinamit, ri to'onela', ri samajela' ri k'o kiq'ij richin ri tinamit y konojel ri winaqi' israelita. Konojel rije' junan xe'apon chuwech ri Dios chiri' pa tinamit Siquem.

Wuj Kichin ri To'onela' 8:23

Jak'a ri Gedeón xubij chike ri ruwinaq: Yin man ninq'et ta tzij pan iwi' rix, ni ta ri nuk'ajol; roma kan ja ri Jehová ri xtiq'aton-tzij pan iwi', xcha'.

1 Sam 10:20

K'ari' ri Samuel xuben chi xejel-apo konojel ri tzobaj richin ri Israel y xchatej kan ri tzobaj richin ri Benjamín.

1 Sam 12:12

Jak'a toq xitz'et chi ri Nahas ri rey kichin ri amonita xyakatej-pe richin nuben labal iwik'in, jari' toq xibij rix chi niwajo' jun i-rey richin nuq'et-tzij pan iwi', stape' ri rubanon-pe kan ja ri Jehová ri qa-Dios, jari' ri qa-rey roj.

1 Sam 14:23

Y xekitzeqelibej más kela' chire ri tinamit Bet-avén. Y keri' ri Jehová xerukol ri israelita chupan ri q'ij ri'.

1 Sam 14:38

K'ari' ri Saúl xubij chike ri rijita'q taq achi'a' ri k'o kiq'ij: Kixjel-pe, y titz'eta' ri achike xmakun chuwech ri Dios.

1 Sam 3:21

Ri Jehová kan xuchop xuq'alajirisaj chik ri' jun bey chiri' pa Siló, akuchi xch'on-wi rik'in ri Samuel. Y ri Samuel nuq'axaj k'a chike ri ruwinaq ri nubij-pe ri Jehová chire.

1 Sam 4:1

Y k'o k'a jun q'ij ri aj-Filistea xbekibana' oyowal kik'in ri israelita y xkimol-ki' chunaqaj ri tinamit Afec. Jak'a ri israelita kimolon-ki' pa tinamit Eben-ézer.

1 Sam 8:19

Jak'a ri winaqi' man xkajo' ta xkak'axaj ri ruch'abel ri Samuel y xkibij: Ni, roj niqajo' jun qa-rey richin nuq'et-tzij pa qawi'.

1 Sam 8:5

y xkibij chire: Rat janila chik at ri'j, y ri ak'ajol man nikiben ta achi'el naben rat. Roma ri' wakami niqajo' chi nakanoj jun qa-rey richin nuq'et-tzij pa qawi', achi'el kibanon ri ch'aqa' chik ruwach'ulew, xecha'.