1 Sam 1:13 - Kaqchiquel Bible

¹³ Ri Ana xa pa ránima nich'on-wi, xaxe ri ruchi' nisilon. Ri ruch'abel man nak'axatej ta, y ri Elí xuch'ob chi ri Ana q'abarel.

1 Sam 1:13 ပူးပေါင်းရင်းမြစ်များ

Wuj Richin ri Nehemías 2:4

Y jari' toq ri rey xubij chuwe ri achike nitikir yirutobej. Jari' toq yin xink'utuj chire ri aj-chikajil Dios, richin yiruto'.

Wuj Richin Bix Chire ri Dios 25:1

Jehová, chawe rat ninya-wi ri nuch'owen.

Wuj Richin ri Zacarías 9:15

Yin kan xkixinto' k'a, y ri e etzelanel iwichin kan xke'ixeq', y xke'ich'ek rik'in ri iwikeq'. Rix kan xtiben chike chi xtitix ri kikik'el achi'el toq nitix ri vino. Rix kan xkixnoj k'a rik'in ri oyowal, achi'el ninoj ri xára ri nik'ulu ri kik' richin jun kamelabel.

Hechos 2:13

Jak'a ek'o k'a winaqi' ri xa yetze'en-apo chikij ri yech'on jun chik ch'abel, y nikibila' k'a chi xa e q'abarela'.

Romanos 8:26

Roj maneq quchuq'a', jak'a ri Loq'olej Espíritu yojruto'. Kan yojruto' chuqa' rik'in ri qach'owen rik'in ri Dios, roma roj man qetaman ta achike ri nik'atzin niqak'utuj chire ri Dios. Jak'a ri Espíritu kan nuk'utuj-wi k'a qoma roj, jak'a man rik'in ta ch'abel; kan rik'in k'a jiloj ri nuk'utuj.

1 Corintios 13:7

Ri ajowabel nuben chi niqakoch' ronojel; nuben chi jantape' kuqul qak'u'x. Chuqa' nuben chi niqoyobej ronojel. Y nuben chi rik'in ch'uch'ujil niqaq'axaj ronojel.

1 Sam 1:12

Rokik ri Ana nich'on rik'in ri Jehová y kan xyaloj yan juba', ri Elí rutzuliben k'a ri ruchi'.