1 Sam 1:16 - Kaqchiquel Bible

¹⁶ Roma ri' man tach'ob chi yin in jun chike ri ixoqi' ri maneq Dios chikiwech; yin yich'on-q'anej rik'in ri Dios, pa ruwi' ri bis ri k'o pa wánima y ri poqonal ri niban chuwe, xcha' ri Ana.

1 Sam 1:16 ပူးပေါင်းရင်းမြစ်များ

Wuj Richin Bix Chire ri Dios 55:2

Tabana' utzil kinawak'axaj y tak'uluba-pe ri nuch'abel, roma yin rik'in ronojel wánima yich'on awik'in, chupan ri tijoj-poqonal.

Deut 13:13

chi ek'o achi'a' ri maneq Dios chikiwech xebek'ulun-pe, y yekitaqchi'ij ri winaqi' richin ri tinamit richin nikiya' kiq'ij ch'aqa' chik dios ri man e qitzij ta y man iwetaman ta kiwech.

Deut 13:14

Jari' rix kan k'o chi niwetamaj jebel, titz'eta' y tik'utuj ke taq ri', y wi nibek'ulun-pe chi kan qitzij banatajineq re jun itzel banobel re' chi'ikojol,

1 Sam 1:15

Y ri Ana xubij chire: Ni, yin man in q'abarel ta, ni man nuqumun ta pe vino. Yin xa janila niq'axon ri wánima y jari' ri ninbij chire ri Jehová.

1 Sam 1:17

Y ri Elí xubij chire: Kabiyin rik'in uxlanibel-k'u'x y ja ri qa-Dios xtiya'on chawe ri xak'utuj chire, xcha'.

1 Sam 10:27

Jak'a ri e q'ori' xkibij: ¿Nitikir kami rija' yojrukol?, xecha'. Y kan man xkiya' ta k'a rejqalen y man jun k'a sipanik xkiya' chire. Jak'a ri Saúl xuben chi man xniman ta chike.

1 Sam 2:12

Jak'a ri Hofní y ri Finees, kan e itzel taq achi'a', y man nikiya' ta rejqalen ri Jehová y roma ri' man xeniman ta chire.

1 Sam 25:25

Man tanimaj rutzij ri jun achin ri'; rija' kan banoy etzelal. Roma ri' rija' Nabal ri rubi', nel chi tzij ch'u'j, y man nich'obon ta chi utzil. Yin ri in asamajel man xentz'et ta pe ri alaboni' ri xe'ateq qik'in.