1 Sam 10:1 - Kaqchiquel Bible

¹ K'ari' ri Samuel xuchop jun k'ojelibel nojineq chi aceite y xuq'ej pa rujolon ri Saúl. K'ari' xutz'ubaj y xubij chire: Ja ri Jehová xturtisan awichin. Ja rija' ri xacha'on richin xatok rey pa ruwi' ri tinamit Israel. Ja retal re' chi ja rija' ri xcha'on awichin.

1 Sam 10:1 ပူးပေါင်းရင်းမြစ်များ

1 Sam 16:13

K'ari' ri Samuel xuchop ri uk'a' nojineq rik'in aceite y xuqasaj pa ruwi' ri David chiri' chikikojol ri rach'alal. Y chupan k'a ri q'ij ri' ri Espíritu richin ri Jehová xoqaqa pa ruwi' ri David. Y ri Samuel xtzolin-el pa tinamit Ramá.

Wuj Richin Bix Chire ri Dios 78:71

Chupan ri yuq'unik xrelesaj-wi-pe richin chi xeruyuq'uj ri qawinaq, richin chi xok kiyuq'unel ri israelita.

1 Sam 9:16

Ke taq wa' chua'q yin xtinteq-pe awik'in jun achin richin ri tzobaj richin Benjamín y rat xtaqasaj aceite pa ruwi' richin xtok rey pa ruwi' ri nutinamit Israel. Y ja rija' xtikolon ri nutinamit pa kiq'a' ri aj-Filistea, roma nutz'eton ri tijoj-poqonal ri nikik'owisaj y ri kich'abel kan oqawineq k'a wik'in yin, xcha' ri Jehová.

Wuj Richin Bix Chire ri Dios 2:12

Tiqasaj-iwi' chuwech ri k'ajolaxel richin man nipe ta royowal, roma man xa xkixruk'is kan pa bey, ri royowal rija' xa kan pa jun ti ramaj nuk'is ronojel. ¡Jebel ruwa-kiq'ij ri janipe' kikuquban kik'u'x rik'in, xcha' ri Dios.

Hechos 13:21

Jak'a rije' jun rey ri xkajo' richin niq'aton-tzij pa kiwi'. Y ri Dios kan xuya-wi k'a ri ki-rey. Kawineq juna' ri xq'aton-tzij pa kiwi' ri qati't-qamama'; ri rey ri' xubini'aj Saúl. Rija' ruk'ajol k'a ri Cis. Y ri Saúl jun rijatzul kan ri Benjamín.

1 Sam 26:11

Jak'a ri Jehová xkiruto' richin man ta xtinjeluj nuq'a' chirij ri cha'on roma Rija'. Wakami k'a, tak'uaj-el la rukum ri k'o chunaqaj la ruch'akat-ruwi' y la ruk'ojelibal-ruya', y jo', xcha'.

Deut 32:9

Roma ri Jehová ja ri qatinamit ri xucha', kan ja roj ri oj rijatzul kan ri Jacob ri xojrucha' rija'.

2 Rey 20:5

Katzolin, y kere' tabij chire ri Ezequías: Rat at rey pa ruwi' ri nutinamit. Y yin in a-Dios rat, y ri ru-Dios chuqa' ri David ri ánima amama'. Xinwak'axaj ri ach'owen, y xintz'et ri ruya'al runaq'-awech. Wakami k'a xkatink'achojirisaj richin keri' pa rox q'ij xkabe-el pa wachoch richin naya' nuq'ij.

2 Rey 9:1

Rokik ri Joram nraq'omaj-ri', ri Eliseo q'alajirisey ruch'abel ri Dios xroyoj jun chike ri rutijoxel, q'alajirisey ruch'abel ri Dios, y xubij chire: Tabana' achojmil richin yabe pa tinamit Ramot richin Galaad, y tak'uaj-el jun ti bojo'y nojineq chi aceite.

Apocalipsis 5:8

Y toq ruchapon chik ri boton wuj, ri e kaji' ri k'o kik'aslen e kachibilan ri e juwineq kaji' achi'a' ri k'o kiq'ij, xexuke-qa chuwech ri Karne'l ri'. Konojel kik'ualon ki-arpa y porobel-pom ri e banon rik'in q'anapueq ri e nojineq rik'in pom. Re' nuk'exewachuj ri kich'owen ri ralk'ual ri Dios.

Hebreos 2:10

Richin chi konojel ri ralk'ual ri Dios nik'oje' kiq'ij-kik'ojlen, ruk'amon chi ri ajaw Dios, ri xtz'ukun ronojel, xuben chire ri Jesús chi xutej poqon richin chi xok jun kolonel ri kan ruk'amon.

1 Tesalonicenses 5:26

Tiya' rutzil-kiwech konojel ri qach'alal, rik'in jun loq'olej tz'ubanik.

Os 13:2

Wakami xa kan k'a yemakun na k'a, roma kan k'a nikiya'erisaj na saqipueq y yekibanala' wachibel chire richin nikiya' kiq'ij. Achi'el k'a xqa' chikiwech rije' keri' xkiben chire, k'ari' xkibij chike ri winaqi' chi kekamela'an chikiwech. Ri winaqi' kan yekitz'ubaj k'a ri wachibel richin bóyix ri xeban.

Wuj Richin ri Jeremías 10:16

Ja rat ri xabanon ronojel ri k'o chuwech re ruwach'ulew. Y ja rat ri at qa-Dios, ri oj rijatzul kan ri Jacob. Ja rat xacha'on qichin richin xojok atinamit. Y ri abi' rat Jehová k'iytisanel richin ronojel, xicha' chire ri Dios.

Wuj Richin Bix Chire ri Dios 135:4

roma rija' kan ja ri e rijatzul kan ri Jacob ri xerucha'. Xucha' k'a ri tinamit Israel richin xok richin.

1 Rey 19:18

Jak'a yin kan e nuch'aron kan e 7,000 winaqi' aj-Israel ri man xexuke' ta chikiwech ri Baal ni man xkitz'ubaj ta, xcha' ri Jehová.

2 Sam 19:39

Y konojel k'a ri e beneq rik'in ri David xkiq'axaj k'a apo ri raqen-ya' Jordán nabey chuwech rija'. Y toq xeq'ax rija' y ri Barzilai, jari' toq xutz'ubaj kan y chuqa' xrurtisaj kan richin xkijech kan ki'. Y ri Barzilai xk'oje' k'a kan, y xtzolin-el pa rachoch.

2 Sam 5:2

Y kan qitzij na wi chi ja ri Saúl ri xq'aton-tzij pa qawi'. Jak'a xa kan ja rat ri at uk'uayon ri bey chikiwech ri aj-labal. Chuqa' ri Jehová rubin chawe chi rat xkatok yuq'unel y tata'al qichin roj tinamit Israel, xecha'.

1 Sam 24:6

K'ari' xubij chike ri aj-labal: Kan ja ta k'a ri Jehová xkito'on richin man jun ta itzel xtinben chire ri rey, roma rija' kan cha'on roma ri Jehová, xcha' ri David.

1 Sam 13:14

Jak'a re wakami ri aq'atbal-tzij xa man xtiyaloj ta. Roma ri Jehová xukanoj yan jun achin ri kan niqa' chuwech Rija'. Y kan xucha' richin xtok tata'al pa ruwi' ri rutinamit, roma rat xa man xaben ta ri xubij ri Jehová chawe, xcha'.

1 Sam 8:19

Jak'a ri winaqi' man xkajo' ta xkak'axaj ri ruch'abel ri Samuel y xkibij: Ni, roj niqajo' jun qa-rey richin nuq'et-tzij pa qawi'.

1 Sam 8:9

Wakami k'a tanimaj kitzij xaxe k'a taq'alajirisaj chikiwech, ri achike k'a xtuben ri rey kik'in toq xtik'oje' pa kiwi', xcha' ri Dios chire ri Samuel.

1 Sam 2:10

Ri Jehová xkeruk'is ri etzelanel richin, kan xtuteq-pe koqolajay pa kiwi'. Ja ri Jehová xtiq'aton-tzij pa ruwi' chijun ruwach'ulew y xtuya' uchuq'a' pa ruq'a' ri rey ri rucha'on y xtinimirisex ri ruq'ij, xcha'.

Ex 30:23

Takanoj k'a ri q'ayis ri más jubul kuxla': Takanoj kablajuj libra mirra, waqi' libra canela, waqi' libra aji'j y

1 Sam 9:27

Toq ek'o chik k'a chuchi' ri tinamit, jari' toq ri Samuel xubij chire ri Saúl: Tataqa-el la asamajel richin nik'o-el chawech y rat kakanej na kan juba' richin ninq'alajirisaj chawe ri rubin ri Dios chuwe, xcha'.

1 Sam 12:3

Wakami k'a jare' ink'o chiwech. Tiq'alajirisaj ronojel chuwij chuwech ri Jehová y chuwech ri rey. Wi jun chiwe rix ri weleq'an ri rubóyix o ri rubur, tubij. O wi k'o jun nutz'ukun-tzij chirij o nuyoq'on ta, o wi k'o jun ri in rupuaqin, tibij-pe; y xtintzolij chire, xcha' ri Samuel chike.

1 Sam 15:1

K'o k'a jun q'ij ri Samuel xubij chire ri Saúl: Ja yin ri xiruteq ri Jehová richin xinqasaj aceite pan awi' richin xatok rey pa ruwi' ri tinamit Israel. Wakami k'a, kan tawak'axaj ri ruch'abel ri Jehová ri nrajo' nubij chawe.

1 Sam 16:1

Chirij re' ri Jehová xubij k'a chire ri Samuel: ¿K'a jampe' k'a yatane' chi oq'ej chirij ri Saúl? Roma ja yin ri xibin chire chi man rey ta chik pa ruwi' ri Israel. Wakami tanojisaj k'a ri uk'a' rik'in aceite y xkabe rik'in ri Isaí aj-Belén, roma jun chike ri ruk'ajol rija' nucha'on richin nibe'ok rey, xcha'.

1 Sam 26:9

Jak'a ri David xubij chire: Man takamisaj roma ri achike xtikamisan richin ri rey ri kan cha'on roma ri Jehová, kan xtiqaqa rutojbalil pa ruwi'.

2 Sam 1:14

Y ri David xubij k'a chire: ¿Man xak'en ta k'a rukiy toq xakamisaj ri rey ri rucha'on ri Jehová?, xcha'.

1 Rey 1:34

Y toq ixk'o chik chiri', ja ri Sadoc y ri Natán ri xkeqasan aceite pa ruwi' ri Salomón, richin nok kan rey pa ruwi' chijun ruwach'ulew Israel. Y kan xtixupux k'a ri uk'a' y xtibij: ¡Tiqaya' ruq'ij ri rey Salomón!, xkixcha'.

Ez 16:13

Keri' xatinwiq rik'in q'anapueq y saqipueq y ri atziaq kan e banon rik'in jebelej lino ri kan jebel e tz'ison y kan jebejoj ok ri yetzu'un. Y keri' jebel ok xaben. Xatinwilij rik'in jebelej kaxlan-wey, rik'in kab ri nikiya' ri taq chikopi' y ri aceite banon rik'in olivo. Kan janila jebel ok xaben-q'anej y kan janila xk'oje' awejqalen, achi'el jun reina.

1 Sam 15:17

K'ari' ri Samuel xubij: Stape' pa nabey, rat xana-awi' chi man jun awejqalen. ¿Man banon ta kami chawe chi at jun aj-raqen pa kiwi' ri israelita? Y ri Jehová xarukusaj kan rey pa ruwi' ri tinamit.

2 Sam 20:19

Re qatinamit roj kan achi'el jun te'ej ri nuya' pixabanik chike ri ral. Kan jun tinamit ch'uch'uj y kan nuben ri nubij. Jak'a rat xa natej aq'ij richin nak'is re jun te'ej tinamit. ¿Achike k'a roma nawajo' nak'is ri ruya'on ri Jehová chiqe?, xcha'.

2 Rey 9:12

Ri rachibil xkibij chik chire: Man tatz'uk-tzij. ¡Tatzijoj chiqe ronojel ri xubij kan chawe, xecha'. Y ri Jehú kan xutzijoj k'a chike ri xbix chire roma ri Eliseo: Xubij chi ri Jehová xucha' yan ri Jehú, y xuq'ej aceite pa ruwi' richin xok kan rey pa ruwi' ri tinamit Israel.