1 Sam 1:3 - Kaqchiquel Bible

³ Y ronojel k'a juna' ri Elcaná nibe-q'anej pa tinamit Siló richin niberusuju' sipanik richin niberuya' ruq'ij ri Jehová k'iytisanel richin ronojel. Y chiri' k'o-wi ri sacerdote richin ri Jehová rubini'an Elí, chuqa' chiri' ek'o-wi ri e ruk'ajol kibini'an Hofní y Finees. Rije' chuqa' e sacerdote.

1 Sam 1:3 ပူးပေါင်းရင်းမြစ်များ

Wuj Richin Bix Chire ri Dios 78:60

Xumalij k'a kan ri rachoch banon rik'in tzieq, ri paban-q'anej pa Siló, ri jay ri akuchi xk'oje' rija', chikikojol ri qawinaq.

Ex 23:14

Oxi' k'a mul pa jun juna' yininimaq'ijuj richin niya' nuq'ij.

Ex 23:17

Kan konojel k'a achi'a' nik'atzin chi ye'oqaqa chupan re oxi' nimaq'ij re', chupan jun juna', richin ye'oqaqa chinuwech yin Jehová ri iwajaw.

Ex 34:23

Kan konojel k'a achi'a' ri e awinaq rat, nik'atzin chi ye'oqaqa chupan re oxi' nimaq'ij re', chupan jun juna', richin ye'oqaqa chinuwech yin Jehová ri ajaw, ri Dios richin ri Israel.

San Lucas 2:41

Ri María y ri José kan ronojel k'a juna' yebe pa tinamit Jerusalem richin nikinataj toq ri Dios xuya' ri Solbelri'il chike ri kati't-kimama'.

Deut 16:16

Konojel ri achi'a' k'o chi ye'apon oxi' mul pa jun juna', chuwech ri Jehová chiri' akuchi rucha'on-wi rija'; chupan ri nimaq'ij richin ri kaxlan-wey ri maneq ch'amilej-q'or rik'in, ri nimaq'ij richin ri Pentecostés y ri nimaq'ij richin ri taq jay banon rik'in ruq'a' taq che', y man jun tapon chuwech ri Jehová ri qa-Dios ri man jun ruk'uan-el.

Wuj Richin ri Josúe 18:1

Konojel ri winaqi' israelita xkimol-ki' chiri' pa tinamit Siló y chiri' xkipaba-q'anej ri rachoch ri Jehová richin molojri'il, y re' xkiben toq xjach yan ri ruwach'ulew chike.

Wuj Kichin ri To'onela' 18:31

Keri' xk'oje' k'a chikikojol ri paban wachibel ri rubanon ri Micaías, ri janipe' xk'oje' ri rachoch ri Dios pa Siló.

Wuj Kichin ri To'onela' 21:19

Qetaman k'a chi ronojel juna' k'o ri nimaq'ij richin ri Jehová chiri' pa Siló, xecha'. Y ri Siló k'o pa xaman-q'anej chire ri tinamit Betel, y chuqa' pa relebel-q'ij chire ri bey ri nel-el pa Betel y napon-q'anej pa tinamit Siquem, y pa xokon chire ri tinamit Leboná.

1 Sam 1:21

Y toq xapon chik k'a ri q'ij richin yenimaq'ijun, ri Elcaná, ri Peniná y konojel ralk'ual xebe richin nibekisuju' sipanik chuwech ri Jehová, kan achi'el nikiben ronojel juna'.

1 Sam 1:9

Y k'o k'a jun q'ij toq xebe pa Siló, y toq xewa'-xe'uk'ya' yan, xyakatej-el ri Ana y xq'ax-apo richin xbech'on rik'in ri Jehová. Y ri sacerdote Elí tz'uyul pa jun ch'aket chunaqaj jun xata't richin ri chuchi' ri rachoch ri Jehová.

1 Sam 14:3

Y chikikojol k'a rije' k'o ri Ahías, ja rija' ri uk'uyon ri efod, ri tzieq banon rik'in lino. Ri Ahías ruk'ajol ri Ahitub, re Ahitub re' runimal ri Icabod ri e ruk'ajol kan ri Finees, y e rumam kan ri Elí. Y kan man jun k'a xnaben-el chi ri Jonatán xa xbe yan.

1 Sam 2:19

Y ronojel k'a juna', ri rute' nubanala' k'a jun nim raqen rutziaq y nuk'uaj-el toq yebe junan rik'in ri rachijil richin nibekisuju' sipanik chuwech ri Jehová, ri achi'el kibanon ronojel juna'.

1 Sam 2:34

Y k'o k'a jun q'ij xtatz'et ri nima'q taq nubanobal richin retal chi ri Hofní y ri Finees xkeken junan pa jun q'ij.

1 Sam 3:13

Y kan xtink'ut k'a chuwech chi ja yin xkiq'aton-tzij pa ruwi' rija' y pa kiwi' ri aj pa rachoch, roma rija' retaman chik ri itzel taq kibanobal ri e ruk'ajol ri nikiben chinuwech. Y rija' kan xretamaj y man e relesan ta el chiri'.

1 Sam 4:11

Y ri káxa ri richin ri jikibel-tzij xkik'uaj kan ri aj-Filistea, y xekikamisaj kan ri Hofní y ri Finees ri e ka'i' ruk'ajol ri Elí.

1 Sam 4:4

Y rije' xekiteq k'a el jun tzobaj achi'a' pa Siló richin xbekik'ama-pe ri káxa ri' ri akuchi niq'aton-wi-tzij ri Jehová k'iytisanel richin ronojel, ri k'o chiri' chikikojol ri ka'i' querubín. Y ri Hofní y ri Finees, ri e ka'i' ruk'ajol ri Elí, chuqa' xebe chirij ri káxa.