1 Sam 1:9 - Kaqchiquel Bible

⁹ Y k'o k'a jun q'ij toq xebe pa Siló, y toq xewa'-xe'uk'ya' yan, xyakatej-el ri Ana y xq'ax-apo richin xbech'on rik'in ri Jehová. Y ri sacerdote Elí tz'uyul pa jun ch'aket chunaqaj jun xata't richin ri chuchi' ri rachoch ri Jehová.

1 Sam 1:9 ပူးပေါင်းရင်းမြစ်များ

2 Sam 7:2

Ri David xch'on k'a rik'in ri q'alajirisey ruch'abel ri Dios ri rubini'an Natán, y xubij: Yin wakami ink'o chupan jun jay banon rik'in tiox-che', jak'a ri káxa richin ri rujikibel-tzij ri Dios xa chupan jun jay ri banon rik'in tzieq k'o-wi kan, xcha'.

Wuj Richin Bix Chire ri Dios 27:4

Yin kan k'o k'a jun ri nuk'utun chire ri Jehová; y kan jari' ri xtinkanoj; chi yin kan xkik'oje' ta chupan ri rachoch ronojel q'ij chire ri nuk'aslen, richin chi ninmey ri ruk'ojlemal y yich'on rik'in chupan ri rachoch.

Wuj Richin Bix Chire ri Dios 29:9

Ri ruch'abel ri Jehová kan nuben chi ronojel ri ruxaq ri tuq kan yetzaq-el. Chuqa' nuben chi ri k'echelaj kan man jun chik che' nik'oje' kan chupan, rokik chupan ri rachoch rija' konojel k'a nikiya' ruq'ij-ruk'ojlen.

Wuj Richin Bix Chire ri Dios 5:7

Jak'a yin, roma ri nimalej awutzil ri aya'on pa nuwi' xkinok chupan ri awachoch. Chiri' xtinya' k'a aq'ij achi'el ri ruk'amon chawe rat.

Ex 21:6

Jari' toq ri rajaw xtuk'uaj ri achin ri', richin chi niberuq'alajirisaj kan chikiwech ri to'onela'. Y k'ari' rija' xtutz'araba-apo ri ruxikin ri rusamajel chuwech ri che' ri chapayon ri ruchi' ri jay, o chuwech ri tz'alem richin ri ruchi-jay, richin nuwop rik'in jun ch'ich' ri is-is rutza'n. Jare' k'a ri xtok retal chi re achin re' xyuqe' kan pa samaj rik'in richin jantape'.

1 Sam 1:10

Ri Ana janila q'axomarineq ri ránima, y roma ri' xch'on rik'in ri Jehová y kan janila xoq'.

1 Sam 3:15

Y ri Samuel xk'oje' chiri' pa ruwarabel, y k'a toq xseqer na, k'ari' xyakatej-el. K'ari' xujeq ruchi' ri rachoch ri Jehová, y rija' k'o rukiy chuwech chi nuq'alajirisaj chire ri Elí ronojel ri xbix chire roma ri Jehová.

1 Sam 3:3

Y ri Samuel niwer k'a pa rachoch ri Jehová ri akuchi k'o-wi ri káxa richin ri rujikibel-tzij ri Dios. Y toq man jani tichup-qa ri ruq'aq' ri Dios,

1 Sam 4:13

Jak'a ri Elí kan tz'uyul chuchi' ri bey royoben richin chi k'o ta jun niya'on rutzijol chire y ri ránima janila nibaybot roma ri káxa. Y Jari' toq xapon pa tinamit ri achin ri animajineq-el pan oyowal y xuya' rutzijol chike konojel ri winaqi' y rije' xesik'in.