1 Sam 1:2 - Kaqchiquel Bible

² Ri Elcaná ek'o k'a ka'i' rixjayil, ri jun rubini'an Ana, y ri jun chik rubini'an Peniná. Ri Peniná ek'o ral, jak'a ri Ana man jun ral k'o.

1 Sam 1:2 ပူးပေါင်းရင်းမြစ်များ

San Lucas 1:7

Jak'a rije' e maneq kalk'ual, roma ri Elisabet man alanel ta. Y chi e ka'i' kan e rijita'q chik.

San Mateo 19:8

Ri Jesús xubij: Kan achi'el k'a kowirineq ri iwánima rix, kan keri' chuqa' xk'uluwachitej ojer kan, ri pa ruq'ijul ri Moisés. Xa roma ri' toq rija' xuya' q'ij chi tiban ri jachojri'il rik'in ri ixjayilonel, jak'a ri pa rutikeribel-pe, man keri' ta.

Wuj Kichin ri To'onela' 13:2

Y chikikojol ri tzobaj richin ri Dan k'o k'a jun achin rubini'an Manoa, ri k'o chiri' pa tinamit Sorá, y ri rixjayil rija', man alanel ta.

Wuj Kichin ri To'onela' 8:30

Rija' xek'oje' k'a e oxk'al lajuj ralk'ual, roma janila e k'iy rixjayil xek'oje'.

Wuj Richin ri Rutikeribel 29:31

Y ri Jehová xutz'et chi ri Lea man kan ta chik najowex, roma ri' xuben chire chi yek'oje' ral; jak'a ri Raquel man alanel ta.

Wuj Richin ri Rutikeribel 25:21

Ri Isaac xuk'utuj k'a chire ri Jehová chi ri rixjayil nik'oje' ta ral roma rija' man alanel ta, y ri Jehová xrak'axaj y ri Rebeca xek'oje' k'a ral.

Wuj Richin ri Rutikeribel 4:23

Y ri Lámec xch'on k'a kik'in ri rixjayil y xubij chike: Adá y Silá, tiwak'axaj k'a re xtinbenbij chiwe: Yin xinchoy jun wineq roma xirusok, kan xinkamisaj k'a kan re ala' re' roma xiruch'ey.

San Lucas 2:36

K'o k'a chuqa' jun ixoq q'alajirisey ruch'abel ri Dios rubini'an Ana, rumi'al kan ri Penuel, y riy-rumam kan ri Aser. Re Ana re' ti ri'j chik. Rija' k'a ko'ol toq xk'ule'. Xaxe wuqu' juna' xkik'uaj-ki' rik'in ri rachijil, roma xa chi'anin xken-el chuwech.

Wuj Richin ri Rutikeribel 4:19

Y ri Lámec xerukanoj e ka'i' rixjayil, ri jun rubini'an Adá, y ri jun chik rubini'an Silá.

Wuj Richin ri Rutikeribel 11:30

Ri Sarai man xek'oje' ta ral, roma rija' kan keri' banon chire roma ri Dios.